الله يعينه على بلواه
السلام عليكم ..
اتنمى من كل متزوج انه يحمد اللله على الحياة الحلوه الي عايش فيها .. واللله يهني كل سعيد بسعيده..
جاني واحد من زملائي المقربين وعرض على اخته على سنة اللله ورسوله..
ذكر لي مواصفاتها واعجبت بها صراحة ..
عطيت الواده خبر , وايدتني بالموضوع وراحت شافت البنت وقالت البنت ماعليها مملوحة والزين فيهم ان فيهم دين واخلاق ومحافظين لكن فيها عيب.. !!
قلت اللله يستر .. وش العيب؟؟؟
قالت انها صغيرة في السن..
عمرها 14 سنة ..
وانا 22 سنة
طبعا البنت راغبة الزواج…. واهلها ماعندهم مانع… لكن توقفت عند مسألة العمر !!
وعلى كلام الوالده وكلام زميلي ان البنت ماشاللله واعية وفاهمه وقايمة ببيت اهلها بحكم ان ما عندهم خادمة.. كنها ام 25 سنة..
هي الي تطبخ وتنفخ وتغسل الملابس ..
شاورت الوالد .. قالي نادر في هالوقت تلقى عائلة محافظين وخلوقين وبهالمواصفات والرسول صلى اللله عليه وسلم يقول فاظفر بذات الدين .. بس فيها ايجابية وسلبية..
الإيجابية انك راخ تشكلها زي ما تبي..
والسلبية انك راح تتعب معها بحكم صغر سنها..
توكلت على الله ورحت شفت البنت النظرة الشرعية واعجبتني…
استخرت اللله وشفت ان الخيرة في الزواج..
تمت على بركة الله الملكة ..
وبعدها بكم شهر الزواج..
من أول ليلة زواج..
تفاجأت بالواقع المرير..
بطبيعة الحال ان البنت في الغالب في أول ليلة .. ماتهمس بكلمة وحده وتكون مستحية وخجولة . .
لكن هذي لأ !!!!!!
كان فيها جرأة عجيبة.. .
99.5% من الكلام في أول ليلة كان منها هي.. وانا الي قاعد اسمع.. !!!
ماشاللله … ماتصورتها كذا..
تضحك وتسولف وتبربر… كني اعرفها من سنه …. !!!
لكن تبين لي مع الوقت ان هذا مو جرأة …
هذي براءة أطفال !!!!!
اي واللله براءة اطفال…
توهقت…
بدال اتزوج وحده تهتم فيني صرت انا الي اهتم فيها .. !!
إلى اليوم صار لنا متزوجين حول 9 شهور..
هال 9 شهور عشت جحيم صراحة ..
صرت فاتح مشروع حضانة اطفال مو متزوج زوجة…
انا الي اعلمها وافهمها بكل شي..
طبعا في بداية الزواج كانت جاهلة بالأمور الجنسية تماما… ولا تعرف بسالفة الحمل والولادة ولا شي..
صراحة كني متزوج وحده من المريخ والا من عطارد !!!
يعني تخيلو معي…
في أول يوم زواج ..
اتصلت على اخوها وقالت ورا ما تجي تعشا معنا في الفندق؟؟؟؟ ترا فللله واللله وقاعده اناظر مع الدريشه اشوف الرياض كلها … !!!!! (الفورسيزن) ..
هذا الكلام أول ما وصلنا الفندق..
غير كذا .. مهملة نفسها ….
في أ,ل يوم زواج .. المفروض ان البنت تكون بكامل نظافتها ….!!!
لكن هذي لا…
قسم باللله ان شعر راسي اقل من شعر جسمها !!!!!
ما تنظفت نهائيا…
مع الوقت تيبن لي اشياء كثيرة..
صرت انا الي اعلمها كيف تاكل وكيف تشرب وكيف تغسل بعد الاكل ..
وانه المفروض الوحده بعد كل وجبه تفرش اسنانها …
وانه من النظافه الوحده ماتقعد عند الناس ونغافتها ( المخاط ) تلمع تحت خشمها..
واذا جت تمسحها ما تمسها بكمها .. تشوف لها اقرب منديل وتكت خشمها ..
اعلمها كيف تلبس وكيف تسرح شعرها..
حتى لدرجة المكياج .. الي ما للرجال فيها علم , صرت انا الي اقولها حطي كذا ولا تحطين كذا…
نظافة الجسم اللله يكرمكم.. اقولها فيك ريحة ياحياتي شو رايك تروحين تتنظفين؟؟
تقول: يووووووووووووووووووووووه مشوار !!!!!!
لدرجة اني قبل شهر قسم باللله مسكتها وحجرتها في الحمام اللله يكرمكم,.,
واطببها في البانيو واقعد افرك فيها بالليفه لييييييييييييييييين صارت موية البانيو سودا والله من كثر الوصخ !!
وبعدها قالت : الللللللللللللللللله احس ان الهوا يدخل في جسمي !!
احيانا اصير جالس انا واياها عند التلفزيون … شوي وتطلع ريح ! … اقولها ياقلبي عيب كذا ما يصلح !!
تقول عادي كل الناس تطلع ريح !!!
وصخه ودايم ريحتها تصرع… شي اسمه مزيل عرق .. تفاجأت فيه !!!
تقول لي .. اخس حركات والله حتى الأباط حطو لها عطور !!!!
كل هذا يهون عند شغلة اسرار البيت !!!
صارت اسرا البيت تجيني من ربعي !!!!!!!
جاني واحد من ربعي يقولي يا فلان … يقولون فيك شامة في ظهرك !!! وشي منه؟؟؟
والباقي اعظم …وغير قابل للعرض احتراما للمنتدى وقراءه..
اما مسألأت التوافق وهي مسألة ثانوية وتبقى شغلة بسيطة… فما فيه تواقف نهائيا…
ما اذكر طلعت انا واياها للسوق الا ونطلع متطاقين !!!
كل واحد ذوقه يختلف عن الثاني تماما..
لا في الاكل ولا في الشرب ولا في اللبس ولا في التصرفات…
ولا في اي فكرة اطرحها . .
دائما ضدي..
اقولها يمين تقول شمال احسن… !!
فيه اشياء تعدلت … .
وفيه اشياء ما اتوقع تتعدل …
ابي منكم حل ..
كيف اتعامل مع مثل هالزوجه ؟؟
هل اطنشها واسلك لها ؟؟؟؟
ادقق عليها في كل شي؟؟
وش انسب طريقة للتعامل مع مثل هالمخلوق ؟؟؟!!!
لاحد يقول ان البنت عليها قل صح …!!!
البنت بكامل قواها العقلية…
وهل الطلاق حل؟؟
بس المشكلة انها متعلقه فيني بشكل رهيب… !!!!
صاير ابوها وامها واخوها واختها وشغالتهم والعايله كلها …
واذا الطلاق حل فبأكون اسعد انسان في الدنيا ..
لاني بصراحة صرت اكره اجي للبيت ..
احس الوقت يمشي بسرعه اذا صرت في الدوام ..
واتمنى واللله الساعه الي تفارقني فيها .. لاني تعبت تبعت تعبت..
ابي احبها بس ما قدرت ..
كنترول جسمي عيا يستقبلها …
واسف على الإطالة هذا مو كل الي في قلبي ..
ودي افضفض بس اخاف ماتكفي صفحات المنتدى..
تكفووووووووووووووون ساعدوني..
والله يجزيكم الجنة..
الله يعينه عورلي قلبي
مسكين كسر خاطري
خلي يوديها مركز للتاهيل الأسري
و يعلمونها