تورتن اسبونج كيك وأحلى تورتة من مطبخ هيومه شرح مستفيض بالصور

الطريقه

اول شيئ بنفصل صفار البيض عن البياض

وبنترك بياض البيض جانبا

وبناخذ الصفار ونضع عليه كل المكونات

السكر والدقيق والمويه المغليه والزيت والبيكينج بودر والفانيليا

هنا وضعت السكر بعد ماطحنته

وهنا الدقيق

وهنا الزيت والمويه المغليه والفانيليا والبيكينج بودر

وحانبدء فى خلط كل المكونات بخفه وبمعلقه خشب حتى تتداخل كلها مع بعض

ونخفق بياض البيض بالمضرب الكربائى حتى يجمد تماما

وبنضعه على الخليط السابق ونقلب بخفه بالمعلقه الخشب حتى تتجانس كل المقادير

وبصبها فى الصينية المدهونه بالسمن ومتبطنه بالدقيق

وندخلها الفرن على الرف الثانى ودرجه حراره متوسطه 180 درجه لمده نصف ساعه الى ان ترتفع وبعدين نخفض الحراره خالص لمده ربع ساعة الى ان تستوى

وبعد مابنخرجها من الفرن بنتركها الى ان تهدء حرارتها وتقلبيها على نفس قاعده الصينيه اللى سوتيها فيها او على رف من السلك

وتتركيها لتانى يوم حتى تتماسك ويبقى فرصه تزينها سهله جدا عليكى

نيجى بقى للتزيين

اول شيئ محتاجين خيط خياطه وبناخذ منه فتله طويله مجوز ودى اللى حانشق بيها طبقات الكيكه

بتحددى بالسكين الاول عدد الطبقات اللى حاتشقيها

انا هنا سويت 3 طبقات

وبتاخذى الفتله وتدخليها فى اول طبقه لغايه مايتقابلو طرفهم ناحيه صدرك

وبتضغطى على الكيكه بيدك اليسرى من فوق وبتشدى الخيط عليكى لغايه ماتفصلي اول طبقه

نفتح علب الكومبوت ونصفيها من الشراب اللى فيها لان الشراب ده اللى حانسقى بيه طبقات الكيكه

ونبدء فى تقطيع الفاكهه بتاعتنا شرايح رفيعه

ونقشر الكيوى ونقطعه الى حلقات رفيعه

خلاص كده انا جهزت الفاكهه

فيكى تستعملى حبات الكرز او الفرولة او شرايح الشمام او الكمثرى او التفاح فيكى تستعملى اى فاكهه موجوده بالبيت وماتكلفى نفسك وتشترى جاهز

وفى الحاله دى بتسقى طبقات الكيكه بالسفن اب

نيجى بقى لااهم خطوه

وهى الكريمه اللبانى

فيكى تستعملى عبوات الكريم شانتيه الجاهزه بس بصراحة طعم التورته بالكريمه اللبانى يفرق فى الطعم جدا

بنقسم الكريمه الى جزئيين جزء حانتركه ابيض والجزء التانى حانضيف اليه الكاكاو ليصبح بنيا

بنضيف سكر بودرة لتحليه الكريمه وكل واحده بتستعمل التحليه اللى تناسبها

وبنخفق الكريمه بالمضرب على اول درجة واول ماتعمل شكل على السطح تغلقى المضرب فورا

حتى لاتفسد منك وتتقلب الى زبدة

بنجيب قاعد التورتة وسكينه التوزيع ولازم يكون جنبك ابريق فيه مويه ساخنه حتى تنظفى اول باول فيها سكينه توزيع الكريمه وبتسهل كمان عليكى بسخونيتها التوزيع وتسويه سطح الكريمة

بنضع عليها اول طبقه من طبقات الكيك اللى هى من تحت اللى كانت فى قاع الصينية وبنضع القعر من فوق والوجه من تحت كما فى الصورة

وبالسكين بنقشر الطبقه اللى هى السمن والدقيق اللى كان فى قاعده الصينيه

ونبدء نسقى طبقه الكيكة بالشراب المتخلف من الكموبوت وتسقيها جيدا

ونبدء نوزع الكريمه نصف ابيض ونصف بنى

ونضع تانى طبقه وهى اللى حاتكون الطبقه اللى فى نصف الكيكه اما وجه الكيكه بتتركية جانبا لان ده اللى حايكون اول طبقه فى الكيكة

وبنسقيها بنفس الطريقه ونوزع عليها الكريمه بنفس الطريقه

نيجى لااخر طبقه وهى وجه الكيكه

اذ كانت مرتفعه من المنتصف بنسويها بالسكين ونشيل اى فرافيت على الوجه باليد

وبتقلبيها على الكيكه بمعنى ان الوجه حايقبل الطبقه الوسطى والقاع حايكون هو وجه التورتة

وبنسقيها بنفس الطريقه وبنجيب سكينه الحلويات الطويله وبتضعيها فى منتصف الكيكه حتى تضبطى توزيع الكريمه

نبدء فى تسويه اجناب الكيكة بالسكين كما هو موضح بالصورة

نبدء فى توزيع الكريمه على اجناب الكيكة

نبدء فى توزيع الفواكه بطريقه حلوه حتى تخرج فى النهاية تورتة تبهر اللى يشوفها وكل واحده وشطارتها فى التزيين وتوزيع الفواكه

ونبطن الجنب البنى بالشيكولاته المبشوره ونوزعها ايضا على الجزء البنى من وجه الكيكة

ونبطن الجنب الابيض بالفواكة المسكره الجافه

ونجيب طبق التورتة ونضع عليه مفرش ورق مزين

ونرفعها بحرض ونضعها فى الطبق

انا هنا خلصت

بندخلها الثلاجه حتى تتماسك وتخرجيها وبالف هنا وشفا علينا وعليكم

وهذى التورته سويتها اليوم 30 – 9 – 2024 بمناسبه عيد ميلاد ابنى اخر العنقود عبد الله لانه تم سبع سنوات اليوم

فديت روحه بسم الله ماشاء الله ربى يحفظه لى من العين اللى شافتة ولا صليت على النبى

وده عبد الله بزمتكم مش أحلى من التورتة

ههههههههههههههههههههههههه وده اللى تبقى من التورتة بعد مااكلنا طعمها يشهى وبعد طبعا ماأرسلت منها لجيرانى

والى اللقاء فى طبق جديد من مطبخ هيومه