حصـريا قصـــ’ــ’ــة ** انتهـــ,,ــى الحــب و أنته من حياتي ما نتهيت**

و أذا كان الصباح ..

صبااااح الورد و ياسمين

قربـــــن
بنــــــات
قــــــربن ..

أسعدني تواجدكم فصفحتــــــي المتواضعه

اليــــــوم بعرضلكم قصــــــــتي ..الذي خطتها أنامــــــلي

–
–
–
(( و اللي تبه تنقل القصـــــه ..
والله امانه أنها تذكر المصدر و أسمي (( الكـــاتبه:- ميــــااوه ))

نبذه عن جــــــو الروايه :-

هـــــي قصه تبحر في بحر الخيال و الواقع..
و منها الضحكات المفتره ومنها الدمــــوع الحزيــــنه
قصه و بطلتها مهره…ألتي ستروي لنا قصتها و مغامرتها عبر مروووور الأيام

–
–
–
و يــــــــلا ببدأ فالقصه

بســــــم الله الرحـــــمن الرحيـــــــــم

فأرض من أراضي الأمارات ..
و في أحد البيـــــــوت المجاوره ..خخخ <– حشى فلم رعــــب

– صباح يوم الأحد

– فبيت بوسعــــــيد- 7:30 صباحا…

—————————————–

أم سعيد رايحه توعي مهاري حق الدوام الدراسي و الانسه مهاري تاخذ 10 سنوات لين مـــــــــاتنش حق المدرسه….!!

ام سعيد(و هي تفلع مهاري بنعال): لا بركتن فيج!!شو هذا…ما تستحين ولا تخيلين مخليه امج توعيج طول اليوم….عنبوه لين متى بتمين جي……!!!!
مهره(وهي تحج كشتها):- هااااااااا……نم نم نم (تطعم ريجها لــول)
ام سعيد:- نم نم ف عينج…قومي غصصتي عليه…يابوج لو يايبه عشر بنات ما بيسون اللي تسويلي اياه انتي…فأكلج غصه فنشتج غصه فدراااستج غصه …..حشى ف شو فااالحه انتي…
مهره:- انزيـــــــــــن امي بليز بليز عطيني عشر دقااايق بليز ارقد فيهااا استراحه بس…
ام سعيد:- ولا ثانيه يلا جدااامي!! شو استرااحته بعد!! انتي خليتي استراااحه ف العااالم و ما خذتيهاا…عافان الله و لا جنه عندج ثنويه عامه…..
مهره(و هي تتمتح):- اااااه … والله حرام عليج ….طول الأسابيع و أنا أذااكر و اصلا بعدهم ماحددوا المتحانات الاخيره متى بتكون..
ام سعيد:- احلفي انتي بس…ما بقى شي حبيبتي اسبوع على الامتحانات جيه ما تدرين….عنبوه وين عايشه!!!
مهره(وهي مبهته و حاالتها لا يرثه لها):-والله مادري عنها دوريها فصاله يمكن تحصلينها..
ام سعيد و الشرار طاالع من عيونها:-انا براويج تنكتين بعد
و تسير ام سعيد الحمام و تترس سطل ماي حق الانسه مهااري
((مهره فسابع نومه و هي تنااخر و فاجه حلجها عشر امتااار))
ام سعيد:- مهـــــــــــــــــــــــــــــاري فجي عيونج …شوفي شو يايبتلج…..
مهره (و هي تفرك عيونها و تتفاجا بسطل مااي):-لا لا لا !!
ماما بليز
ام سعيد:-يلااا قومي جدامي…ولا تشوفين ها الماي البارد كله بينصب ع راسج…!!
مهره (واخيرا استسلمت):- انزين أفف..
ام سعيد:- وبعد تتاففين يالسباااله….ولا جنه الساااعه ثمان و نص!!
مهره(وهي تتحرطم):-والله شو اسوي بعمري ..أنتي توعيني
من الساااعه 3:30 الفجر..!!
ام سعيد:- الله اكبر….عنبوه سااحره اوعيج الساعه 3:30 الفجر! يلا يلا بلا فلسفه دشي الحمام و خلصيني…و لا تنسين تسحين
هااا الكشه الي ع راااسج…
مهره(وهي تسكر باب الحمام):- ان شااء لله ماماتي
((مهره تتريا امها تطلع من الحجره عشاان ترد ترقد))
مره وحده تسمع باب غرفتها يتسكر…و هي شوي شوي تبطل باب الحماام (عزكم الله) ولا اتشوف امها واقفه
ام سعيد:- مهروووووووووووه يوزي عن حركاااتج الجديمه..
مهره (متوهقه):- حشى قرديزر واقف عند الباااب مب امي
ام سعيد:- متى بتكبرين انتي متى؟؟ ذبحتينا ترااج….حشى.
مهره:-حلااااام انا صغيرونه ….انا بنتج الصغيرونه الحلوه(و مهره تسوي الويه البريء.. جنه فار مضيع امه هههههههه)
ام سعيد:- اخر انذار يا بنت علي…دشي الحمام احسلج ولا بتشوفين شي ماشفتيه في حياااتج!!
مهره(وهي حاايسه البوز شبرين):- انزين ماما….
(وبعد 15 دقيقه..اخيرا خلصت مهره من الحمااام و لبست ثيابها و ادت فرضها و الحمدالله)
مهره(وهي ياالسه ع طاولة الريوق):- افف شو هل اللبس جنه مااال بشاااكير
ام سعيد:- جيه بلااه غااوي!!كل البنااات يلبسونه….
مهره(وهي تااكل):-لاا اميه……يعني والله لو سااايره صوب مكتب البشااكير جان زخوني…
ام سعيد:- هههههههههههه ويه جيه يزخونج…شو مسويه؟؟
مهره(بعفويه):- بيتحسبوني من البشاكير الشاردات…
ام سعيد(تبتسم):- مااعليه…ع الاقل يسون فيه خير
مهره:- الله بستوي بشكاره.!
ام سعيد:- بسم الله عليج فالج على بنت بليس….يلا تاخرتي وايد حبيبتي سمي بسم الله..
((و تبوس امها مهاري و تتوكل))
أم سعيد ( فخاطرها) يعلني ما خله منها ..ولأنها خريش ..لكن ماشي مثل قلبها (الله يحفظها يا ربي)

