بنات ممكن مساعده بخصوص فنادق دبي؟

السلام عليكم ورحمة الله وبركاته

شحالكن عساكن بخير ؟

أتمنى من اللي لها خبره في فنادق دبي تنصحني بفندق حق مناسبه خاصه لزوجي

المطلوب أبا فندق راقي مب معزول عن المدينه في نفس الوقت يسوي حركات مال ورود وكيك

بانتظاركم

68 مشاهده ولا رد

هلا اختي
وايد شي فنادق راقية ورومانسية في دبي
بس انصحج بزعبيل سراي راقي وفخم او فندق ميناسلام روووعة
وفندق القصر داون تاون ستايله تراثي ومطاعمه تجنن

واي استفسار مايردج الا لسانج

جميرا بيتش روعة وخصوصا انه على البحر وممكن يسون لكم قعده خاصة وعشاء على البحر لكم انتوا وبس في جو رائع وخصوصا إلي هالوقت
وعندج بعد ذا بلس أولد تاون .واطلبي منهم غرفه على النافورة أو فندق العنوان لانهم مطلين على الناقورة الراقصة وجو رومانسي ولا احلى

ذا بلس أولد تاون او القصر اولد تاون انا سرت لهم وسوو لي ورود وكيك وكانت غرفتنا عاديه وغيروها يوم وصلنا لغرفه اكبر مطله على النافوره ………………احلى فندقين في دبي

السلام عليكم

فندق
One & Only Royal Mirage
في النخلة روووعة و اجواءه رومانسية و يناسب وايد حق المعاريس و الحركات الرومانسية

1- رويال ميراج ون اند اونلي
2- رويال ميراج النخلة
3- كمبنسكي النخلة
4- ميناء السلام
5- ذا بالس ( القصر)
6- فنادق جميرا كلها رووعه ادخلي ع موقعهم و جوفي الصور بالتفصيل الممل