خواتي انا بطرح مشكلتي عليكم ونا ادري ان وايد في ناس مثلي يعانون من نفس المشكله بس بنسب متفاوته
بس انا حطمت مقاييس النسب كلها
مشكلتي هي النسياااااااان
هيه النسيان
وايد وايد انسى
ممكن في بعض منكم راح يشوفون ان هذا شي عادي وبيحصل لكل الناس
بس انا احس انها فعلا مشكله
لن الشي هذا بيخلق لي مشاكل وايد فشغلي وفالبيت ويا اهلي ومع نفسي ……
احس اني مو مركزه بس غصبن عني
حد بيقولي اكيد في عندج مشاكل ثانيه هي السبب فمشكلتج
اقول انا الحمد لله مرتاحه وما عندي مشاكل للي ما قدر احلها او تخلي عقلي غايب بالتفكير ومو مركزه
بس مدري ليش انسى ، انسى كل شي اغراضي ، شي مطلوب مني اسويه ونا فطريقي للبيت لين اوصل واقعد وبعدين اذكر او ممكن ما ذكر لين حد يذكرني
في الدوام إذا انا ماسكه فايل وقاعده اراجع فالمستندات إذا قفلته ورديته مكانه يسألني احد عن شي فيه ما ذكر
وهذا شي بيخليني احس بعدم الرضا عن نفسي
احس حياتي كلها متخربطه ماشي منظم فيها بسبة هالمشكله
تعبت والله
احيانا ييني وسواس اقول فخاطري ( ممكن امرض بمرض الزهايمر او فقدان الذكره المبكر للي بيحصل عند الناس الكبار فالعمر )
بنات دخيلكن إذا وحده مرت بنفس حالتي فيوم من الأيام تساعدني بنصائحها
او قلولي شسوي لني فعلا احس بعمري تايهه ومو عارفه اتصرف
والطريف ( كثرة الهم تضحك ) اني صار لي شهر ابي اعرض مشكلتي فالمنتدى وكل ما دخل اقعد اقلب صفحات المنتدى ودخل فمواضيع ثانيه وعقبها اطلع ونسى اعرض مشكلتي عليكم لين اليوم الصبح دخلت المكتب واذكر اني نسيت فايلات كنت ماخدتنهم وياي البيت اطالعهم
فقررت اني ادخل واكتب بنفس اللحظه مشان ما انسى
فيدوني الله يزاكن خير
العقل يباله تدريب دوم
مثلن شغلي عقلج بعمليات حسابية
بحفظ الاذكار وكل يوم رددييها
لان العقل يصيبة خمول اذا ماتشغل
هذا بالنسبة لمشكلتي
بس بالنسبة لج مادري اذا كنتي شراتي اولا
الله يشفيج قلبي
فديتج انتي اكيـــد في اشيا مشتته تفكيــــرج.. يعني انتي عندج اكثــر من شي تفكرين فيه فنفس الوقت
فهالشي يسبب تشتيت لتفكيــــــرج وما يخليج تركزيـــن على الشي اللي انتي تسوينه .. انا من رايــي
ان يوم بيكون عندج شي ضروري تسوينه اكتبيه فستكر وخليه جدامج عسب ما تنسين ^^
(( خلج قريبه من رب العالمين اكثر وادعي لنفسج فالصلاة ))
ربي يوفقج حبيبتي
اكتشفوا العلماء ان معظم اسباب النسيان تكون بسبب عدم النوم بانتظام وحف الحاجب لنه يموت خلايا المخ
واذا ماكنتي جي راجعي الدكتور ..
واسمحيلي..
ربي يوفقج حبيبتي
وحاولي ادورين طرق ماتخلييج تنسين
مثلا علقي ستيكرات
حطي تذكير فالفون
يوم بتسوين شي لا تفكرين في اشياء ثانيه يعني عطي كل شي وقته
ومثل ما الاخت قالت حاولي تشغلين مخج في بعض الالعاب الحسابيه
والسموحه