بنتي الله يسلمها عقب شهر بتكمل 6 سنوات .. و يا حبها للمكياج و هالسوالف , المشكلة اني انا ما احطي ميكب وايد ولا ابالغ و اصلا فالبيت ما احطي خير شر فقط فالمناسبات السعيدة . لكن بنتي اتحب تلعب في المكياج و دوم يوم نبى نطلع اتقولي حطيلي روج احطلها روج زهري شفاف اتقولي بعد حطيلي ايشدو و احمر خدود و عطر و اكسسوارات و خرابيط . و اتحب ترسم على ايدينها قلوب و زهور و كله اتقولي وديني الصالون اباه اتحنى .
انا ما عندي مشكلة من هالناحية و كلمتها قلتلها ماما انتي بعدج صغير على هالسوالف باجر لمن تكبرين و تستوين ماما مثلي بتحطين كلشي . و انتي حلوة بدون شي . لكن ماشي فايدة حتى الصبح قبل ما تروح المدرسة اتصيح ما تبى تلبس اليونيفورم تبى تسير بلبس الطلعة 
و الجوتي ما تحب تلبس شوز المدرسة تبى تلبس جوتي مال عرس 
و طبعا المنكير حدث ولا حرج .
سؤالي هو هل هذا شي طبيعي لبنت فعمرها ولة مصختها هاي وين تبى 
سبحان الله هاي فطره ههههه انا يوم كنت صغنوونه من عمرها جي كنت والحمدالله انا كبرت وبعدني احب هالاشياء
بالعكس حلوو الوحده تهتم في عمرها من هي صغيره
بس انتي حاولي ما اطلعين اغراضج جدامهاا
عادي حياتي
كلنا بناتنا جي
ومرات بنتي تفكر تسوي هالاشيا بالمدرسة
لكن اخوفها بالمديرة وان ممكن تهزبها
ووقت ما اشوف في مبالغة ولا شي مو زين امنعها واقوللها غلط وبدون نقاش
لكن بعد اخليها على راحتها
واشتريلها الاكسسوارات والشبابيص الفوشيا والبنك والتيجان والشوزات
خلي بنتج تستانس يا اختي
مصيرها تكبر وتتغطى بالعباة والشيلة
وكل شي يستويلها ممنوع
عمري 3 سنوات واربع ف البيت بأرواجي
وان حد شلهن ياويله
كنت اتخبل ع الارواج اكثر شي وامي تاخذلي بس
كان ممنوع عليه منعا باتا اني احط وامي
كانت نفس الشي ما تحط ميك اب وايد
بس جي لازم البنت تطلع عكس امها "احيانا"
لكن كنت احط عن خاطري 5 دقايق واخوزه
ولين يومج واختج بعدها تحب الميك اب ههههه
هاي بنت، خليها حبيبتي بس قوليلها ما تحط اي وقت
ومثل ما قالت اختي بهلوله خوفيها بطاري المديره
ولا خلي ابوها يرمسها ويقولها لازم تحط ف البيت
بس ومن هالكلام، عشان ما تتعود وعقب يصعب عليها
تركه، خاصه الميك اب ان الوحده تعودت عليه ف صعبه
تتقبل الحياه بدونه – الحمدلله مب من هالنوع انا – 
لكن شي بنات جي وصعبه تتحكمين فيهم ان عودتيهم
ع شي، خلي هالشي بحدود لانه الواضح انه بنتج تعاند