بنات اب مسااعدتكم انا ع وشك الطلاق

السلام عليكن والرحمه ابي استشيركن في موضووع وايد مهم والله اني مجروحه وايد من ريلي الله يسامحه قبل يومين زخيت تليفونه وانه يرمس وحده ولا يصرف عليها بعد وانا عندي منه طفلين ومعرسين صار لنا ثلاث سنين المشكله انه قبل سنه زخيت له صور ويا بنات واعترف لي وقال اخر مره وانهن ما يسون ضفري ومادري شو ومن هاكلام ونسينا السالفه قبل فتره شكيت فيه لانه صار له فتره كله يضهر براا وما يلس في البيت شرات قبل حتىى يوم ييلس احسه ع اعصابه كل شوي يشوف تليفوونه المهم انا خليته يرقد ومسكت تليفونه الثاني لانه عنده تليفونين وشفت اشياء استغفر الله ياليتني ما قريت المسجاات والسوالف اللي يقولها هو وايااها المهم طوول الليل وانا الافكار تييبني وتوديني وتميت سهراانه لين حزة الدووام يعني الصبح خليته ينش وقلت له بكل برود ودني عند اهلي وطلقني لاني مستحيل اعيش مع واحد خاين المهم يلس يقولي انتي منو سمح لج تفتشين تليفوني انا يالس بشارع هب بيت يعني ماشي ثقه ولا امان في البيت ويلس يصاارخ علي ويسب ومادري شو المهم قلت له انا ما اروم اعيش مع واحد خاين قالي لو انتي متاكده اني خاين اضهري من البيت ومالج رده المهم انا سرت بيت اهلي صارلي ثلاث ايام عندهم هو حتى ما كلف يتصل ويطمن ع عياله بليز ابيكن تنصحووني ارد له ولا احسن اطلق مع اني احبه والله احبه بس ماعرف شو اسوي

ادعي الله وصليقيام الليل و استخيري وايد عسالفة الطلاق لانها مب شي هين وانتي عندج عيال

محد لج غير الله

واي شي بيستوي عقب صدقيني من الله وان شاء الله بيرضيج وبيقنعج بالاختيار

ودوري حد فهم من اهلج ابوج ولا اخوج وخل يتفاهمون وياه

وان شاء الله توصلين لحل

الله يصبرج

اسمحيلي بس يمكن مايعجبج ردي

أنا كله أتقبله إلأا الخيانة لا تم لا…بس انتي لج عيال منه وهذا شي تاني

الموهيم برفع لج الموضوع وان شاء الله يارب تحصلين حل

الله يهدي ريلج يارب ويبعد عنه الحرام

مشكروره اختي ع مرورج المشكله لو خبرت ابوي شو بيقوله يعني انا مابروم اخبر ابوي انه راعي سوالف وحركات غلط فهمتي مهما يكون ها ابو عيالي

اختي المشكله اني طوفت له غلطه غلطها من زمان وقلبي وايد مجروح منه هالمره ابيه يتادب ويعرف انه ماله الا بيته وعياله وصح كلامج كل شي ولا الخيانه

انا اشوف السالفه اذا انتي كلمتيه وما نفع لازم تكون عند رياييل عشان يعرف ان وراج ريياييل ويخاف منهم..

ماعرف انتي تعرفين كيف ظروفج والله يسهل امووووووورج يارب
احين بسير اصلي الفير بدعيلج

اختي اسمعي مني مثل ما قلتي لا تخبرين احد بسالفته
ومن ستر ع مسلم ستر الله عليه في الدنيا والاخره
ومثل ما قلتي هذا ابوو عيالج يعني باجر لو تراضيتوو بتنسوون السالفه
لكن بتم صورته مشوهه جدام اهلج وعيااالج باجر لما يكبرون .. ومب حلوة لا في حقج ولافي حقهم

عليج بقيااام الليل مع قراءة سورة البقرة اختميها كل ليله
بعدها اللي الله كاتبه لج بيصير … وكلي امر لله سبحانه وتعالى
ومن توكل ع الله فهو حسبه … وتمي استغفري وربي بإذن الله بيفرج همج ان شاء الله

حتى لا قدر الله صار انفصال .. قدر الله وما شاء الله فعل …
لا تقولين احبه .. حطي في بالج من باعنا بعنااااه ولو كان غالي ..
وكرااامتج فووق كل شي .. عزي نفسج علشان يعمل لج الف حساب ..