بنات يمكن تشوفون مشكلتي تافهة بس والله قلبي يعورني كل ما اعرف اني عايشة فهالزمن … انا مب حاسة برمضان وين روحانياته وين شفافيته ؟ الناس مستخفة بهاالشهر حتى التلفزيون والبرامج صايرة تافهة
انا مشكلتي فرمضان ولا اي شي بس انا يوم ادخل اليوتيوب واشوف مسلسلات قبل مثل ابي وامي مع التحية ومبروكة ومحظوظة و برامج ثانية جديمة او حتى الاعلانات احس قلبي يعورني و ينقبض واقول ياريتني ما كبرت
الناس اتغيروا وكل شي استوى بلا هدف حتى يوم العيد نفس الرسالة يطرشونها للكل
حتى ما اعرف انا بشو حاسة 
(
هذيك الايام ما تتعوض
بس ما عليج القادم اجمل ^^
الذكريات الي تحسين بها الحين حلوه وصادقة
اليهال الحين يكونونها بس بطريقتهم الخاصة
الصراحة ما عرف شقولج .. ساعات احس بنفس الشعور الي تحسينه بس نلتهي وننسى
ربي يحفظج ويطمن قلبج
لاحقة ع المسلسلات كلها بيعرضونها عقب رمضان او بتكون في اليوتيوب
مسوي وقت للقران ووقت اقرا كتاب ديني واصلي فروضي وتجهد واقعد مع اهلي
واجرب طبخات ومرات اطلع ويا ربيعاتي او اشوف برنامج صمت للعريفي ع اليوتيوب
او برنامج ميلاد لسلمان العودة
ترآني دوم مرآت يوم أبآ أتذكر ذيج الأيآم
أيلس أتطآلع مسلسلآت قبل
مع اني مآ انولدت حزة هالمسلسلآت
بس غير احسآسج
على الأقل كآنت تنعرض على أيآمنآ
محد ينسى ذيج الأيآم
للأسف هالأيآم كل مآ يزيد التطور والنعم تزيد علينآ
النآس يتبطرون
النفوس هيي اللي تغيرت
اللي فيهآ خيآنة والحسد والحقد والزعل وغيره من هالأمور
الله المستعآن
تذكري سوآء كنآ بهالزمن أو غيره
رسآلتنآ وحدة
هي عبآدة الله سبحآنه والعمل للآخرة
يوم أتذكر هالشي أحس جد أرتآح
ونحن فهالدنيآ ضيوف
ومكآننآ بيتحدد في الآخرة
وان شآءالله ربي يرزقنآ الجنة ^^
ما نقول غير عسى ربي يرحمنا برحمته
كل وقت حلو وكل مرحلة لها ميزاتها عن نفسي ما احس ان قبل احسن بالعكس يمكن انحرم من ميزات امتلكها اليوم ما كنت امتلكها قبل
وهذه الحياة لازم تتغير ما راح تثبت على وضع معين