حسبي الله ونعم الوكيل

شخباركم خواتي انا ماصار لي شهرين متزوجه كرهت شي اسمه عرس من اللي شفته

حسبي الله ونعم الوكيل منه انخدعت فيه ايام الملجه وهلي بعد انخدعوا فيه

سالفتي هيه اتخيلوا سافرنا وبعد كم يوم انا راقده ومتلحفه كامل وسبحان الله يالسه اتكلم مب حاسه بعمري يه بكل جراه سحب عني اللحاف بطريقه بشعه بدون رحمه شاك فيني اتكلم بالفون ويلس يمط البدي ويدور شو عندي بس ماحصل شي عقب دزني عالسرير وقال لي ماعليه

هذا اول موقف حسيت بخوف ورعب ادخل الحمام اتوضا ارتجف فالحمام ما ابا اطلع وانا اصلي استغفر الله اتخيل بيي يسوي فيني شي

والموقف الثاني يلس يسبني وعقب يوم دافعت عن نفسي رفع السكين فويهي وصغطني لين ماكانت روحي بتطلع

والموقف الثالث رحنا المول وها كله فالسفر اول مادخلنا قال لي تبين تطلقين الحين بطلقج قلت له طلقني خليني فالمول كله رياييل وسار وطبعا انا مشيت ودخلت محل كله حريم يبيعون فيه واتصلت حق امي وابوي وخبرتهم السالفه

وقلت له دقيقه وحده مابتم هنيه ردني البلاد وعلى طول بيت اهلي

واتخيلو يوم ردينا البلاد بكل وقاحه اتصل حق ابوي جدامي يقول له عمي انت راقد وماتعرف شي عن بنتك ااااااااااااااخ جنه حد صب علي ماي بااااااااااااااارد قهرني حسسني انا مب مربايه فما بالكم ابووووي

وعقب كمن يوم اخووه اتصل فيني وقال لي ردي البيت علشان خاطرنا ورديت البيت وكلمووه اتخيلو شووو قال حق حريم اخوانهم انا شفتها فالسفر اتسوي العاده السريه انصدمت يلست اصيح واستغفر واحلف اقول لهم انا ف حياتي ماسويت هالشي الحين يوم بعرس بيي اسويه والله مصدومه يبت القران جدامهم وحلفت عالقران وبعد مب مصدقني ها كله علشان اتكلم وانا راقده وقلت له حقي مابيضيع والظلم ظلمات يوم القيامه رحت اصلي ركعتين واتحسب عليه

ومع هذا ماخبرت اهلي لين مازادت المشاكل يلس ابووي يتحسب عليه وامي يلست اتصيح تقووووول مستحيل بنتي تنام عند خواتها وعمرهم ماشافوا شي علي وانا عند مرت اخوي يوم يكون مداوم

وبعدها فبيتهم سحبني من الصاله لين الحجره ودقدقني عاليدار وغير سوالف اهله وغير الشك الفضيع اللي يشك فيني وقلت له جدام اخوانه لو شووو مماسويت مابتحصل شي علي

خلاااااااااااص كرهته من خاطري بس المشكله اني حاامل والحين انا يالسه بيت اهلي ابا اطلق

بس اللي افكر فيه كم اهلي لازم يردون له بيزات هذا اللي احاتيه احاتي اهلي

ادعوووووووووولي خواتي وشورن علي