اقصد نوعين من الأسئلة الاولى الفضولية والثانية الأسئلة اللي مالها جواب اللي اسميها شخصيا أسئلة ام خشم
ليش تختارين سؤال من عمق حياة الآخرين بكل جرأة او بالأحرى وقاحة وتطالبينهم بجواب؟
ليش احس اني أعيش في مجتمع غريب يفرض علي أخلي حياتي كتاب مفتوح بدون ما ينعتوني بالتكتم والبدائية كمثال: تتحراني بحسدها؟
والفضوليين يهونون عند ربعنا اللي وصلنا لمرحلة متطرفة من الأسئلة
وهي الأسئلة ام خشم اللي مالها جواب وهي استنكارية بحتة وغرض صاحبها يحسسج بالدونية يعني كانه يقولج صيحي صيحي بس بأسلوب
ماقصد الأسئلة المسالمة او الروتينية او تبادل الأخبار العادي
اقصد الناس اللي سستمهم مشروخ وتعرفين انج اول مابتشوفينهم
بيشغلون لج الاسطوانة ماغيرها
خواتي
امسكو لسانكم عن حياة الاخرين ابتداءا بمادياتهم ونهاية عند حياتهم الشخصية واختياراتهم
لج حياة
ولهم حياة
منتشره في كل مكان.
يعطيك العافيه…
يعني يسالون اسالة ملهم فيها لان ماعندهم شي يفكرون فيها او يحبون يفكرون بالناس الي جدامهم
بس في حدود يعني مثلا
ايام مافي الجامعة وبعد ماتخرجت
كل البنات تحسينهم يدورن اخبار الغير
هذي ليش ماتزوجت هذي ليش ماشتغلت هذي شو تشتغل هذي مالقت شغل احسن هذي كم راتبها
هذي عريسها احلى عنها هذي ليش تزوجت اكبر عنها هذي ليش تركت شغلها
؟؟؟؟؟؟؟؟
مااكذب عليكم من فترة جارتنا كانت مسافرة فترة طويلة يمكن سنتين ومن كم يوم وصلت من السفر وجات زيارة بيتنا لان مانعرف انها وصلت
بعدين شو صار
فتحت سيرة مالها اول من تالي لامي تخيلوا كيف
انا بنت اخوي خلصت جامعة مثل بنتك وشتغلت ولحين ابوها حابب يزوجها كان حد من قرايبها
وانتي بنتك ليش ماتزوجت ليش ماشتغلت ليش مااعرف شو ؟؟؟؟؟
يعني سؤال شو المقصود من كل هذي الاسئلة
يعني ماتعرف انه نصيب ولا سامعه ان في مشكله وتريد تحلها؟!
وبعد كل هذا
اكيد بنتك زعلانه وجي
خليني اشوفها
ياسلام
شعاع نايمة باي
اختي شعاع
هاي الجارة نموذج يديد تااااااارس المجتمع
هالنوعية من الناس يبون يقهرونج بأي شكل من الأشكال
ويرمونج بسيل من الأسئلة ماله اول ولا تالي
والغرض من كل هالاسئلة ان يعرضون عليج اللي عندهم ويبرزونه بدون مايفكرون لجزء من الثانية بمشاعرج كانسانة
مممم هالناس تعلمت اني ارد عليهم بابتسامة وما اعطيهم لذة الانتصار
وأوكل امري لرب العالمين 
يحبون يعرفون اخبار الناس ، بس اخبارهم عليها اشارة حمراء ممنوع الاقتراب
المشاركة الأصلية كتبت بواسطة sanabel83 
يحبون يعرفون اخبار الناس ، بس اخبارهم عليها اشارة حمراء ممنوع الاقتراب
صدقتي والله