حد يعرف حد يداوم في وزارة التعليم العالي عندي استفسار

السلام عليج عزيزتي : ومشكورة على اهتمامج
الموضوع الله يسلمج ان أخوي متخرج من الثانوية العامة هالسنة وأمنيته أنه يكمل دراسته في شي جديد يخدم بلاده فتم يدور وحصل تخصص علم سياسية في الصين ، على أساس انه يروح بعثة وقدم أوراقه في وزارة التعليم العالي وقبوله وقالوله تعال شهر 11 وييب لنا الموافقة من الصين . يحليله غامضني تعبل وطرش ربيعه وياب الموافقة وجهز الأوراق كلها ، والريال مستانس ويوم وصل أبوظبي قالوله موقفين الحين قالهم كيف وانتوا قلتولي أرجع الحين
تخيلي قبلوه في التقنية وما سار
وقبلوه في الكهرباءوالماء على أساس موظف دارس وطنشهم
وما أذكر عزيزتي وين المكان الثالث
وكان على اتصال ديم في وحدة هناك ومطمنته ان كل شي على ما يرام
وفجأة حطموه واحبطوه، وهو اليوم سار لهم وقالوله خل أوراقك وروح
فرجاء عزيزتي إذا ترومين بس تفهمين لنا شو اسالفة وشو الاسباب اللي خلتهم يتهاونون ساعدي ولد بلادج عسى ينفعها في يوم من الأيامم
ومشكورة فديتج والله يكثر من أمثالج
عى فكرة أوي أول ولد في العائلة الكبيرة يفكر يدرس خارج البلاد فعشان جي ما عندنا خلفية بس والله هو ذكي وأحس أنه بيتميز لو تحقق حلمه
وفي انتظار ردج
أخوي اسمه حمد تعيب عبدالله