بنتي و الملل

السلام عليكم
شخبار الجميع عساكم دوم بخير
الله يعافيكم نحن ف كندا عشان بو العيال يدرس بس بنتي وايد تمل عمرها سنتين ونص ماعندها شي غير تيلس ع الاي باد او الكمبيوتر وأتم عليه معظم يومها مب عارفه شو اسويلها عندها العاب في غرفتها بس تلعب باللعبة مره وخلاص أنا ما أسوق وله بطلعها بمشيها وأبوها اغلب وقته يدرس ومشغول اول كنت اسير فيها مشي الحديقة بس الحين وايد ثلج وملللللل وماعندنا جيران مسلمين
بس اريد شي اسويلها عشان تتسلى فيه مب عارفه ولما أشوفها ارحمها يعني كله ع الاي باد*

هلا حبوبة

اقترح عليكي انك تشاركيها باللعب … يعني العبي مهعها بالساعات وكانك طفل بعمرها … وعن تجربة ستقضين وقت ممتع وبتحسين انك اقرب لبنتك

للرفع

ان شاء الله حد يفيدج حبوبة
للرفع

الله يعينج على الغربه الغاليه…العبي معاها جيبي اللوان وكراسه ورسموا حيوانات او اقريلها قصة ومثلوا انتي وبنتج الاحداث خليها اتساعدج في ترتيب اثيابها و العابها وبس ^_^

روحي السوق وخذيلها لعبه تعليميه غير عن الاي باد .. وخذيلها شي تقدرين انتي تلعبين معاها ..
وبعد خذيلها سيديات رسوم تعليميه .. وحطيلها عالتي في ..
وحاسبي لان الكمبيوتر والاي باد بيعورون عيونها ..
مثلا الصبح طلعي وياها شوي لبسيها لبس شتوي وطلعي وياها تغيير جو
واخر شي انتي المفروض تلعبين معاها لان محد عندها .. حاولي حتى لو ماتحبين

ينتج نفس حالت بنتي لما كنت في امريكا كانت في هالعمراتحن واتنوح عند الباب تبا تطلع بس الأجواء ما تساعد ايام البرد فكان الحل الوحيد أني دخلتها حضانه واستاااانست وااااايد دوري لج على اقرب حضانه من بيتج ومب شرط تاخدينها كل يوم يعني اتسجلينها على انها أداوم مرتين او ثلاث شوفي شو الإيام اللي تناسب ريلج انه يقدر ياخدها واييبها عالاقل تشوف اليهال واسبوع بتصيح وعقب بتتعود *