–
–
–

الساعه8: 45
فالمدرسه عند مكتب المشرفه

(اكيد كعوايدها المشرفه كل صبح واقفه اول الممر ,جنها تتريق بمهاري)

[IMG][/IMG]

(صوت المشرفه من اول الممر):- يا مهره تعالي هنه!!.اي دااه الزفت دا..
مهاري(تتمشى ببطأ و هي متملله):- يااربي حفظنا هاي المحاضره…بليز غيريها..
المشرفه(وهي مطرطره عيونها):- دنتي أيه ما تستحيش !! كل يوم كده ..حسي
شويه بأه..عيب!!
مهاري( وهي كاره حياتها ): شوو عيب؟ عنبوه كل شي عيب فهاي الدنيه
المشرفه:- دنه تعبت خلاااص ..وأنا حدخلك الصف دي المره بس ..لكن مره تنيه على طول عند المدير فهمه..!
مهاري:- هيه فــــاهمه .. لااا تحاتين مب بقره جدامج عشان ما أفهم..!
المشرفه( وهي ادخل مهاري ):- يلاا أدخلي..!

[IMG][/IMG]
مهاري:- ( وهي داخله الصف وماشاءالله عليها ماتقصر فسلامات ..ما تخلي حد فالصف ما سلمت عليه ..لا تلومونها بدويه(فديتها) وتعرف الأصوول )
–
–
–
نور:- صــباح الخيــــر
مهاري( وهي حاطه ويها على الطاوله ):- صبـــاح الورد والفل
نور:- شو بلاج مهاري؟
شواخ:- هيه والله شكلج تعبانه ما رقتي فليل..؟
مهره( وهي مبهته):- لا بس أفكر فالامتحانات ..
نور:-أها …هيه تعالي يودي هاي الورقه
مهاري:- شو هاي؟
شواخ:- جدول الأمتحانات..
نور :- ترى الامتحانات الأسبووع الياي
مهاري( وهي مشققه عيونها):- شـ،ـ،،وه..! تتمصخرون أنتوا
شواخ(وهي مستغربه ) :- وليش نجذب عليج..شوفي التاريخ وتأكدي روحج
مهاري( وهي تتفحص الورقه):- أويه ! أنا بعدني ما ذاكرت عدل حق الأمتحانات الأخيره..
شواخ :- ما عليج ذاكري عدل من الحين عشان تيبين نسبه عاليه
مهاري(مكتأبه):- يا ويلي ويلاه …
–
–
–
–
((فاصل و نواصل ))

* مهاري هي بنت فعمر الزهور , عمرها (17 سنه) طالبة ثنويه عامه , شخصيتها جريأه و خريـــشه لـأبعد الحدود لكن مع ذلك حبوبه وايد و أجتماعيه درجه أولى و أنسانه تمتلك الحاسه السادسه بطريقه غريبه
جسمها يمتاز بقوام جميله , وهي لا ضعيفه ولا متينه, بشرتها حنطاويه مايله على البياض , ملامحها بدويه قح , لها عيون وساع عسلية اللون وشعرها صابغتنه خصل جوكليتيه وطالع رووعه عليها و متناسق وايد مع لون عيونها *

