بنات كيف استخدم كريم الماسك وكريم التقشير للبشره

اشتريت منتجات من فيسس

وماعرفت استخدمهن نسيت يوم شرحتلي

اول شي تستخدمين المقشر وبعدين تحطين الماسك …. بس المقشر كيف هل هو الكريم اللي فيه حبيببات ولا غيره؟

حبيبات
بس انا اقصد السكراب مب المقشر سوري نسيت

السكراب والمقشر نفس الشي بس المسميات تختلف
اول شي غسلي بشرتج بشكل نظيف جدا عشان تخوزين الجراثيم او البكتيريا اللي عليها (خطوه مهمه وايد لا تهملينها)

ثاني شي استخدمي السكراب على الويه وهو مبلول لمدة 3 دقايق تقريبا وكل ماكانت الحبيبات صغيره وناعمه كان أحسن عشان ما يخدش سطح البشره ولا يوسع لج المسام … غسلي ويهج عن السكراب وجففيه بنعومه

ثالث شي ادهني ويهج بالماسك واتركيه حسب التعليمات المكتوبه عليه وعقب غسليه بماي بارد وامسحي بالتونر

لازم يكون الويه نظيف تماما وقت استخدام السكراب عشان تضمنين ان البكتيريا والجراثيم اللي عليه ما تدخل لمسام الجلد اثناء الفرك بالسكراب وهالشي يسبب ظهور الحبوب لان البشره تلوثت
بنات وايد يقولون من نستخدم السكراب بشرتنا تظهر فيها حبوب وطبعا لانهم اهملو تنظيف البشره عدل قبل السكراب او انهم ما استخدمو التونر اخر شي لغلق المسام

لا إله إلا الله ,,

جزاكم الله خير

ميس جوكلت ماقصرتي تسلمين

العفو حبيبتي