بنتي 4 اسابيع ساعدوني

خواتي بنتي بتكمل 4 اسابيع

وارضعها طبيعي الحمدلله بس اوقات ما اكون موجوده اخليهم يعطونها صناعي في حال ماكفاها الحليب اللي اشفطه
>>بس اكثر شي ارضعها من صدري
بس هي ماعندها امساك بس مغص وغازات واعطيها حليب ابتاميل كمفورت

بس خايفه لنه هذا الحليب يلين بطن اللي عندهم امساك

وانا لاحظت انها تسير من بطنها 5 او 6 مرات فاليوم ويكون عزكم الله لين مثل الاسهال

بس نصحوني فيه عسب اتجنب الغازات والامساك واذا يتها تكون خفيفه
شو رايكن خواتي فها الحليب تنصحوني فيه والا ابدله لابتاميل 1 بس اخاف يسويلها امساك وغازات

مرحبا
طبعا خذيها ع الدكتووور فوراا الاسهال يسبب جفاف و بنتج صغيره الدكتور بيعرف
بس اذا كان مثل الماي لازم ايجوفها الدكتور باسرع وقت الحين صيف بعد الجفاف اكثر

و صح للغازات سويلها مساج و سبحيها بعدين عطيها شاي البابونج و لا الشمر فالجمعيه
و اذا ما فاد عطيها انفاكول قبل الرضاعه ب ١٠ دقايق

شفاها الله وعافها وديها للطبيب حبيبتي أفضل

عاديے احسه يسويها 5 او 6 مرات باليوم. ‏​ٱ‏​نـِْ♡̨̐ـِْا بنتي مثل عمر بنتج. وتسويها لين شراتهاا. مافيها الا العافية

اختي انا انصحج بالحليب الطبيعي وتقطعين الصناعي لانه الصناعي يسوي لخبطه لمعده الرضيع واشفطي يوميا وخزني بالثلاجه اختي انا بخبرج عن تجربتي للاستفاده انا ولدي حاليا عمره شهرين ونص واشفط مرتين فاليوم من ايام الاربعين وانا موظفه ولله الحمد مستمره ترومين تخزنين بالاشهر فالفريزر ولمده اسبوع في بطن الثلاجه وهذي ثاني تجربه حقي مع الشفط ولدي الي قبل بعد استمريت بالرضاعه الطبيعيه لمده سنه كامله وانا موظفه بنك يعني دوامي طويل حتى مع ساعة الرضاعه ولا تقولي الحليب ما يكفي كله افكار من بالج وكثر من الماي انا اشرب تقريبا 3 ليتر ماي يوميا من غير العصاير وبالنسبة للغازات ادهني بطنه دايما بزيت زيتون والله يا اختي ماشي مثل الحليب الطبيعي وانا متندمه ع عيالي الكبار دخلت الصناعي من وقت حقهم وسوري ع الاطاله

مافيها الا العافيه .. الياهل ف هالعمر اللي هي فترة الاربعين .. يسويها اكثر من ال5 مرات فاليوم هالشي طبيعي اميه بالاميه .. ويكون لين اما اذا لاحظتي انها قامت تسويها ماي ماي هني لازم تودينها الطبيب ..
عقب كل ماتكبر لعمر شهرين تقريبا يبتدي يخف هالبراز ..
وبما انج تطلعين وتروحين وتردين .. انصحج ان تعطينها صناعي ك مكمل غذائي .. مرتين فاليوم .. والافضل الحليب الصناعي حد ثاني يعطيها اقصد ( انتي لاتمسكين المرضعه وتعطينها ) .. لان الياهل يشم ريحة الام ,, ف يربط شكلج ب الحليب الطبيعي لا غير .. واذا انتي قمتي تمسكين المرضعه وتعطينه هي تلخبط ف شو يصير .. يتعود عالاسرع والاسهل اللي هو الصناعي ..
اذا انتي خايفه عليها بس غيري الحليب واستخدمي دوى اسمه بونيسان هيمالايا فالصيدليات يبيعونه ..
واذا بدلتي الحليب ولاحظتي صارلها امساك .. استشيري طيبي يشوف شو افضل حليب لها ..

وهاي تجربتي فالبجر و بنتي .. عشان تعرفين شو فرق الحرمه اللي ترضع لمدة سنه واكثر واللي ماترضع ..

انا بجري من اول مانولد وهو فالمستشفى يعطونه صناعي .. وطبعا انا فالبجر ( ماكنت ابا ارضع وكانت تلوع جبدي منه ) احس وقت الرضاعه شي مقرف .. وكنت وايد استحي .. وتقريبا رضعته لمدة 3 شهور تقريبا او اقل حتى وعقب هو تعود عالصناعي .. لان شافه اسهل واسرع ..

تندمت وايد وايد وايد عقب فترة افطامي ل ولدي .. وحسيت بتأنيب الضمير واااااااااايد .. قلت ها حقه من الله سبحانه وتعالى .. كيف انا امنع عنه حقه استغفر الله !! ليش اقطع رزقه !! وايد تندمت ..

بس ف بنتي .. خذت دورة اول مافتحت ملف فالوصل .. بلاش هالدوره واجباريه عندهم يوم تفتحين ملف .. وسالتها عن كل شي .. كيف احفظ الحليب وهل اقدر اعطيه صناعي وووو الى اخره .. استفدت وايد بصراحه من هالدوره ..

ومن اول ماربيت بنتي طبعا طبيعي مع صناعي قمت اعطيها ..
بس اخلي امي او خدامتي تعطيها بأشرافي فقط تمسك لها المرضاعه ..
لاني انا اطلع اروح وارجع وكنت اشفط بعد ,, بس مع مرور الايام لين ماكملت 6 شهور قام الحليب مايطلع وايد مثل اول شهور ..
وطبعا من تكمل 6 شهور تبتدي تاكل يعني بدائل للرضاعه .. وف هالشهور تخف حتى رضاعتها الطبيعيه ..
وعقب ماقامت تفهم ماقامت تستقبل الصناعي ابدا .. ودرت المرضاعه .. زين منها تشرب ماي فيها بس ..
السبب اني واصلت الرضاعه الطبيعيه .. هي ( الاراده.. الاراده .. الاراده ) لو ماعندج اراده مابتقدرين عالرضاعه الطبيعيه .. لان الصناعي متوفر ف كل مكان واسهل واسرع ..
مايخصه تعطينها صناعي مع طبيعي .. اونه بيودر او شي .. بس من تحسين ان الياهل قام يتعود عالصناعي قطعي عنه يوم او يومين وعقب رجعي عطيه ..

اهم شي ارادتج ..