تاااابع طلاقي من اخو ريلي المتوفي

بكمل
والله حالي كان يصعب على الكافر وأنا أشل عيالي كنت أقول أنا شسويت ياربي عشان هذا يكون حالي في هذي اللحظات مر على أبوي وريلي المتوفي وكلام ربيعاتي وأمي أمه وخواته وخواتي وهو
استنتجت شي أنه ( ليش أنا أخليه رقم واحد في حياتي وهو ولا معبر كل يوم بحال ومزاج هو يعرف طبعي يشبه طبعه يعرف أنا من شو أنقهر وعلى شو وكيف قلت بلبسه ومالي شغل فيه بحاول مثل مادخلته حياتي بطلعه ) بس أول ماوصلت البيت تميت أصيح وأمي تسالني وأنا قاعد أخربط بالكلام قالتلي نامي وباجر خير

رقدة وتخيلو نشيت الظهر أول مره في حياتي أقوم الظهر ولما شليت أموبايل أشوف منوه متصل أنصدمت 14 مكالمه و6 رسايل *____* زززغت
مكالمة لم يرد عليها
عمتي 4
حميتي 3
أخوي 2
أختي 3
ريلي أو طليقي أو أخو ريلي 2
مسجات
طليقي 3
عمتي 3

(عمتي )

1-وووينج شو سالفه فديتج ردي أباج لا تخليي جه
2-شو صاير وينكم ماتردون عليه بتخبلوني الخدامه تقول شافتكم متضاربين
3- حرام عليج يميه شو صاير انتي بيت أمج بترخص وبيج

(طليقي)

1-أنا أسف بس منوه اللي غلطان ؟
2-أذا أنا زعلتج فأنا أسف والله كنت أسولف معاج أغايضج وأنتي الله يهداج لبقتي ولبقتيني معاج
3-الحين شو الترتيب

أنا أستغربت ومارديت عليه نشيت سبحت وشوي كنت مستانسه بس قلت مابفرح وايد لاني معاه مسرع ما أفرح ومسرع ما أحزن

يت عمتي وأأأأأأأأأأأأأأأأأأأاقنعتها أنه مااااااااااااافي شي شويت زعل وراحو
قالتلي تعالي قلتلها بريح بيت أمي شوي جان ترد (( يا هالافلام الهنديه مالتكم اللي ماتخلص )) وروحت فديتها