–
–
–
–
–

-أساعه ( 2:30)
-أخر الدوام الدراسي
-عند الباركنات

————-
محمد(و هو منزل الدريشه):- مهااري…تعالي…انا هني…!
مهره(وهي تسحب شنطتها):- هــــــــــــا….انزين يايه

* محمد هو أخو مهاري عمره 20 سنه, يدرس فجامعه الامريكيه الى بشااارجه, هوااايته يعذب مهاري و يستهبل عليها لكن مع ذالك انسان طموح و حبوب لاخر درجه و يموت فالكشخه , بشرته برونزيه و ملامحه خبااال على قولة البناات *

مهاري(وهي تفج الباب):- ها شو تبه؟؟
محمد:- والله مادري.. شو عندج أنتي ؟ ككاو حلاوه , ببسي؟
مهاري( وهي تفكر):- أممم أقوول ..شكلك مغلط ..الكفتريه مب هني يا ويه الدنقووو!
محمد:- أركبي أحسلج دام النفس طيبه عليـــج..ولا تراني بفشلج جدام ربعج
مهاري:- ما تقدر أصلا..!! أنا من هاك اليوم حالفه ما أركب وياك مره ثانيه..
محمد:- بخبرج أنتي..وايد مصدقه عمرج يا المصرقعه !
مهاري:- مصرقع محد غيرك ..! وقول حق الدريول أي الحين…باي يا فندم
محمد(يحاول يكسبها):-مهاري حبيبتي أركبي شويه أسياره …أبه أقولج سر قبل لا أرووح..
مهاري:- ( وهي مب مصدقه ):- أنزيـــن قول و أنا واقفه..
محمد:- لااا ما يستوي ..مابه حد يسمعه غيرج
مهاري(و هي يالسه على طرف سيت السياره):- ترى ما بسكر الباب ..قول بسرعه!
محمد:- تعالي أنزين ما باكلج!!
مهاري( وهي خاشه أذنيها فحلجه ):- ها قوول يلاا…
محمد(بهمس):- قـ،،،،ــــصيـ،ـــت عليــــــــــج
( و مره و حده يسحبها هي و شنطتها و صك الباب و قفله بسرعه ..و مهاري تحاول تفج الباب لكن للأسف طلع أخوها أذكى عنها و قفله..
مهاري ( و هي تتحرطم):- أفف متى بعرس و بفتك …
محمد:- ههههههههه بلاج ترمسين عمرج..؟
مهاري:- لا ماشي سلامتك يا خوي الغالي…
محمد:- أشوفج تقولينها من ورى خاطرج بعد..
مهاري:-تعال متى( alopen day ) مال الجامعه؟؟
محمد:- ما يحتاي تعرفيـــن..
مهاري:- ليش أن شاءالله ؟..والله أنا أبه أسيــر
محمد:- تخسيــن ألا أنتي..بعد ها الي قاصر
مهاري:- ههههههه ما عليه يا حمود ..بفشلك فالجامعه وما بخلي حد ما بقووله أني أختك
محمد:- أوكيك..بنشوف يا بنت علووه
مهاري:- أحترم نفسك ويا ها الراس…أسمه علااوي مب علوووه..شوه أصغر عيالك هوو؟!
محمد:- هههه والله وقامت تعلمني الأدب..زين والله التطور وصل لفيوزات مخج يا عبقرونيه
مهاري:- غصبن عليك…عبقرونيه..و ما عليه من يضحك أولا يضحك أخيرا..
محمد:- أممم.. ليـــش أنا أول مره أسمع ها المثل…؟؟ غريبــه
مهاري:- لأنه هذا من أختراعاتي العجيبه
محمد:- أهااا..و الله زين..و أولا يوم بتخترعين مثل..لا تصرقين أمثال غيرج
مهاري:- وماشاءالله فأي كتاب قانون مكتوب ها الكلام؟
محمد:- والله قانون مخي..!! عندج مانع
مهاري:- لا عندي مصبح هههههههه
محمد:- وظرس أن شاءالله !! من وين يايه ثقل ها الدم كله
مهاري:- منك يا خويه
محمد:- وحليلي أنا…الا أنا ماشي مثلي أصلا
مهاري:- مداح نفسه يباله رفسه ..
محمد( وهو يطالعها بنظره ):- ما عليه بنشوف منو بيحصل الرفسه أول …
مهاري( بعين التحدي):- أوكيه يا حمود بنشوف..
