حد منكن صار لها مثلي

السلام عليكم

بنات انا صار لي فتره تقريبا اسبوعين احس اني بموت واني خلاص بفارق هـ الدنيا

هـ الموضوع صار بعد موت وحده نعرفها بس انا ماكنت وياها وايد ولا بيني وبينها شي ومن ماتت الله يرحمها واا بحاله خوووف واحساس مب طبيعيي بقرب الموت والله انه لدرجة يوم اشووف اخواني وخواتي اقول انا ما بقا لي شي وامووت ,,, بس هـ الشي غير فيني الصلاه قمت التزم بصلاتي بوقتها وما اخرها ,,, وطبعا الشي السلبي اني كارهه كل شي ومابا شي من هـ الدنيا حتى ولدي وريلي ما قمت اهتم فيهم اقووول انا بمووت عنهم لازم يتعودون ع فرقاي,, واول الليل احس بضيقه فظيعه واقعد اصييييح … وسرت المقبره مره وشفت القبور وهـ الشي زادني خووف من الموت اكثر احس حياتي كلها مختبصه كارهه كل شي واقعد احاتي لحظة الموت ..

ادعولي ان الله يريح بالي ,,,

الله يعنج يمكن وسواس

الله يريح بالج وعن هالوسواس يا اختيه محد يعلم بيومه .. وانتي الله يهداج بدال هالكلام جابلي ولدج وريلج .. وليش اتخافين من الموت يوم انتي مجابله صلاتج وخايفه ربج خلاص الموت محد يعلمبه غير رب العالمين اذكري ربج وقومي صلي ركعتين شكر واستغفري ربج

ماادري بس الحريم ويانا مايسيرن المقابر غريبه
الله يريحج

حبوبة هذا الشعور طبيعي…ليش الرسول عليه السلام طلب من الرجال زيارة المقابر هب عشان يتذكرون الآخرة ويتركون المعاصي وأنتي هذا الي صار معاج التزمتي اكثر بصلاتج— ثاني شي حبوبة حرام تزورين المقبرة كونج مرة والرسول منع المرأة من هذا الشي — ثالث شي يالغالية بالعكس انتي دام حاسه بالموت لازم تكثرين من الحسنات وتبتعدين عن الآثام وتحرصين على الواجبات…لكن أنتي قصرتي في حق عيالج وريلج وابتعدتي عنهم وهذا الشي إشسلامنا ما يحثنا عليه… أنا أحيي فيج هذا الشعور وأتمنى الله يثبتج على الحق و الطاعة وتقربي من أهلج اكثر وعايلتج ولا تزورين المقبرة لأن كل من في القبر يلعنون المرأة إذا دخلت المقبرة — بتقولين على أي أساس أقولج هذا الكلام… أول شي هذا كلام الإسلام ثاني شي أنا تخصصي دراسات إسلاميةوهذي رابع سنة لي وحاليا بخلص من بحثي والي هو بعنوان عذاب القبر وأهواله( موضوع يخوف وهو الي ولد فيني نفس شعورج)يعني أعرف عن زيارة المقابر… بس في الأخير أقولج اكثري من الإستغفار ولا تكدرين حياتج بسبب الموت بل حبيه لأنه راح يكون سبب في شوفتج لربج الكريم… وإن شاااااااااااااااااااااااااااااءالله يطول بعمرج واتشوفين عيال عيالج يا رب