عااد أنا حقرته عالاخر حتى شكله مارجع البيت تم في الدوام وقال لعمتي نفس الرمسه
أنا دوامي مارحته كان عندي أكتئاب شدديد وم قلت الاكل كل ماقوم من الشبريه أدوخ لين ماخواتي كلموني ونصحوني وأنا قلت صح ليش أسوي بعمري جه بهتم في نفسي وعيالي وماعلي منه بلا حب بلا عوار قلب قدمت على أجازه وقمت أروح الصالون وأودي عيالي المدرسه بروحي والعصر أروح الجم ومنتضمه اللي صدمني أنه كذا مره أشوف سيارته في طريق روحتي للجم لانه يعرف الساعه كم لزززم بالضبط أكون هناك اما العوده لا لانه مالي وقت المهم أتم عادي ولما رجعت دوامي مرتين كان وراي ههههههه والله ضحكني تخيلو وراي فالاشاير في خاطري أقول لما كنت عنده بولابس والحين شو سالفه
عقبها عمتي درت بالموضوع م امي و زعلت مني واايد والله أنا وااايد تلومت منها وماعرفت شو أقول المهم قلتلها مابغيت أضايقج وخلاص نحن مانصلح لبعض لزززم أقولها هالرمسه لانه لزززم هو يعرف أني مب لعبه وأني لو خسرني مابيرجعنب بسهوله خله مع حبيبته
المهم ثلاث أيام من بعدها اتصلت بي خالته تصيح تقولي تعالي المستشفى عمتج بتموووت أأأأأأأأأأأأأأخ لا كله ولا عمتي ماقدره والله سقت سيارتيه لين المستشفى وانا بدون وعي حتى امي امي قالتلي صبري بروح وياج بس البس عباتي والحقج قلتلها انزين وروحت عنها مادري كبف ولحقتني بتكسي وصلت عند عمتي وكان شكلها غيررررر كانت تقول راسها يعورها واااايد من كم يوم تميت أصيييح وهي تصيح قالتلي مشتاقله لولدي بروح له أأأأأأأأأأأأأأأأأأأأه والله هالجمله حطمتني قالتلي سامحيني تمين أبوس أيدها وقلها ليش جي تقولين أنتي أمي بناتها ماتحملو طلعو يبجون برع أنا كنت بدوخ بس كنت ماسكه نفي أبا أتم معاها وكنت أرتجففف يت الدكتوره عطتها أبره وتمت أتقولي سامحيني يمه أنتي اللي فيه أنا سبب وطليقي دخل وهي تقول أنا لا تتحريني ما ملاحظه كيف أنتي ضعفتي وتغيرتي وولدي متعبنج هو مايستاهلج فهو دخل وباسها فوق راسها جان تقوله أنت وين من أسبوعين توه تذكر أمك مافيك خير وتمت تكلمني وتمسح دموعي قالتلي أنتي تعرفين أنج بنتي ومارضه عليج يايمه هذي حياتج خلاص اللي يريحج أتي سويه أنا أطالعها بس ماصديت صوبه بس هو كان يطالعني ويبجي أو كان متاثر قلتلها عمووووه أنا معاج دووم لاتحاتيني أنا أباج ترتاحين الحين وأن صار فيج شي أنا مابسامح نفسي والله يا خواتي هاللحظات كان غيررر تحسون انه هالدنيا ماتسوى نامت عمتي تميت حذالها وهو يطالعني وانا نسيت وجوده ودخلو خواته وزقرو الدكتوره يسالونها قالت هي بخير بس نبا نتاكد أنه الضغط تحسن بس النفسيه والعمر ومن هالكلام أنا كنت أبغي أتم حذالها بس أمي تعبت وكان لززم أرجع البيت أتفقنا أنه كل يوم وحده ترقد عندها بس أنا ما كنت أبغي أشوفه مع أني متاكده أنه في قلبه كلام لي بس مابعطيه فرصه أبد اليوم اللي مفروض دوري وديته أمي لها وفعلن ثاني يوم الصبح الساعه 8 راح أهناك بس حصل أمي وصل امي البيت بس ماقالو شي عني ولا أمي عادي تهذبه م جذا غير الموضوع وسلم على عيالي ولما شاف ولدي قاله (( ها البطل ووينك أنته ياراعي المستنج تبغي موستنج ولا همر جان ولدي يقوله أنا مابي منك شي والله أنا كنت أتسمع من البلكونه ونصدمت قاله أفا ليش جان يرد ولدي لانك ماتحبني خليتنى منا بروحنا وما خليتني أنام عندك وألعب عندك )) يمكن هالكلام عادي بس اكيد حزت في خاطره هالرمسه اليوم اللي عقبه طرشلي مسج ممكن تردين بقولج شي الصراحه كنت خاطري أسمع صوته وفيني فضول اعرف شو يبي يقول ((ألوووه هلا شو الاخبار وأخبار اليهال أنام الحمدالله أمر بغيت شي ضحك وقال أول شي مو حلوه مج أطرش مسجات وماتردين وأتصل وماتردين علي مهما كان يعني *___* قلتله شو سالفه الحين أنا مايوز أكلمك فلو سمحت لا تحرجني معاك أكثر رد قال أنا أعترف تسرعت بس أنتي جرحتيني وكلمتيني بطريقه والله لو واحد من الشباب جان كسرت ويهه *___* انزين الحين شو تبغي قالي أنتي غلطي علي وأنا غلط عليج شو بخاطرج الحين قلتله جذا مايصير أنا بنت ناس أولا أنا أأأأأأأأألف واحد يتمناني وأداوم بيت أهلي موجود عيالي في حضني خير وعندي ما ناقصني شي مابرد لواحد ذلني ذل وشفتكل أنواع الاهانه نعاه خليتني أسوي أشياء عمري ماسويتها ضحكت علي ربيعتك وخليتني مصخره قدامها وبديت أبكي قلتله كنت بعيوني وبقلبي شي وصرت الحين شي ثاني ياخي أنا حبيتك وقلتلك بس أنت ماقدرت وقمت تتمصخر علي وتغايضني بهايك وانت قايلي أنت تلعب معاها مابتاخذها خلاص الحينه تقدر تاخذها خلني بحالي والله ما حابه أرجعلك وتبي الصراحه على كثر ما كنت سعيد بقربك الحين مرتاحه في بعدك وانا اتكلم وهو ساااااكت بس قالي لا تصيحين قلتله تحيد أنا دايمن أضحك الحبنه من معاملتك قمت كلا أبكي قمت أحس أني ما أسوى شي بسوق الحريم صار ماعندي ثقه بنفسي أنا ما لي مكان بحياتك ولا عمري بكون وأنت عندك حبيبتك الله يوفقكم مالكم شغل فيني ولا تيب طاري جدامها قالي خلصتي بقولج شي أنا بعترفلج بشي مادري اذا بتصدقين ولا لا وعقبها ببند عنج
1-أنا ماروم ما شوفج كل يوم
2- عيالج قطعه مني
3- أباج بس لما تقربين مني أعصب أتذكر المرحوم لما كان يناديج حياتي وكيف كان يغار عليج كيف انا الحين اخذ مكانه هذا اللي يمسكني
4- لما أعاملج بقسوه أكون أبا أصيح وقول ليش أسوي جي هي واايد تخاف علي وهمها أتريحني وتحبني أكثر عن أمي
5- والله لو أفترفنا مابسامح نفسي حطي شي في بالج أنتي وعيالج مسؤولين مني لين ماموت وانتي قدرج كبير واللي أنكسر بعون الله بصلحه ومثل ما زعلتج براضيج حطي راسج ورقدي وبوسيلي اللصغاريه وقوليله اني أحبهم وتصبحين على خير وبند ))
هي وقالي ماله داعي أنتي وأمي خواتي تقعدون تغايضوني بولد عمج تراني والله بسير أضربه خخخخخ أوويه
^__________________^

