بنات راس الخيمه أباكم شوي

مراااااااحب سيدات الامارات وخاصه بنات راك
انا عقب باجر بزوركم
حجزنا في فندق هيلتون راس الخيمه
حبيت أسألكم عن أماكن التسوق والمراكز والاسواق ووووخاصه محلات العبي الراقيه والفساتين والجلاليب حق العيد
انا ماعرف غير السوق الكويتي ومركز الحمرا ومركز المنار
انتظركم

ترى هذا اللي عندنا بس هههههههههههه
سوق الكويتي فيه مخاوير وعبايات ، وخامات ، اكسسوار ،وكل شيء .وداخل السوق بتحصلين مركز الواحه الصراحه في محلات عبي في المركز مايضبطون لج العبايات وفي منهم قطعهم رديئة فنصيحتي لج تفصلين بره المركز سيري صوب محلات المخاوير .
وعندج بعد محل في اسمه سويت ليدي مال العبايات هذا مش في السوق هذا صوب مديريه راس الخيمه اللي في منطقة الظيت بتحصلين هالمحل صوب مطعم البوم وبتحصلين جنبه محل أطفال .
وعندج بعد سوق معيريض بس أنا ما اقتنع فيه يعني الموديلات اليديده سواء كان عبي او مخاوير في الكويتي احلى .
وفي سوق عبره هذا السوق تحت جسر راس الخيمه طبعا الجسر يوديج للسوق الكويتي هذا اذا كنتي مآخذه دوار سيده أم إذا خذيتي يمين الدوار راح تلاقين سوق العبره يبيعون جلابيات حلوه وايد وعندهم جلابيات بيت حلوه وأرخص عن كل الاماككن وعندهم محلات عطاره .
إن شاء الله أكون أفدتج .

يسلموووووووووو

كل شي بتحصلينه بالشارع الكويتي من أوله لين آخره

السفير مول
الحمرا مول
المنار مول

الشارع الكويتي
محل فيرست شويز فالمنار مول
محل سويت ليدي عالشارع
مممم بس هالي اعرفه

تسلموووووووووون

للـــــــــــــــــــــــــرفع ،،،