بنتي فديت روحها عيونها فيها غمص

السلام عليكم ورحمه الله وبركاته
شحالكم سيدات الامارات
عمر بنتي 11 يوم
عيونها اطلع غمص وتتسكر من كثر الغمص وما تروم اتبطلها
عمتي قالت حطي بعيونها من حليب صدرج وحطيت اليوم بس
بس خايفه ما تتحسن
شو الحل شوروا علي تراها بنتي الاولى وما عندي غيرها وما عندي خبره اطفال

ودعواتكم لي بالشفاء . . لاني يبتها قيصري ولله الحمد والمنه

انا من فتره عيني كانت جيه اظهر وصخ ! رحت المستشفى حطولي قطره و مرهم وخفت الحمدلله

وديها المستشفى يفحصونها

نظفي عيونها مرتين باليوم قطنه مبلوله بالماي العادي او تقدرين تنظفينه بقطنة الاذن وبلليها بعد بالماي

ولا تنسين تودينها للدكتوره حتى تطمنين

انا بنتي كانت قد بنتج وياها الغمص من الغبار وحطيت لها حليب صدري يومين وخاز الحمد الله لا مستشفى ولا مكان

حبيبتي مالج غير الشاي .. افضل شي من تجربتي مع طفلين ..

اغلي الشاي حتى يصير لونه غامق شوي وبعدين اتركيه يبرد وبللي قطنة بالشاي ومسحي عيونها .. 4 او 5 مرات باليوم وبتدعيلي اكيد ^^

حتى هذا العلاج يستخدم للكبار والحلو انه متوفر دايما ببيوتنا ^^

والحمد لله على سلامتك وربي يشفيكي ويعافيكي .. ويخليلك القمر منور بيتك ^^

الله يحفظها

صدقها عمتج سوي اللي تقولج اياه هم خبرة

وبعد سويلها مساج خفيف بين الخشم والعين القناة الدمعية بس مب بقو خفيف مرتين في اليوم وان شاء الله بتنفتح وهذا شي عادي في اليهال

اذا تبين تطمنين سيري عند اخصائي اطفال

ان شاء الله ما فيها الا العافية واذا تبين تقرين اكثر اكتبي في قوقل الغمص عند المواليد

الحمدلله بنات بدأ يخف عنها وايد
استخدمت حليب صدري ودلكت عينها من برع بالحليب بعد بهدوووء
،
ونظفتها بماي دافي طبعا بالمنديل
وبستمر عليه لين يختفي
مشكورين