تنظيف الطفل

خواتي عندي بنتي عمرها ان شاء الله سنة وخمس شهور ربنا يحفظها من تجاربكم هل هذا العمر مناسب لابدا معها عملية التدريب على الحمام (اعزكم الله) ام اني مستعجلة؟؟؟؟

حيث انها بنتي البكر ربنا يحفظها وما عندي خبرة…..فأتمنى منكم ان لا تبخلو علي بتجاربكم …وهل صحيح ان ابدا تعليمها بالقصرية ام مباشرة على المرحاض ايهما افضل … فمن خلال قراتي في النت يقولون ان المرحاض مباشرة افضل فما رايكم…

وجزاكم الله خيرااااااااااااااااااااااااا

يصرااحه اشوفها وايد صغيره
انا بنت حميتي عمرها سنتين والحين تحاول تعلمها ع الحمام بس مب قادره عليها والله مخيسه لها الفراش

نصيحتي صبري عليها كم شهر

انا ابني الكبير نظف وهو سنتين و3اشهر اما الصغير مجنيني الان رغم انو نفس السن بس ما يريد يقعد على الحمام ابد ويصارخ

الصراحة انا بنتي يوم كملت سنة ونص حاولت وياها اوديها الحمام بس موووول ما شي فايدة
كنت اقعد وياها في الحمام بالربع والنص ساعة وماشي فايدة
حتى كنت اشجعها بالحلويات وماشي فايدة
صبرت عليها لين ما كملت سنتين وسبحان الله احس بها تفهم والحينة روحها تسير الحمام
انا اقول ان سن سنتين هو الافضل لان بعدها بنتج صغيرة

ما شاءالله عليج اختي بنتك بعدها صغير ما تعرف تقول حمام او شيء
في عمر سنتي احس مناسب اطفل يفهم بسرعه

تجربتي في عيالي
كلهم من عمر سنتين
بس على طول البامبرز ما سويه لا ليل ولا نهار عشان يعرف انه خلص هو صار كبير وبعدين انا بعد علىطول على المرحاض الكبير
والله يحفظ لج عيالك يارب

جزاكم الله خير خواتي ما قصرتو وربنا يحفظ لك عيالكم…خلص اقنعتوني بصبر لين سنتين….

صح انها صغيره بس ابدي معاها احسن عشان تتعود لوهي ماتعرف اتقول ابا اسير الحمام انتي المفروض اتودينها كل شوي ولازم بتتعبين بس بعدين بترتاحين انا بنت اختي من سنه ماشاءالله عليها عقت عنها البامبرز خواتها يودونها الحمام بين فتره وفتره الله يسهل علينا كلنا انشاءالله ونتعدى هالمرحله بسهوله