تأخر الحمل

هلا خواتي شحالكم بغيت أسألكن اللي تتأخر سنه ونص عن الحمل تتوقعون هذا الشي طبيعي ولا في خلل ؟

عآدي .. ممكن طبيعي وممكن في مشكلة

الافضل الواحد يجيك ..

ليش ماتروحي المستشفي او عياده خاصه وسوي تحليل شامل عسب تطمني ع نفسج
وكل تأخيره فيها خير والارزاق مع الله
ربي يرزقج جريب

جوفي حبيبتي احيانا من رب العالمين ها التأخير واحيانا في مسببات تأخر الحمل فمن الافضل زيارة دكتورة مختصه فامراض النساء والولاده اتجيكين تجييك شامل على عمرج وريلج بعد..
واذا كان اقل عن سنه مايحتاي باذن الله بتحملين لكنج عديتي السنه المفرووض اتسيرين بس تتطمنين على نفسج..
يمكن التهابات لاسمح الله تعيق الحمل..وفي احيانا يكون بسبة عدم انتظام الدوره واكيد يكون في مسببات لهالشي مثل تكيس او هرمون الحليب مرتفع..وانصحج بأشعة قناة فالوب عسب تتطمنين اذا الانابيب كانت مسكره او مفتوحه طبعا هذا خليه آخر شي بعد ماتسوين كل الفحوصات اللي اتطمنج بعدين تلجئين للأشعه..
واحيانا تحتاج الحرمه كلوميد(منشط)عسب ينشط المبايض ويكبر حجم البويضه..
واتتابعين اول باول وقت الاباضه..
ربي يسهل عليج ويرزقج ويرزقني ويرزق كل محرومه الذريه الصالحه المعافاه..

الله يرزقج الذريه الصالحه ان شاء الله ..

روحي فحصي احسن انا تاخرت سنه و3 شهور الحين ورحت فحصت قالولي تكيس بسيط روحي افحصي احسن وخلي رييلج يفحص بعد وربي يرزقج بالذريه الصالحه