السلام عليكم ورحمه الله وبركاته…
اخواتي الامهات اريد مساعدتكن…بنتي بعد ما داومت في المدرسه لمد اسبوع بدون صايح
الحين كله صايح ومب راضيه تروح المدرسه …. اول ما تحط ريلها في المرسه تصارخ وتصيح وتباني ايلس عندها ..مع انه اول الايام كانت اتقولي امي برايج روحي ….
هي في مدرسه الامارات الوطنيه والمدرسه زينه بس البنت ما تريد اداوم ..ما اعرف ليش؟؟ساعدني شو اسوي؟؟
اخواتي الامهات اريد مساعدتكن…بنتي بعد ما داومت في المدرسه لمد اسبوع بدون صايح
الحين كله صايح ومب راضيه تروح المدرسه …. اول ما تحط ريلها في المرسه تصارخ وتصيح وتباني ايلس عندها ..مع انه اول الايام كانت اتقولي امي برايج روحي ….
هي في مدرسه الامارات الوطنيه والمدرسه زينه بس البنت ما تريد اداوم ..ما اعرف ليش؟؟ساعدني شو اسوي؟؟
نسيت اقول ان بنتي في kg1
الغالية أكيد في سبب
اسألي بنتج واسألي معلمتها
بنتي لما كانت كجي 1 داومت اسبوع اوكي بس الاسبوع الي بعده كل يوم تقولي بغيب والصبح تبكي ومالها نفس مع الكلام فهمت ان المعلمة علشان تخليها تتجاوب وياها أكثر قالت لها لو ما عليتي صوتج بنقلج الصف الثاني فكانت تبا تغيب علشان ما تنقلها المعلمة ^^ حساسة البنت
خبرت المعلمة وتفاهموا وراضتها وبعدين رجعت طبيعية 
اسألي بنتج واسألي معلمتها
بنتي لما كانت كجي 1 داومت اسبوع اوكي بس الاسبوع الي بعده كل يوم تقولي بغيب والصبح تبكي ومالها نفس مع الكلام فهمت ان المعلمة علشان تخليها تتجاوب وياها أكثر قالت لها لو ما عليتي صوتج بنقلج الصف الثاني فكانت تبا تغيب علشان ما تنقلها المعلمة ^^ حساسة البنت
خبرت المعلمة وتفاهموا وراضتها وبعدين رجعت طبيعية الله يعينج والله والله يهدي البنوته إن شاء الله ،،
اليهال تييهم حالات
وبنتج مثل حالة بنتي يوم كانت فالكيجي 1 ..
ومن كثر ما كانت تصيح استوت مشهورة فالمدرسة والله
بس عقب ما غيرولها الصف والمس سكتت والله من الصايح ما ادري ليش ..مع إنها
بعدها ما كانت تعرف المس الاوليه ولا اندمجت وياها اصلاً .. بس ربج .. سبحان الله ،،
انا عيبتني فكرة من افكار الخوات هنيه فالمنتدى ..
إنج تييبين لها مصاص او اي نوع من السويت وتحطينه لها فكيس وتقوليلها
ماما اذا شفتي حد يصيح انتي عطيه الحلاوة عشان يسكت .. وجيه هيه بتتشجع
وبتحس انها قوية ^_______^
شو رايج ؟؟ جربي من باجر سويلها جيه وقوليلنا شو بيصير وياها ووياج
الله يهديها إن شاء الله
مشكورات خوااااتي يزاكن الله الف خير
بجرب فكرتج اختي ريم وان شاء الله خير…
ادعولها ..بنتي ماشاءالله ذكيه وشاطرة وجريئه
بس ما اعرف شو ياها….
بجرب فكرتج اختي ريم وان شاء الله خير…
ادعولها ..بنتي ماشاءالله ذكيه وشاطرة وجريئه
بس ما اعرف شو ياها….
أنا بنتي بعد بال kg1 أول يوم عادي الحمدالله لكن اليوم الثاني والثالث تمت تصيح مارضت تركب الباص…….المهم يوم ردت من المدرسة سألتها عن السبب تقول ما أبا حد يضربني قلتلها محد بيضربج واذا باجر ركبتي الباص بدون ما تبكين بييب لج هدية والهدية هيه عباره عن حصالة والحمدالله اقتنعت والحين عادي ماشاء الله عليها تحب الروضه…….. يعني حاولي تشجعينها دوري اي شيء هي تحبه وقوليلها بييب لج هدية….والله يعينج على تربية اليهال