حسبي الله ونعم الوكيل

السلام عليكم اشحالكم بنات
ببدا في قصتي انا بنت دخلت 30 سنه مثل كل بنت
اخلم بالزواج وسبحان الله قبل اشهر طلع ورم في
الثدى اليسار وبعد الفحوصات والتاكيد بين معاي
سرطان بالثدى الحمدلله ع كل حال تعالجت وتشفيت
ربي لك الحمد والى الان وانا احلم احضن طفلي
البعض يقول الحمدلله اللي تشافيتي ولاتحلمين
بالزواج صعب للي في مثل حالتك وانا ثقتي بربي
ان الله بيرزقني ويعوضني خير باذن الله حد يعرف
مثل حالتي وعرست دعواتكم لي الله يتمم علي الصحه
والعافيه ويرزقني ويعوضني خير ولكم بالمثل ❤️

الله يشفيج يااختي ويعوضج خير
خلي ثقتج بالله كبيره
ورب العالمين قادر ع كل شي

وعليكم السلام والرحمه

حبيبتي الحمدلله ع سلامتج .. ما تشوفين شر ياقلبي

لا تفكرين بهالطريقه وخلي رمسه الناس وراج .. كل انسان بهالدنيا رزقه مكتوب له من قبل لا ينولد

وايد بنات اخس عن حالتج وما تشافن ومعرسات .. ابدا مب مقياس ياحلوه الحمدلله انتي تشافيتي وما فيج الا كل خير يارب

وسرطان الثدي بشكل عام بعد استصاله بالذات نادرا ما يرد للمريضه خصوصا لو اكتشفته مبكر ..

لا تحاتين وخلي رمسه الناس اللي تحبط وما منها الا عوار راس ورا ظهرج .. والله كلها رمسه فاضيه

قال تحلمين تعرسين وصعب بوضعج … هذا تحطيم معنويات ع الفاضي …. وهاي شغلت حريمنا

كاهي انجليا جولي مرضت وطاحت وطلعت بدون صدر لا ريلها طلقها ولا هم يحزنون هالافلام الهنديه عندنا هني بس يحبون يكبرون كل شي

وانا مريضه وما اييب عيال ومسويه مليون الف عمليه ومع ذالك ريلي يباني .. ومستحيل يفرط فيني ويطلقني وهو ماخذني وانا مريضه والحمدلله ع كل شي الحياه مستمره

اللي يبا يعرس ما تفرق عنده هالامور بيتخبر عن دينج طبعج اخلاقج واخر شي يهمه السجل المرضي … هالريال اللي ينحط ع الراس وينفع زوج

والله يوفقج يارب ونفرح فيج قريب يا قلبي ان شاء الله

اجر وعافية
وانتي قلتي انك تعافيتي فحمدا لله
واي مرض بالعالم مايخصة بالزواج المرض شيىء والزواج شيىء
رزق من ربك لو كاتب لك راح يصير بالوقت المحدد لك ما راح يمنعه مرض ولاغيره
ومثلك مثل كل البنات ما تفرقين عنهن بشيىء
واذا بعض الناس او الخطاطيب يقولون لا هذه مريضة او او احمدي ربك انه ما كان واحد من امثالهم من نصيبك لانه ممكن يتزوج وحدة وتبتلى وبعد فترة تصاب بمرض ما ماذا سيقول وقتها لا اريدها وقد انجبت له ابناء وعاشت معه فترة او هو يبتلى بمرض
المرض ممكن يصيب اي فرد باي وقت وليس سبب للعزوف عن الزواج من الشخص المريض
ناس فيهم امراض اخرى سكري قلب امراض الدم نقص مناعة وغيره وغيره تزوجوا وخلفوا
واهم شيىء حالتك النفسية وروحك المعنوية ما تهبط

الله يتمم عليكي الصحة والعافية
بغض النظر عن اي وضع انت فيه سواء صحة او تعليم او جمال او حسب ونسب او او او هذا ابدا لا يمنع انك تتزوجين,فقط ارادة الله,خلك واثقة بالله,وتذكري ان الدعاء يغير القدر بأمر الله

الحمدلله على سلامتج أختي وربي يكمل شفائج على خير. أنت الحبن في فترة نقاهة, أبتعدي على التفكير السلبي والإحباط .نصيبج اللي كاتبه لج رب العالمين بتاخذيه فلا تستعجلي ولا تكدري نفسج . الزواج نصيب ورزق الله كاتبه, ما يخصه بالمرض وغيره. وأعرف وايدات مريضات وتزوجن , يعني لا تربطي المرض بمنع الزواج . بالعكس المرض مثل ما هو بلاء فهو أيضاً تطهير للنفس و تكفير عن الذنوب وأجر مضاعف بإذن الله. لا تسمعي كلام المحبطين , عيشي حياتج وأستمتعي بكل شيئ في حدود الدين .

الحمد لله على كل حال
اختي موضوع الزواج مرتبط بالنصيب
خلي ايمانج بالله كبير وربنا يرزقج الزوج الصالح الي تتمنينه