بنات دبي الي ريلها او اخوها يشتغل في الحرس الميري ياريت تدخل

رفعولي ضغطي روم ساعدوني .. قاعده ثلاث ساعات ولا حد ساعدني يمكن كان مكان الموضوع غلط انا متاكده انه غلط
ربيعتي عندها مشكله وتموت وتعرف .. اخوها الي عمره 19 سنه الشتغل في الحرس الميري تقريبا من اسبوعين اول ثلاث ايام كان يرد عليهم وبعدين ما قام يرد عليهم .. وكل ما تتصل ما يرد .. او يرد ويقولها مشغول ومب راميه تعرف كيف شغله .. وما يعرفون كيف نظام شغله .. وطبعا امه خايفه عليه .. لانها الحين من كم يوم ما يرد عليهم ولا يتصل
المهم هيه تبغي تعرف احينه الحرس الميري في دبي كيف دوامتهم .. زامات .. ولا عادي .. فيه منهم يقولون اسبوع دوام واسبوع اجازه فيه منهم يقول ثلاث ايام دوام وثلاثه اجازه مب عارفه.. وهل الموبايلات عادي ولا مب عادي .. ياريت الي ريلها او اخوها يداوم في الحرس الميري في امارة دبي ما تبخل عليها
جزاكم الله عنها الف خير

ان شاءالله الخوات يساعدونج

ان شاءالله الخوات يساعدونج

اعرف حد في الحرس .. داومه عاادي . من الصبح للظهر.. ويرد البيت عااادي ..
بس مرااات يكون عنده زام ويرقد هناك..
ويوم يكون مشغول ما يرد ع الاتصالات .. اذا فضى رد ..

هاللي اعرفه ..
وربي يسهل عليكم ..

انشاءالله البنات بيساعدونج

هلا اختي

انا سالت اخوي لانه يشتغل هناك وقال لي اذاهو يديد معناته عنده زام وطبعا الموبايل ممنوع عليهم

وقال لي بعد انه يكون احيانا من 3 ايام الى اسبوع دوام يعني يتم عندهم ..

اتمنى اني ساعدتج

واذا عندج اي سؤال انا حاضرة

تقبلي مروري

قطوة العين

الف شكر حبيباتي يزاكم الله خير ما قصرتوا .. يعني اهم شي انه الموبايل ممنوع لانه احنا خفنا عليه .. يعني لو في دوام ما فيه مشكله نامن عليه لانه اهو وايد مدلع وبعدين وايد ماشي على نياته .. بس دام انه دوامه جذيه وبعد ماشي موبايلات .. ان شاء الله يكون بخير … الف شكر ما قصرتوا الف شكر شما ذياب وقطوة العين يزاكم الله خير على الكلام