بغيت نصايحكن

امهات وكروشات فديتكن ابغي خبراتكن
انا حامل دخلت الشهر الثامن يعني بدا العد التنازلي خخخخخ وهذا اول بيبي لي
بغيت اعرف شو من اغراض اساسيه اخذها حق البيبي انا اتشريت له كل شي اشوفه حلو ماخلي فخاطري شي
بس في اشيا اساسيه اخاف اني سهيت عنها وعقب اتوهق
وشو من اشيا اودي ويايه المستشفى يعني الشنطه اللي ازهبها شو اشل بها؟ حقي وحق البيبي؟
امممممممممممممممم وفالاربعين شو اسوي ولا شو اكل واشرب بشو تنصحني فديتها امايه مابتقصر طبعا بس
بعد ابغي تجاربكن عسب جسمي يرد شرا قبل واحسن مابي اعاني من الكرشه والترهلات والخطوط اللي تظهر
اممممممممممم واي وحده مرت بهالشي تخبرنا عن تجربتها ومنها نستفيد كلنا
يالله حبوبات همتكن ويايهـ

إختي الغالية لا تكثرين من الملابس نيوبورن لأن ألبيبي بسرعه بيكبر ..
الشنطة ( ملابس داخلية _ جلابيات خفيفة أو بجامات اللي يريحج _فوطة _ فرشاه و معجون _ صابون الجسم _ بودي لوشن _ شنطة الماكياج الصغيرة _ فوط صحية )

بعد الأربعين ( اتغذي عدل و لا اتحاتين الجسم لأنج بترضعين و نصيحتي لج سوي تمارين ما بعد الولادة الخفيفة طول هالفترة و حطي المشد طول اليوم و شليه من ترقدين .و استمري على الفيتامينات و خلصيها كلها بترد لج حيويتج. و بتعوضج عن اللي فقدتيه طول فترة حملج ، كثري من المائ و السوائل و الفواكه و حاولي ما تآكلين فلفل وايد و لا تشربين مشروبات غازية
) و عن الخطوط ما عندي فكرة كيف يخوزون لو أعرف جان خوزتهم . يمكن بالمساج

تسلمين غناتي لا خلا ولا عدم

الباجيات وينكن نبغي تفاعلكن افيدونا

حبوبه اول شي الله يقومج بالسلامه وتشوفين البيبي كامل وسليم امين يارب العالمين
نفس ماقالتلج الاخت مرت حبيبها تشلين وياج الاغراض الاساسيه حق الشاور والملابس الداخليه والفوط وملابس البيبي والحفاظات. طبعا فالمستشفى عندهم كل شي بس يستحسن تشلين وياج اغراضج الخاصه فيج وفالبيبي احسنلج واضمن. انا عن نفسي مااحب استخدم اغراض المستشفى .اما بخصوص الكرش سيري الصيدليه واسأليه عن حزام شد البطن عقب الولاده سعره 300 وبخصوص التشققات شي كريم بس يخففها ما يخوزها اسألي دكتورتج عنه واهي بتعطيج الي يناسبج

الله يتمملج على خير
تقومين بالسلامه ان شاء الله