طبعا مايحتاي اوصفلكم حالتلي كيف
طاير من الفرحه طاير
بس قلت لنفسي لا تفرحين باجر بيتحول
الصبح نشيت سرت المستشفى وتريقت مع عمتي وكانت شوي أحسن عن قبل وكانت ساعات حلوه قالتلي أنه ولدها ندمان وكل شوي يتصل يسالها عني مريتها ولا لا ومتى بي وان يبا يغير رقمه هي ماتعرف ليش
وقاعد يعدل غرفه فالبيت حج ولدي بروحه ويعدل حجرة البنات وغرفتنى والله كنت طايره من الفرح أحس أنه الايام اليايه بتكون حلوه
أتصل أخوي وكانت الصدمه أنتي مالج ولي شو مودنج هناك كل شوي واهاك ولدهم مطلقنتج تعالي البيت ولا تطلعين بدون شوري مره ثانيه ( انا قلت يا فرحه ماتمت )

رجعت بسرعه وجابلت أخوي وقالي لا تروحين لهم وخلاص وهاذيل مايستحون وقالي انا واثق فيج بس الناس ماترحم قلتله عمتي مريضه ولو ولدها طلقي هي مالها ذنب انا أحبها وهي تحبني وماقدر أصبر ماشوفها وهي بعد جان يقول ليش حب وغرام هو ههههههههه
قلتله الله يخليك انا مابروح البيت بس المستشفى لين ماتتعافى جان يقول اوكيه شلي عيالج واميه وياج قلتله ان شالله وفالك طيب بس لا تزعل علي باسني فوق راسي ويلسنى نسولف جه عمتي خبرت طليقي انه أخوي اتصل وحتشر العصر وصلني مسج كاتب فيه طليقي أنا اتصلت المحكمه وقالولي عادي ورجعتج بس باقي طلقتين انتي حرمتي الحينه راويت المسج أخوي وياليتني ما راويته أخوي رد عالمسج من تلفوني أنا مالي خص رمس أخواني وكتب مسج ودز الرقم ويا المسج شوي وتصل طليقي في أخوي رد أخوي بس للاسف طلع برع بنت المكيف عسب أسمع ووواااااي سمعت أخوي يقول ليش طلقتها أبا أعرف شو سوته والحبن تقول رجعتج ليش هو لعب عيال هي مالها ريايل يردون عليك اوووووف وماسمعت الباقي ياني أخوي وقالي أنتي تبغين تردينه ولا لا خبريني بس فكري عدل أنا رمسته وشديت عليه عشان لا يتحرى أنج رخيصه وكان يحضني قلت هي والله صح كلام اخوي وهذا اللي صار أمس اخوي قالي لو اتصل لو طرش مسج لالالالا تردين عليه مووووول زين ماشل الموبايل بس الساعه 2 الفير قالي أخوج وايد مال أول ويتفلسف بعد هههههه ضحكني بس جه مطرش فليل عمتي طلعت الحمدلله بس مامرتني بديت أحاتي شو سالفه الله كريم

بالنهايه يا خواتي أشكركم على الاهتمام والبنات اللي يطرشون رسايل السمووحه والله منكم لاني مارد وايد رسايل وانا ما يلس وايد عالنت

والسموحه طولت عليكم بس مابي تقولون مسلسل وتطول وانا بخبر خواتي ربي مايحرمني منكم ومن حنيتكم علي

دعواتكم لي
وانا ما أنساكم من دعوتي دووم