تعليم البيبي ع الحمام

السلام عليكم

شخالكم ماميز ؟

انا اليوم قررت ابدي تعلم بنتي ع اكرمكم الله الحمام

بنوتي عمرها سنه و عشر شهوور

احس وايد تاخرت كنت ابا ابدابها ع السنه و خمس شهووور

بس العيازه شو نقووول لها

حاسة ان الموضوع صعب واااااايد بس لازم ابدا كل ماتاخرت كل ما صعب الموضوع

المهم ابا تشجيعكم و حماسكم

و اللي تبا تبدا وياي تكتب يومهاا و خلونا نساعد بعض

ف انتظار تجاربكم

اناا والله بعد ابى ابدا اعلم ولدي ع الحمام معرف كيف اسوي معاه قبل فتره مشتريه اندر وير من مذركير عسب تعليم حق الحمام من داخل نفس المنشفه

بس والله متعايزه و بعد توني مربيه يعني صدق تعب

أنا ولدي سنتين و شهرين حاولت أبدا معاه بس تعايزت و ما كملت الحين افكر أعيد التجربة و يا رب تنجح

احسه صغير انا علمت ولدي في عمر السنتين والحمدلله تعلم بالاسبوع

خلي الياهل على راحته يوم بشوف الكل ايروح الحمام بتكون له الرغبه انه يروح بنفسه ويتعلم بنتي اتعلمت يوم صار عمرها سنتين واربع شهور بس الحمد لله من اتعلمت بنفسها اتروح ماسوتها على الفراش غير مره وحده لان المكيف كان بارد والحين بنتي ماشاالله عمرها 8 سنوات بس لوضغطي على الياهل وحنيتي عليه يمكن يتعلم صح بس كل اسبوع عالاقل بيسويها فالفراش يعني بتيبين له حاله نفسيه وبيخاف انه يتعاقب هذي تجربتي لاتجبرين الياهل ووقت مايكون له رغبه فالتعلم لان بنتي يوم شافت اختها الاكبر منها بسنتين اتروح بروحها قالت ماما ابي اكون نفس دادا يهني اختي مابي حفاظه فرحت رقديتها معاي فالغرفه مال اسبوعين بين كل ثلاث ساعات اشلها وهيه راقده ايلسها تكرمون عالمرحاض احضنها واقولها ماما سوي بي بي يعني كلام يههال عشان اتحس بالامان لين ماقامت روحها اتسير والحمد لله ارتحت وبالتوفيق لكم

انا بنتي عمرها سنتين ونص جربت اعلمها اكثر من مره مب راضيه تفهم فقلت بعلمها لما تعرف كلمة بول وكاكا

لا ما تاخرتي ولا شي ابدئي من الحين و كل عشرة دقايق دخليها الحمام و لو ما بغت تجلس علبوتي اشتري لها مقعد حمام و اسبوع ولا اسبوعين و بيمشي الحال