*سويت مجبوس بس شو عكيف كيفكم
*دجاج مشوي تعالو شمو الريحه بس
*وسلطه روب بالنعناع بس طعمه جنان
المهم المجبوس مقاديره:
3 كاسات عيش مغسول عدل (حسب عدد الاشخاص)
4 يصلات
ثوم مدقوق
ملح حسب الرغبه
بزار المجبوس وهي عباره عن فلفل اسود قرفه قرنفل اربع حبات وهيل تغسلينه وتحطينهم كاملات اذا حبيتي مدقوق هب مشكله بعد
ماجي
ليمون يابس
4 حبات طماط
واكثر الناس يحبون يحطون فالمجبوس صلصه طماط يعني اذا حبيتي حطي ملعقتين
بطاط حسب الرعبه مقطوع مربعات
4 كاسات ماء وحاولي الماء انت اللي تقيسينه
للتزيين
قشره طماط تقصينه بشكل حلزوني دائري كامل
شرائح فلفل بارد
طريقه العمل
ناخذ الجدر وننحط فيه الزيت ونشوح فيه البصل لين مايستوي لونه ذهبي عقب نحط الثوم والملح والبزار وتحركينه عقب نحط ماجي والطماط والبطاط ونحركهم عدل لين ماتذوب الطماط وبعدين نحط الصلصه ونحركه عقب نحط الرز ويكون نقينه فالماي لمده نص ساعه ونحط داخله عب نحط الماي ونخليه يثور الين مايجرب ينشف الماي اذا حسيتي ان العيش بعدنه ناشف زودي الماي اذا حسيتي شويه لينه خلاص خليها نتشف وغطيها على نار هاديه جدا لمد نصف ساعه
عقب يوم بتغرفين الغدا بتزينينها مثل اللي فالصوره بتاخذين قشره الطماط بتلفينها بشكل دائري وحطيها فالوسط وشرائح الفلفل البارد
وقديمها يا بالجاج المشوي ويا سلطه روب وهي عباره عن خيار مبشور وجزر مبشور وحطي شويه ثوم مدقوق وملح وفلفل اسود وزينه برشه فلفل اسود ونعناع فالوسط
شكله لذيييييييييييييييييييييييييذ … تسلم الإيااااادي …….
العفو يالغاليه وانا اسعد
يعطيج العافيه ياربي ومكشووووووووووورة
تسلم يمنااااااج