مرحبا خواتي
بنتي عمرها سنه و تسع شهو الله يحفظها يارب
لاحظت عليها من انولدت انه في تقوس في ريولها
وكنت كل ماوديها المستشفى يقولون لي هالشي عادي
والحمدالله نموها كان طبيعي ومشت عالسنه وشهرين
بس المشكله انها يوم مشت التقوس واايد بان عليها وحتى مشيتها شوي غلط وكل شوي اطيح
ويوم تركض تركض بطريقه غريبه ,,وايد تغمضني ’’ويوم قلت للدكاتره قالولي هي بعدها صغيره عشان جي ماتعرف تمشي كان عمرها حزتها سنه ونص يوم وديتها ..
بس لين الحين هي على هالحال وانا اشوف انه الاطفال الي في سنها ماشاء الله مشيتهم اوكي وهالشي الي خلاني احس بانه بنتي فيها شي مش طبيعي.
طبعا مثل ماقلتلكم الدكاتره قالولي هالشي طبيعي لين عمر سنتين وبس عندها نقص فيتامين د ,, والمشكله اني يوم اعطيها فيتامين د اييها اسهال ,, فعشان جي وقفته عنها ,,
فالحين ماعرف شو اسوييي
حد عنده خبره في هالموضوع ,, هل سامعين عن حد عنده هالمشكله وكيف حلوا المشكله
ودعواتكم لبنتي ,,
ويزاكم الله خير
لان غالبا قله الكالسيوم يسوي تقوس الساااقين ..
انا اعرف يهال بس التقوس بسيط عندهم..
و صح لازم فيتامين دال و اذا ما رمتي تعطينها اياه ..
عرضيها لاشعه الشمس الدافيه كل يوم ..
خليها تلعب تحت الشمس الدافيه ..
وان شاءالله من تكمل سنتين بتمشي عدل
بس انتي اول مالاحضتي عليها يوم نولده جان قمتها الظهر وبليل احنا جذا نسوي
بس انتي ادهني ريولها بزيت زيتون دافي كل يوم لان زيت الزيتون فيه فيتامين د
ويزاكم الله خير
بجرب ادهنها بزيت زيتون وبتريا لين ماتكمل سنتين وان شاء الله تتشافى