السلام عليكم ورحمة الله ،،
الحمدلله رجعت من العمرة وكانت تجربه حلووووه ويديده بالذات انها في رمضان وإني من زمااان ما سرت ،، والحمدلله الله رزقني بعمرة رمضان ،،
وصلت طيارتنا 8 تقريبا بتوقيت السعودية ،، بس لين خلصنا الجوازات واستلام الشنط لانه مخربطين
وكان الدرب اوكي بس لين وصلنا مكه الشوارع مسكره من الزحمه
مثل ما تشوفون في الصوره والوقت 11 ونص
والفندق بس عشر دقايق عنا لكن ما وصلنا لين 12 ونص لان الشرطه سكرت النفق وعقب بالزور كلمناهم عشان يدخلون سيارتنا ما نروم نسحب الشنط
عقب ما وصلنا وارتحنا ساعه تقريبا ونزلنا الحرم
وهذي اول صوره للكعبه خذتها بالتلفون
بس شوفة الكعبه كان لها شعوووور غريب ،، وحلووووو ،، وكنت ناويه اطوف في الصحن لو زحمه لكن الحمدلله طفنا كلنا في الصحن لكن كل ما يتأخر الوقت تزيد الزحمه وسعينا بس ما قدرت اصور اي شي
هذي الساعه فليل
مقتطفات من الصور ،،
يجهزوون للفطور ،،
خادم الحرمين الشرفين السنه متكفل بإفطار جميع زوار الحرم ،، والله يعطيه الصحه والعافيه على الي يسوويه
مثل بوكس ،، يكون فيه تمر ،، ماي ،، فطيرة جبن ،، معمول ،، ويمكن شي زياده بس نسيت لوووول
احنا طبعا تجهيزاتنا غير لازم دلال الجاهي والقهوه ،،الرطب ،، لبن ،، واذا اشيا خفايف
بعض الصور ،، شي بالكام وشي بالموبايل
ما قدرت ادخل الكيمرا لانه ممنوع وزحمه
وقف من خادم الحرمين
والله وفقنا في اختيار حملتنا الصراحه اهتموا فينا من قبل ما نطير لين اخر الرده
وإلي ويانا كانوا حملتين غير حد اتوهق في التذاكر في المطار والقروب الثاني ما يابولهم سياير وهم دافعين وضطروا يأجرون ويدفعون مره ثانيه ،،
وسكنا في فندق دار الغفران عند زمزم وكان حلو والحجره وسيعه والفطووور اوكي ،،
ورجعنا لدار زايد سالمين غالمين ولله الحمدلله
والله يرزقنا عمرة رمضان كل سنه ويرزقكم يا رب
و عمره مقبوووووله ان شاء الله ^ـــ^
تسلمين فديتج عالتقرير و الله يرزقنا بعمره عاجله غير آجله يا رب ^^
الله يسلمج ويرزقج عمره عاجله غير آجله يا رب
وان شاء الله لي زياره قريبه لهذا المكان الطاهر ^^
والله يتقبل من الجميع صالح الاعمال ان شاء الله