عيش منقوع بماي لمده نص ساعه
علبه تونه
بصل
ورق ريحه نعناع وبقدونس وكزبره من كل شي شوي
طماطم مبشور
معجون طماط (صلصله)
بهارات ( بزار – جرفه – هيل – كركم- ليمون يابس)
صوص الصويا ( اذا ماعندج حطي بدل ملح ويا تونه لان ما حطيت ملح مول بالتونه بس صوص الصويا)
ماجي العيش الابيض
ملح
ملون العيش
وزبده
اول شي نغسل العيش وننقعه نص ساعه
ونحط ع النار ماي تقريبا لين نص الجدر
وفيه ملح وحبه وحده ماجي العيش ابيض هذا وايد احسن بدل عن نحط هيل والمسمار وهالسوالف
نترياه لين يغلي ونحط فيه العيش بعد ماصبينا الماي ماله
تقريبا ياخذ 10 دقايق لين ربع ساعه
كل شوي جيكي عليه —- الكلام لساره D:
وعقب نشخله ونخلي تحت مشخله مله عوده عشان يتم البخار يطلع فوق عشان مايتم العيش مبلل
بجي نكون خلصنا العيش
الحين نيييب تاوه عشان نسوي التونه
نحط زيت التونه اذا ماتحبونه نصبه ونحط زيت عادي
نحط بصل وورق الريحه و الكزبره واليقدونس والنعناع
نحط الطماطم المبشور
نحط المعجون والبهارات وصوص الصويا تقريبا 3 غطيات من الغرشه
نحط التونه ونخليها مال ربع ساعه اذا نشف الماي نحط شوي
الحين نييب الجدر نحط شوي عيش وعقب شوي تونه
ونحط ملون
عقب عيش وتونه واخر شي العيش
ونحط الملون و الزبده
وخلاف نقصدره بالمنيوم ونحط بالفرن مال 10 دقايق وبالهناء والعافيه عليكم
ماعرف طعم لاني ماكل تونه بس كل من
.gif "12 (79)")
واااااااااااااااااااااااااااااااااااااااااو 
خلاص فهمت،، بااجر بغدي الفريج كله وبخبرج عن راايهم .gif "12 (64)")
والا اقوولج لا بخليهم هم يحدروون الموظووع ويكتبون راايهم فالطبخه .gif "12 (42)")
ثانكيو وااايد ثاااااااااااااااااااااااااااانكس الوت مشكووووووووره يا رووزا الدبدوبه الحلوه الفنتك الخطيره الكوووووووول و الاموره
العفوووووووووووووووو
والله اتريا تسوييييييييييييين وتطلع حلوه
ماتهونين علي انج برع وتاكلين سوالف الفاست فووود
اتريا صوره للاكله
موفجه ^_________________________^
بطبخ وبصورلج الطبخه …وعااد انتي عدليها بالفوتوشوب عسب احطها فالمنتدى =)
للرفع للرفع للرفع
عسب تستفيدون من هالاكله العجيبه =)
طبقوا مابتندموون …..وبالعااافيه عليكم جمييييييييييييييعاً