بنتي يتها حاله نفسيه عقب الحادث

مرحبا خواتي …. حبيت افضفضلكم اشوي لاني وايد مضايجه … بنتي عمرها سنتين ونص من صغرها اتخاف من الدراجه ومن فترة كنا سايرين البحر وينجلب جدامنا واحد راكب دراجه وينطر راسه ومن شافت بنتي الحادث يتها حاله نفسيه كله اتصيح واتصارخ وقامت اتخاف حتى من السيارات واذا طلعنا اتم طول الوقت اتصيح لين نرجع البيت ويتم يدق قلبها بسرعه لين اتيها الحمى من الخوف قامت حتى ماتاكل مووول والله اني تعبت معاها حاولت اكلمها وافهمها ان الدراجه ماتخوف بس ماشي فايده دخيلكم قولولي كيف اتصرف لانها اذا تمت جي احسها بتتخبل لاتبخلون عليه يزاكم الله خير

والله ماعرف شاقولج .. الكبار يوم يستوي الحادث جدام عيونهم مايقدرون ينسون الموقف فما بالج بالصغار ..

مرحبا الغالية
اتصلي في جمعية النهضة النسائية إلا فدبي وأطلبي الدكتور جاسم المرزوقي واستشيري
وبيعطيج نصايح كيف تتعاملين معاها والله يعينج الغالية

حبيبتي حاولي هاي الفتره لا تجوف ولا تركب لا الدراجة ولا السياره لين ما تهدأ

بسم الله عليها..حبيبتي لا تخلينها تركب السياره لين تهدأ نفسيتها شوي..
ماعليها شر ..

تمي ارقري عليها قران
واستشيري حد متخصص

حليلها غمضتني..اقل شي تقدرين اتسوينه حاليا انج ماطلعينها فتره من البيت وبالتدريج ان شالله بتنسىالموقف