.
.
السلام عليكم ورحمة الله وبركاته
بنات ممكن تدلوني على نادي رياضي في العين
خاطري اسوي رياضه وايروبيك
انا عندي الة المشي
بس بعد الايروبك يشد الجسم
يسوي فرق في المقاسات
لانه قبل يوم كنت اسير النادي
كنت اخسر ومايستوي ترهل
بس من قمت اسوي بروحي رجيم
حسيت بجسمي بدا يترهل
المهم
اعرف نادي رياضي صوب شارع الهيلتون
بجانب مطعم ابوحلب اخر بنايه تقريبا
حاطين لافته مرسوم عليه ريال معظل لوووول
لكن عيبه صباحي للنساء
يعني الصبح نقدر نسوي ساعه ايروبيك
وساعه على الاألات
عندهم حمام بخار بخمسين درهم
واذا تبين من الظهر بس ايروبك
لانه يفصلونه ويبدا دوام الرياييل
العصر رياييل خلاص
كانت اسعارهم حلووه
ثلاث اشهر بـ300 درهم
شهر 150 درهم
كنت اسير في الصيف
لكن حاليا وقتي مايسمح
الصبح عندي كليه ومب فاضيه
ياريت اللي تعرف مكان تدلنا عليه
تذكر اسم النادي والمنطقه
واذا تعرف اسعارهم وارقامهم وخدماتهم خير وبركه
ويزاكن الله خير
وعندج اممممم هالي في مجمع الامارات عند الفلاح بلازا مااعرف شو اسمه بس في الشهر اظن 250 او 300
امم وين بعد …؟؟
في الكليه نفسها لو انتي في التقنييه قوولي الهم ابا اشترك وياكم واسوي ايروبكس متى المدربه اتي وشوفي اووقاتهم لو ما ينااسبج قولي الها بيمع 5 او 6 بنات وبيبوون اظن مدربه الكم
واسمحيلي اختي لو عرفت ناادي ثااني برد اضيفهن منيه
.
.
.
.قمر العين
يزاج الله خيرر
صح كيف نسيت جمعية النهضه كنت ادرس هناك خخخخخخخ
بس ناديهم صباحي ماينفع
بالنسبه للتقينه انا ادرس فيها وصحيح يدربون
لكن احس صعبه اسوي رياضه هناك
بعد الرياضه بخيسس من العرق بالله عليكن وين بتسبح لووووول
تبوني امشي بينهن بالزفت لوووووول
انا حاولت مع كذا وحده يشاركن معاي بداية السنه عشان اتشجع
ولا وحده طاعت
مجمع الامارات مممممممم اهم شي يكون مسائي
يبالي ادور اسمه حتى اتصل بهم
مشكوووووره حبوبه
^______^
اللي في مجمع الامارات مساائي ليين 8 اظن او 9
بس اسمه ما اذكره
وبالتوفيـــــــــــق الغـــــــــلا
وان شاءالله نفيدج في المستقبل
تتدخلين منصوب الادارة
ووايد فنانه المدربه اللي هناك اسمها هند وفي الصبح و المساء اللي 10 اظن
انا سرت شهر لعبت رياضة عندهم بس ما كملت لان ولدي ما يطيع اييلس في الحضانه اللي هناك و ما يطيع اييلس عند امي
واااااالله شي حلووووووووو
يعني الوحده تقدر تسير اي وقت
بارك الله فيج
ومشكوره ع التوضيح