الحمدلله عم اقرا ردودكم بكيكة الفواكه اللي عملتها من كم يوم وماشاءالله مشجعة ان الواحد يتم يعمل اكلات طيبة وحلوة ويشارككم فيها ……
اليوم حابة فرجيكم شو عملت مبارح كان عنا عزيمة وكالعادة قلتلهم التحلاية علي وعملتلهم تشيز كيك بالشوكولا وكان جدا بسيط
الطريقة باختصار :
الطبقة الاولى عملت كيكة سادة بنكهة الشوكولا ولما خلصت وبردت فتفتتها وحطيت معها شوي حليب ورصيتها بصينية التشيز كيك
وبعدين عملت خلطة الكريمة كل وحدة وزوقها بطريقة تحضيرها انا مبارح بس خفقت الكريمة الخفق وبعد ماجمدت ضفت علبة قشطة ووشوكولا بودرة + شوكولا بنكهة البندق ( عملت حمام مائي للشوكولا) وضفت قدر معلقتين جيلاتين مذوبين بفنجان قهوة مي سخنة وضفتهم للكريمة وبعدين صبيتها على طيقة الكيك ودخلتها البراد حتى جمد ….
وهلا منجي للمسة الاخيرة والسر في النكهة : جبت 5 اصابع شوكولا فليك وطحنتهم وحطيتهم عالوش
وصدقوني الصينية ما كملت ال ربع ساعة عالطاولة كانت خاااااااااااااااااااااااااااااااااااالصة
اترككم مع الصور :
جربوها ودعولي ……..
روووووووعة
تسلم ايدينج اختي الغالية
يسلمو الأيادي
جاري حفظ الطريقة