هذي قصة 20 شاب مواطن .. يشتغلون في الرويس في شركة بروج التابعة لادنوك ..بعد ما فتحو كلية التقنية "طالبات" في الرويس .. شافو انها فرصة لهم انهم يكملون دراستهم بالكلية ويترقون في الشركة .. لكن اصطدمت طموحاتهم بارادة الكلية اللي منعت هالشي بسبب انها كلية طالبات ومافيها مكان لهم كذلك حتى مافيها التخصص اللي يبغوه وهو فرع من افرع الهندسة بس اسم التخصص صعب ماعرف نسيته خخ.. تحرك الاخ الفاضل واللي بصراحة يعود له الفضل بعد الله السوبر فيزر"عبدالعزيز السويدي" وهو من ال 20 اللي يبغون يدرسون يحاول يقنع ادارة الكلية لكن بدون فايدة.. بعدها ولله الحمد قدر يوصل للشيخ نهيان وكلمه .. وطبعا الشيخ ماقصر وامر الكلية بتوفير كلاس للطلاب ودكاترة وكل شي لدراستهم 
للحين القصة حلوة .. بس بعد اجتماع الكلية بالطلاب وتحديد موعد الدراسة .. طلبوا منهم يدفعون مبلغ 5000 درهم شهريا للدراسة !! كل شهر 5000 درهم!!! طبعا ليييييييييش!! قالو اونه الدكاترة بصكون خط من ابوظبي للرويس "اجرة التاكسي يمكن يقصدون!" والله ماعرف شو سالفة ال 5000 !!
وماشوفها حجة منطقية بالمرة .. ولليوم مازالت المحاولات مستمرة لالغاء رسوم الدفع او عالاقل يقللون من المبلغ ! لكن لا كلية التقنية وافقت ولا حتى الشركة تبرعت تدفع لهم لانها بعد طرف مستفيد من دراستهم !
متى صار المواطن يدرس ويدفع لجهة حكومية متى صارت هذي !! 
ريلي من اللي بيدرسون وبتبدا الدراسة شهر 1 بس ماعرف متى بالضبط.. نص راتبه يروح للبنك (دفع ديون العرس + اقساط السيارة) .. وفوقنا مصاريف ثانية ويت الدراسة و5000 كل شهر!
يعني ابدا مايشجعون الواحد يدرس !!!!!!
كلمت ريلي وقلته لا تعتمدون على سوبر فيزر كل شي يسويه بروحه تحركو انتو بعد واقترحت له يطرش رسالة لعلوم الدار قناة ابوظبي الاولى ويحط رقم موبايله وباقي الشباب ..عشان تسوي القناة تقرير ويمكن حد من الشيوخ يحل هالمشكلة ولا شو رايكم؟
احس الدنيا صارت مادية بشكل فظيع حتى من الجامعات الحكومية و التقنية
كل شي صار بفلوس … >_<
والي تبا تدرس هالفرع لازم تدفع 6500 ع الكتاااب الوواحد او الجزء الواحد >> تخيلي اذا درست 5 اجزاء كم ندفع ؟؟!!
ولا وبعد فكليه الشبااااب ..
فيه وحده من ربيعاتي دقت حق علووم الدااار واشتكت ع الكليه بكبرها .. قالولها بيدقووون لها قبل ما ايووون بيووم وبيشوفووون وضع الكليه ..لام جد كليتنا امرررررره ما تساااااعد
لا اكل مثل النااس لا اسلووب مثل الناااس حتى ماااشي كلاااساات شرات الاوادم
وكله كووووم والطرد عندهم ببلااااااااااااااااااااااااااااااااااش
آآآآآآآآآآآآآآآآه برد خاطريه ههههههههه
صراحه كل مكان فلوس انا ادرس بخاص والفلوس الي ندفعها دبل ال 5000 الي يدفعونها
والدراسه اللحين صعبه والله يكتب الخير وخل يصبر لين يتخرج والله كريم
وعلوم مالدار ما بيصدجون ياينهم خبر جاهز على طول بيوافقون
شو ها ..؟؟؟ والله الخير عندهم وعندنا بعد