اشحالكم خواتي واخبار الكتاكيت ^_^ …
انا فخاطري موضوع ابي افضفض لكم
احاتي ولدي وايد الله يسلمكم ولدي عمره شهرين وتوه يمشي بالثالث
وانا الدوام عاطيني اجازه لين شهر 2 تقريبا بيكمل 5 شهور ان شاء الله
اللي احاتيه وين بخليه ؟؟؟
خوات ماعندي
لمي حرمه عوده لو جابلته ساعه واذا غلبها الرقاد بتخليه ماتقدر تقاوم فديتها
وامي تقهرني يوم تعطيه للشغاله بروحها ما تواطني وكل ما تشوف ولدي لو راقد تباه وانازعها
فشقايل يوم بروح الدوام بتجابله طول النهار واصلا مابيه يتعود ع الخدم الواحد يحاتي
ع كثر اللي يسمعه عنهم …
وعمتي بروحها اداوم وكل اللي فالبيت اولاد وحريم اخواني يشتغلون وعيالهم ماشاء الله
يفتهمو كبار ريلي يقولي خذيه الدوام عسب مسؤؤلتي قالت لي تقدرين اتييبيه فتره بس
ولو بيرمسون وانا مافيه ومب حلوه بحقي واقترحوا علي اهد الشغل ومستحيل اهده
ع قولة الدكتور احمد النجار لا تخلون عيالكم معلاق تعلوق عليكم مشاكلكم وتخلوهم عائق ^_^
وبعد انا لما بشتري لولدي شي ما بتريا ريلي يعطيني …
المهم انا فكرت اذا ماشي حيله مردي اخليه عند امي …
وفي شغله ثانيه صايره اوسوس دايما اقول يمكن اذا ابتعدت عنه ( يعني داومت )
يمكن يتعلق فغيري وعقب مايباني وربيعتي اللي عندنا بالمنتدى اتعبني غروري دايما اتشجعني
اتقولي بالعكس لو شو بميزج لو رحتي جم ساعه شو رايكم … متلخبطه 
السموحه خواتي بغيت رايكم …
طيب أحس وايد أوكيه تخلينه عند أمج أتشوف عليه والخدامه اداريه وخاصه إذا كنت منظمه رقاده وايد حلو أو إذا الوالده تعبانه دوري لج أقرب حضانه وحطي البيبي مع الخدامه عندهم أكيد هم بعد بيشوفون عليه والخدامه بتكون تحت رقابتهم
بس لا تفكرين .. حبيبتي .. ,,
ما عليه شر علااوي حبيبي