المهم بدش في الموضوع لأني مقهووووره
قبل لا انفصل عن اللي كنت مالجه عليه يت حرمة اخوي تنصحني تقول قدام اخوان ريلج عقب العرس
لا اااااااااتظهرين زينتج ولا تسوين مكياج اللهم كحل بس وخفيف
انا سمعت نصيحتها
بس جا العيد وشفتها مسويه مكياج فل وطالعه قدام اخوي العازب استغربت قلت هاي كيف تنصحني وهي الحين طالعه بمكياج قدام اخوي الثاني
المهم
مره ثانيه
كنا طالعين المول انا وياها واختي العوده اختي العوده ملتزمه ماشاء الله عليها
انا كنت طالعه بعبايه شوي فيها نقش وردي من على الايد هي قدام اختي تتفلسف تقول عباتج لا فته للنظر وماعرف شو خلت اختي توقف بصفها ضدي
في العيد يوم طلعنا نتمشى الا اشوفها لا بسه عبااااااااااه من فوق لتحت نقش ولااااااافته مب بس للنظر الا لابو النظر انا نفسي استغربت
وراسمه عيونها
وعباتها من النوع اللي طبقتين طبقه سوده فوق وبرتقاليه تحت ومن على الايد كله لافت
شفتو كيف
مو قهر
المره الثالثه
يوم حبينا ننزل مول بالشارجه
كنت انا متنقبه بس جتوفي مبينه يعني لابسه عباه بس مو شرات عبات الراس
يت عندي قالت لي شو ها جتوفج كلها طالعه انا احترمتها ولبست غشوتي بس المشكله ان هي حواجبها طالعه وراسمه عيونها بالايلاينر
هذا بعد مو حرااااااااااااام
والله تقهرني تنصحني وهي ما تشوف عمرها
والمشكله ان نصايحها كلها لي قدام اهلي كم مره اقولها يوم اكون لحالي تعالي نصحيني بس ما ينفع وياها
ومرات يوم تصارخ بالبيت احسها ريال مو مره تصارخ بصوت جنوني وتعصب وتكسر والله اني مرات اخاف اقول شو ها ي
وريلها اخوي والله مسكين هادي هي تعصب وهو يهديها حتى صوتها اعلى عن صوته
والله يابنات
ومره كنت عند اهل زوجة اخوي الثاني
زوجة اخوي الثاني قالت لي نزلي بيتي قدام اخوي العود
اخوي العود قالي انزلي وافق قامت حرمته اللي خبرتكم عنها فوق
قالت لي انزلي برايج بس اذا حد قالي شي من اهلج ما يخصني فيج تسطفلي
قلت لها شو قصدج
قالت يوم جا طليقج بيتنا ابوج سوى سالفه وانا مو ناقصه مشاكل قلت لها اشدخل طليقي بالسالفه هذي
المهم حرمة اخوي الثاني زعلت من كلامها وسارت
وقعد اخوي يقولها شو كلامج هذا بعدين انا قلت لها انتي ماخليتي حد ماخبرتيه بهالسالفه
اخوي قالها هذا كان زوجها عسنة الله ورسوله وكانو مالجين وجا يزورها وانا اللي عزمته
شو المشكله قالت ابوها عصب وجابوه عراسي
قمت انا اتخذت فرصة دفاع اخوي عني وقلتله يوم قالت لي مره كنت في بيت زوجة اخوي الثاني وقالت لي اذا بيتي عندهم مره ثانيه ما بدخلج بيتي
ااتخيلو نست ان هذا بيت اخوي مو بيتها
المهم قعدت اتصارخ بالسياره يوم اخوي قعد يواجها بهدوء واخرتها فتحت باب السياره تبا تعق عمرها حسيتها مينووووونه والله
حتى اخوي قالها اعقلي شو حركات الهباله هاي
قالت له انت تبا تبين لاختك اني غلطانه قالها ان قاعد افهمج ان كلامج ماله منطق
يوم ردينا البيت بغيت انام دقت على حرمة اخوي الثاني وفتحت الموضوع مره ثانيه
واتكلمها وتقول اناا ابا الكل يسمعني وماعرف شو قمت من نومي وقلت لها انتي شو تبين بهالليل خلاص سكري عالموضوع
فتحت طاري طليقي مره ثانيه قلت لها انتي شو بلاااااااااااااج هذي اصلا السالفه ما يخصها ابد
قلت لها انتي بينتي لاخوي اني راعية مشاكل مع اني عمري ما سويت لج شي ولا ني من النوع اللي يطلع مع شباب عشان تقوليلي مره ثانيه مابدخلج بيتي
قلت لها حتى البنات اللي يرمسن شباب حريم اخوانهم ما يقولو لهم جي
وكنت اكح ونا ارمس لاني من النوع اللي ما اقدر اعلي صوتي
والمره الثالثه
كانت كل ما تطلع بسيارتها تاخذني وياا ها
لانها تخاف تسوق بروحها من يوم ما تعودت خلاص ماصارت تاخذني
وتسوي اشيا وما تبا احد يعرف
والله حاله مصلحه
والحين ساعه ترمس ويايه وساعه لاااااااااااااا
منقلب حالها ماعرف شفيها ولا سويت لها شي حتى اسمي ما تطريه انا قلت برايها والله
شو رايكم خواتي قولولي شو اسوي وياها
ما اعرف شو السبب الرئيسي اللي يخليها تسوي جيه
هل غيرة أو تحكم .. أو فرض راي
كل شي جايز بهالدنيا
الأفضل انج تطنشينها .. وسوي اللي تشوفينه صح .. ولا تخلينها تفرض رايها عليج
تبي تكلمج زين .. ما بتكلمج ع راحتها
ادعيلها بالهدايه
وعلى فكرة .. حسيت ان في غيره فالسالفة !!!
وانتي لا تحطينها ف بالج
يعني عيشي حياتج وطنشي
والله ايسر أمورج