كيف الحال عرايس وكيف التجهيزات؟ الله يوفقكن كلكن ^^…المهم انا نصحوني ناس حجزوا عندها وبالفعل فساتينها حلوة وشفته يوم العرض بإكسبو…المشكلة عرسي يوم 26 وانا حاجزة الفستان شهر 3 او بـ4 مااذكر,وقالت بتعدل فالقياس لأن كانوا مضيقينه للموديلز للعرض,وعطيتها عربون,والحين باقي على عرسي 9 ايام بـس وانا وايد احاتي الطرحة والفستان وتعرفون العروس اهم شئ عندها الفستان صح؟ ويوم اتصلها تتهرب تقول جدامج 10 بنات ماادري كم وانا ماعندي وقت والأسبوع الياي مشغولة وايد فالتعديل للعرس! شسوي بنات؟؟؟
انا فستان عرسي من عندها
واستلمت الفستــان قبــل العرس بيوم ^^
وكل شي كان مضبط الحمدالله
روحي شوفي لج ثاني بهالوقت
على اقل اضمني شي ثاني لأن هذا الفستان مب أي شي
ثانيا ريم ماشاء الله عليها تعاملها وايد حلوو
وان شاء الله فستانج راح يكون حلوو وعليج صبعا بيكون احلى
يعني لا تخافين من هالشي .. انا تعاملي كلا وياها
بالتوفيق ان شاء الله
ووايد ناس يمدحونها يعني ان شالله كل شي يكون تمام التمام
ومبروك غناتو^-^