في البدايه حبيت اخبركم بتجربتي مع عملية الشد والشفط للدهون
العمليه = عملية شفط وشد للبطن فقط
مدة العمليه = 4 ساعات ونص
الطاقم = كله نسائي
مدة المكوث بالمستشفى = ليلتين
واليكم التفاصيل
قبل 4 سنوات كان عندي ولدين وبنتين وكنت حاطه براسي اني بكتفي فيهم ووقفت تقريبا 5 سنوات وكان جسمي ولله الحمد اوكي وحصل ما لا بالحسبان وحملة بولدي محمد وترهل جسمي بشكل مو طبيعي مع اني ابد ما امتن بالحمل وبعدها بسنه تفاجات اني رديت احمل ويبت بنوته قمر ما شاءالله عليها بس صدق رهلت جسمي من الخاطر وانا عندي ريل ماشاءالله عليه رياضي وجسمه مشدود ها الشي خلاني افكر بحل جذري مع العلم اني سويت رجيم وفعلا نزل وزني بس تم بطني مترهل وشكلي كاني حامل وكل حد يشوفني يقولي رديتي حملتي انا هني كل انواع التعقيداات المهم دورة بها النت وسنه كامله وانا ادور بحل لها المشكله وما حصلة جدامي الا عملية الشد والشفط وخلاص حطيت براسي ها الحل ورحت وقالت لي عن سعر العمليه وطلبت مني اني انزل وزني على قد ما اقدر مع العلم ان وزني مب ذاك الزود هو 69 وطولي 160 يعني وزني الزايد بين 7و9 كيلو بس انا الترهل الي كان معذبني
وفعلا كانت عندي العزيمه والاراده واستمريت لين سار شي مب بالحسبان طلع عندي السكر مرتفع وطبعا مريض السكر صعب انه يقوم باي عمليه اذا كان السكر مرتفع وانا كان عندي المعدل التراكمي 9 وهورقم كبير نسبيا وتميت محبطه وعرفة بعدها ان عندنا مركز متخصص لمرضى السكري ورحت عندهم وشافني الدكتور وقالي ولا يهمج تقدرين انتي تتحكمين بها الرقم وتنزلينه وفعلا قمت وسويت كل شي قاله عني الدكتور ونزل المعدل خلال شهرين من 9 ل7 وقالي دكتور السكر تقدرين تسوين العمليه وانتي مطمئنه وخذت التقرير وسلمته لدكتور السكر الموجود بمستشفى وكانت المصيبه انه رفض عمليتي وقالي ها الرقم يخوف ولا اقدر اعطيج التصريح انا بصراحه احبط وكنت قبلها مصليه الاستخاره وقلت الخيره في ما اختاره الله وسبحان الله قبل لا اطلع قلت للدكتوره سويلي تحاليل وشوفي لذا تحاليلي اوكي تسمح او لا جان تقولي اوكي روحي سوي رحت وانا متوكله على رب العباد لاني استخرته ولاني سالت قبلها واطمانيت اني ما اسوي شي غلط لان دكورتي القبليه مالة السكر قالت لي اذا بتسوين ها العمليه السكر وايد بينزل منج فقلت لها يعني حالتي طبيه اكثر منها تجميليه قالت لي نعم وطمني كلامها
المهم سويت التحاليل والمفاجاه كانت ان السكر بعد نزل وسار 6 والدكتور قال ان اوكي اقدر اسوي العمليه وما علي شر بصراخه وايد استانست وسبحان الله ما خاب من استخار ربه وحددت لي العمليه باليوم الثاني الي هو كان يوم 25 – 4 – 2024 على الساعه 10 الصبح بس طبعا طلبت مني اني اكون عاى 7ونص الصبح بالغرفه
شكلي بسوي العملية بس وااايد خايفة