حصريا ولأول مرة فالمنتدى ،، بسكويت السجــــــاير

اليوم يايبة لكن نوع بسكويت لذيييذ ،،، أحب آكله بس ما أحب أسويه ههههه >>> من أولها احباط ،،

بس لعيووونكن يا حلوات سويته ،، طريقته سهلة لكن يباله طولة بال ،، فاللي ولدها يصيح ولا بنتها تحن فوق راسها ما انصحها تجربه ابدا لووول

والحين،،،

المقاادير

كوبين سكر بودرة
كوب وربع طحين
رشة ملح
عشر ملاعق ونصف زبدة غير مملحة ( ذوبيها )
بياض ست بيضات
ملعقة طعام قشطة
ملعقة صغيرة فانيلا
( أنا أسوي نص المقادير بس وتطلع لي كمية من 20 ل 25 حبة ،، فأنتي سوي اللي يناسبج)

الطريقة ،،
اخلطي السكر والطحين والملح مع بعض ،،،

الحين افصلي صفار البيض عن البياض ،،، نحن بنستخدم البياض بس ،،

اخفقي البياض شوي ،،، وحطيه فوق الطحين ،،، ضيفي الزبدة الذايبة والفانيلا والقشطة واخلطي عدل ،، بتحصلين عجينة سائلة شوي ،، يعني نفس قوام الكيك تقريبا ..

غطي العجينة وحطيها فالثلاجة فترة أقل شي ساعتين ،، وممكن تخلينها طول الليل ،،

الحين جهزي أغراضج ،، بنحتاج السيليكون شيت أو ورق زبدة ( اللي متوفر ) وبخاخ الزيت لمنع الالتصاق وملعقة خشب أو قلم ..

هني أنا استخدمت السيليكون شيت ،، خذي ملعقة وافردي شوي من العجينة بشكل بيضاوي ،، وحاااولي تفردينها طبقة رقيييقة ،، كلما كانت رقيقة يظهر أحلى ،،

دخليها الفرن بحرارة 200 ،، وما بتاخذ وقت واايد ،، حوالي ست دقايق أو الين ما تشوفين الأطراف تحمرت ،، طلعيها وعلى طول لفيها على ايد الملعقة الخشب اوالقلم وهي حاارة ،، اذا بردت شوي رديها الفرن ثلاثين ثانية تسخن وارجعي لفيها على طول ،،

لا تخلينها تبرد لانها بتتكسر وما بتنلف عدل ( والله يعينكن عالحروق ههههههه )

عقب ما تلفين البسكوتات خليهم على جنب وسوي غيرهم الين تخلصين كل الكمية ،،،

وأخيرا ،،،
ماشي صورة نهائية هههههههههه ،، ترا خذت واااايد وقت فالبسكويت وما حصلت وقت للترتيب والتزيين .. فسويته أي كلام ورااااح التعب كله عالفاظي ،، خربت الدنيا ههههه

المهم ،،
ذوبي جوكلت في حمام مائي وغمسي فيه طرف البسكويت ،، وخليه يجمد
وممكن تيبين مكسرات مجروشه ،، تغمسينه بالجوكلت وعقب بالمكسرات على طول عشان تلزق ،،

وللتقديم ممكن ترتبينه في صحن ،،، او تخلينه واقف في كوب او علبة ،،
وبالعافية مقدما لكل اللي بتجربه هع