حبوب الروكاتين

السلام عليكم
أناا تقريبا من عشر أيام قمت آخذ حبوب الروكاتين
و جرعتي هي 30 اللي قريته من تجارب البنات أنه الويه ينترس حبوب في البدايه
بس اللي لاحظته ع نفسي أنه شفايفي و عيوني وايد قامو يجفون
ومفاصلي و عظامي كانو يعوروني بس مادري من طيحتي القبلانيه أو الحبوب نفسهاو بعد طلعت لي حبوب بس مب وايد
بالعاده ويهي أكثر يحبب
فهلممكن تتأخر الحبوب لين ما تطلع

و أبا نصايح من البنات اللي جربو الحبوب

السلام علييكم

شحاالج ؟

^^
حبيت افيييدج انا اخوي قالي ان ربيعه كان ياخذها ..
طلعت له حبوووووب طبعا ..يمكن بتظهر لج الحبوب بعدين لانج فالبدايه بعدج
واخر شي تخف وتصفى البشرة ..اخوي يقولي ربيعه استوى ويهه صافي ههههه قبل كان كله حبوب
..انا ابا اجربها الصراحه

النصايح اكثري من شرب المااي عشان الجفااف

بسألج بس كم المده يعني لين متى بتاخذين الحبوب؟

والسموحه اختي

الله يوفقج ان شاء الله

back
اختي انا قريت توني عن الحبوب فالانترنت سمعت انها تأذي العظام
سألي دكتورتج وتأكدي اذا هي تأذي او لا

طبعا يكون قبلها مسوين لج تحااليل ان ينفع تاخذينها ولا لا ..

موفقه اختي

1- حطي مرطب بشكل يومي ع شفايج و ويهج ( ع ايام الركوتييين كنت ارطب ويهي 5 مرات ف اليوم )
2- لازم تشربييييييييييييييييين ماي و سوايل لان لو جسمج يعورج هذا دليل عندج نقص سوائل اشربي وايييييييييييييييييييييييييييد ماي و عصاير
3- انا استخدمت الحبوب 6 شهور ورى بعض و كنت ملتزمة فيه خلى ويهي رووووووووعه بس كنت اشرب ماي و احط المرطب 5 مرات لان ويهي صار جاف جدا و حطي مرطب ع جسمج ع الاقل مرة ف اليوم

الدرر أنا أتعالج عند الدكتور خان لو أتعرفينه
و سوالي تحليل دم على أساس يشوف الدهون و الكلسترول
و بخصوص الحبوب اللي عرفته أنه لازم تاخذين ١٢٠ ملجم
يعني أنا الدكتور عطاني ٣٠ باقي ٩٠ بيقسمهم على ست شهور
هلي أنا فهمته
و برد اسأله في الموعد الياي و بخبرج

دانة دبي
مشكوره أختي على الرد
و أتوقع صح كلامج لأني بالكثير أشرب دبتين ماي

بحاول أكثر من الماي
و برطب جسمي أكثر

موضوع الم المفاصل عادي اختيه بس يقولون نتايجة حلوه