تعويد الطفل على الحمام تجربتي وتجاربكم لنفيد غيرنا ^_^

بسم الله الرحمن الرحيم

هني حبيت نتيمع الامهات الي يمرون بمرحله تعويد الطفل على الحمام انشارك بعض بالافكار الي تفيدنا وتفيد غيرنا من الي يعانون في هالمرحله

طبعا انا عندي ولدين توام الله يحفظهم يارب عمرهم 3 سنوات وبديت انظفهم واعودهم على الحمام
طبعا وايدين قالوا انتي متاخره المفروض تبدين من سنتين بس انا لا اشوف سنتين صغار
انا عيالي 3 سنوات ومطلعين عني وين سنتين
ببتدي وياكم من البدايه كيف بديت لين تعلموا تقريبا

اول شي ما قطعت عنهم الحفاظه فجاه لان هالشي بيكون خرافي^_^ خليتهم يلبسون الحفاظ بس كل ربع ساعه كنت اذكرهم بالحمام<<<< كنت ما اعرف لان ربع ساعه وايد قليل اقل شي المفروض اصبر ساعتين او 3 مع الوقت

طبعا اوديهم الحمام بنفسي لان لو خليتيهم بروحهم عادي ارجع القاهم ^_^

او انهم مغرقين الدنيا ماي تعرفون اليهال يحبون اللعب وما يعرفون من الدنيا شي بعدهم

كنت ولازلت ادخل وياهم الحمام كل 3 ساعات ..

صح ان في ناس تستخدم كراسي تعويد الطفل على الحمام بس انا ما حبيتهم بالمره لانها شغله لين تغسلين الكرسي بس ممكن تستخدمينه

في البدايه الام بتتعب لان الطفل ما يعرف شو يعني عمليه اخراج البول متعود على ان البول يطلع من نفسه متى ما يتازم بس لازم اتطولين بالج وتخلينه فتره طويله على الكرسي لين يشهد هالحدث^_^
اعرف جاره لي يلست اول مره 6 ساعات مع ولدها على الكرسي ليما تعلم ويوم شاف الكبيره صارخ خاف ^_^ بس بعدها تعلم بس هي بالغت شوي 6 ساعات وايد نحن ما نبا نضغط على الطفل ونكرهه في هالشي نصبر عليه قد ما نقدر ولا ليش الجنه تحت اقدام الامهات
ممكن تستعينين بديفيدي او مجله او اي شي عشان اتصبرينه ^_^

بالنسبه لي انا شخصا استخدمت لعيالي غطاء المرحاض البلاستيكي للاطفال تلقونه في بيبي شوب
اتحطينه في الحمام وانتي بكرامه وكل ما خذتي الطفل على الحمام ركبيه على الكسريه عشان يحس الطفل براحه وهو يالس وانظف واسهل بالنسبه لج ومنها الطفل بيعرف الحمام على طول
هذا هو

وبس كملت شهرين من هالموال الحمد لله فهموا ان في شي اسمه حمام
قمت ما اذكرهم كل 3 ساعات اخليهم يعتمدون على نفسهم.. اشوف شو بيسوون بيحسون او لا
للاسف اول الايام كانو يسوونها في نفسهم وعلى الموكيت او الارض الارض اطهرها بالماي بس الموكيت مشكله خصوصا نحن مسلمين والطهاره شي اساسي في بيوتنا دورت هالحكم ولقيت ان الدين يسر والحمد لله يعني اذا بال الطفل على السجاده مب لازم اتشلين السجاده وشغله واتسيرين تغسلينها كلها بالماي

شوفوا هالفتوى بخصوص هالشي وطريقة التطهير

السؤال
إذا بال طفل بعمر السنتين أو أكثر أو أقل على سجادة طاهرة أصلا مساحتها2×3 وغسل محل النجاسة فقط بالماء والصابون من ظاهرها وباطنها0 السؤال:هل طهرت بهذا؟ وهل تجوز الصلاة على هذه السجادة ؟

الفتوى
الحمد لله والصلاة والسلام على رسول الله وعلى آله وصحبه أما بعد:

