حالتي مب حاله

السلام عليكم الغاليات
الله ايسلمكم من ست شهور يبت خدامة فلبينية واتفاجأت فيهاأول ما بديت اعلمها الطبخ قلت الها قصي البصل من يودت البصل توها اتقشره دموعها قامت اتصب وتركض تمسح عينها بالكلينكس وترجع اتقشر اشوي وترجع على الكلينكس لا عت جبدي منها ومن بصلها
المهم قلت بصبر يمكن تتعود ولين يومكم هذا نفس الحالة ست شهور ساعات اقول خاطري اظربها كف يوم اشوفها على هالحاله وساعات اقول حسبي الله على المكتب الي يابج والمصيبة الثانية بارده مثل الثلج وشغلها بالبطيئ المميت المهم الحين عندي سالفة البصل الي عندها حل لا تدرددون وجزاكم الله خير .

ههههه والله ماعرف شوه اقولج يختي .. بس صدق البصل محد يتحمله .. بس انا اجوف بشكارتنا عاادي ماتصيح ^_^ .. الله يعينج

فرمي البصل في خلاط
في نوع من البصل مايحرق ع مااظن الابيض مايحرق

خخخخخخخخخخخخ والله ضحكتيني ..

انزين ييبي وحده ثانيه وفكي عمرج من الصدعه

مشكورة اختي على الرد خذيتلها الي اتقطع البصل بس لازم اتنظفها عقب ما اتخلص وتنظيفها يبا وحده لهلوبه وهي من هيازتها خشتها ورجعت اتقصص بالسجين واييد لايزي

اويه الحين صار البصل سالفة بعد … هذي انسانه بعد نفسنا تدمع عيونها ليش ما تبين تدمع ؟؟

والله ماعرف شو اقولج