فإن الصبي الذي يأكل الطعام يأخذ بوله حكم بول الكبير عند أهل العلم، وذلك من حيث وجوب غسل ما أصاب الثوب والبدن والمكان منه.
وكيفية التطهير إن كان ذلك فرشا كما هو الحال هنا، أنه يكفي صب الماء على موضع النجاسة فقط، ولا يلزم نزع الفرش ولا عصرها كتطهير النجاسة على الأرض تماماً، لما في الصحيحين عن أنس رضي الله عنه: أن أعرابياً بال في المسجد، فأمر النبي صلى الله عليه وسلم أن يصب على بوله دلو من الماء.
وعليه، فإن كان المحل الذي أصابه البول معروفاً وغسل بالماء، فقد طهر وطهرت السجادة كلها، وأما إن التبس المحل الذي أصابه البول بغيره من السجادة ولم يعرف محله منها فلا تطهر إلا بغسلها جميعاً.
:::::::::::::::::::::::
يعني جبي ماي على البول وخلاص ^_^

المهم خليتهم وكنت اذا بالوا ما اظربهم لا بس اضحك عليهم واقوللهم انتوا بعدكم بيبي خليني البسكم بامبرز كانوا يصيحون ويضربوني ويقولون لا كبرنا خلاص اقوللهم لو كبرتوا ليش ما تسيرون الحمام اتبولون على الارض شوفوا اختكم شوفوا فلان شوفوا علان يسيرون الحمام وانتوا لا
ما كملت اسبوع على هالشي الا والحمد لله قاموا يقولون لي من نفسهم ماما ابا اسير الحمام
وارتحت الحمد لله ^_^ في شهرين واسبوعين تعلموا الحمام
هاي تجربتي ارجو انكم تستفيدون وتفيدون غيركم بتجاربكم عشان الي تبا تبتدي تشوف تجاربنا وتاخذ من خبراتنا
انتظر مشاركاتكم
………………………………………….. ……………..

هاذيل عيبوني بس وين ممكن نلقى مثلهم

ياحييج والله

انا عندي بنت توها مكمله 2 سنه ..

والصراحه ابا اعودها بس احسها شوي صغيرة ع هالشي ..

كنت مرات اخليها . بلاحفاض بعد ماكانت تسوي البراز <<< سمحولي ع هالكلمه

وكنت اقولها تبين الحمام قوليلي .. وكل مااسالها تقول ماشي .. واتم وياها .. يوم اغفل عنها .. اتكون سوتها واتيني تقولي ماما بوله <<< بعد ماتبول كانت اتييني

والصراحه تعبت من كثر ماامسح وراها ..

وقلت خليها شوي بالحفاض .. وكنت بعد اسالها اذا شي او لا . وتقول لا .. ومرات تقول انه عليها ببووله وهيه فيها حفاضه

احسها بعدها صغيرة انه تروم تمسك عمرها ..

كم المفرووض نبدا نعلمهم .. لانه يبالهم وقت طويل الين يفهمون ويتعودون بروحهم

ختيه بغيت اسلج الغطا اللي من بيبي شوب .. بكم ماخذتنه

تو الناس سنتين صغيره اصبري عليها لين اتكمل 3 سنوات ما عليج من الناس الي يقولون سنتين اصلا الياهل ما يفهم
والغطاء مب غالي ب 40 خذته من بيبي شوب

انا ولدي فديته عمره سنتين بس عقولتج احسه بعده صغير عالحمام لانه وحليله يوم اشل عنه الحفاظ واتم مراقبته يوم احسه يبا يسويها اقوله لا ماما سير حمام فما يعرف غير يحط ايده عسب ما تنزل ويتم يردد وراي مام مام خخخخ

اليهال يبالهم صبر صراحة
تسلمين الغالية عالموضوع صراحة استفدت من تجربتج مع عيالج وايد
الله يبارك لج فيهم

فديته صغيرون بعده اصبري عليه لين يكمل 3 سنوات حرام
بس المهم حلو انه يفهم الحمام عشان يسهل عليج يوم بتعلمينه

مشكوره الغاليه
انابعد بديت اعلم بنتي الحين عمرها سنتين ونص
احسها ماتفهم بعدها بتريا عليها