محمد:- يا سلام ! حموود بعد..هيه هيه باجر مادري شو بتقوليلي …حمود البشكار ولا حمود الجلب …يا الظرس
مهاري:- والله كل شي يجوز يا خوي فهاي الدنيه ..! ههههههه
محمد:- عاد تخسين ألا أنتي…! يلاا نزلي شو تترين حظرت جنابج ..وصلنا البيت
مهاري:- و ماشاءالله وين أنته ساير؟!
محمد:- عندي شغل..يلاا خلصيني أنزلي
مهاري(بنظره غبيه):- هـــــــــــا…حمود أبدك مواعد ..ويــــه أخافها حمارت القايله و أنا مادري ..حد يواعد الظهر؟
محمد:- يا سلاام يا سلاام..أشوفج حللتي وقررتي على كيف كيفج..و قام المخموخ اللي داخل يشتغل بعد..اقوووول خليه مبند أحسلج !
مهاري( وهي حاطه يدها على خصرها):- أنته منقهر أصلا..!لأني أحسن عنك بوايد أشياء و خاصتا الجمال(فديتني ) .>— الحين منو يباله رفسه..
محمد:- الجمال جمال الرووح و الأخلاق مب المظهر يا فالحه..
مهاري(بتباهي):- بس أنا أحلى عنك يا رجل الأخلاق و الجمال
محمد(لايعه جبده):- شووفي بعد ليـــن ثلاثه..أن ما نزلتي ترى بوديج بيت عمي و بخليج تكرهين حياتج وبقوللهم بعد خلوها تبات عندكم جان تبون..
( وبعده ما كمل رمسه)
مهاري( و هي فاجه الباب و تركض) :- لاااااااا لاااااااااااا خلااااص …بااي( كله ولا الكابوس اللي هناك!)
(محمد وهو يرد سيارته السي أل مرسيدس) من القراج..و اللآنسه مهاري تركض صوب الفله و الشنطه تلحقها ( يعني تسحبها وراها)
مهارري( بصــــوت عالي ) :- hallOoOo
أم سعيد ( على طاولة الطعام):- الناس اتسلم أول …
بو سعيد:- هلا غناتي هلا…
مهاري:- اووووه سوري السلام عليكم و هلا و غلا بعلاوي شحالك؟؟
ام سعيد:- يلي ما تستحين بعد علاوي منو…؟؟
مهاري:- الغزااال اللي حذااالج..
ابو سعيد:- برايها برايها خلها دلع ابوها…
(وراحت مهاري تبوس ابوها و تلوي عليه)
مهاري:- فديتك.. انته اللي فاهمني ف هل البيت…..!
ام سعيد:- ترا ماخربها الا دلعك..
بو سعيد:- برااايه.. فديت البنات انا…تعالي امي تغدي؟؟
مهاري:- ان شاالله باباتي…بس تعال باباتي عواش اختي بتي اليوم
ام سعيد:- هي بتي هي و عيالها…جيه تسألين؟؟؟
مهاري:- لا ماشي متوله عليها…
بو سعيد:- تولهة عليج العافيه…وهي البارحه بعد تنشدني عنج
مهاري(وهي مستانسه):- خلاص وعوني قبل لاتي…! وماماتي ترى الاسبوع الياي امتحاناتي بتبدا مثل ما قلتي..
ام سعيد:- هاا ماقتلج!!..يلا شدي حيلج مابقه شي…
بو سعيد:-ماعليج بنت علي لا توصينها ان شاالله بترفع راس ابوها فوق…
مهاري (وهي تلوي ع ابوها):- والله انه مافي اغلا منك فهاي الدنيا و ان الله راد و قدرني…باخذ أعلى العلاماات و بخليك اتعيش احلى لحظه ف حيااتك…
ام سعيد(وهي تطالع مهاري):- و انا حليلي ما احصل هاي الرمسه الحلوه…يلي ما فيج خير..
بو سعيد:- فديتج الغااليه…آمين يا رب العالمين…ولج هديه مني بعد…
مهاري:- والله هديتي هي فرحتك و فرحة امي الغاليه بعد
ام سعيد(وهي مبتسمه):- آمين يا رب و ترى مثل ما قلنالج خذتي درجه عاليه.. شي دراسه برع…درجات نازله…يلسي ف البلاد أحسن..
مهاااري(وهي منصدمه):- أماايه انتي رمسين جد..؟؟ انا كنت اتحسبكم اتسولفون..
ام سعيد:- جــــد وعدنااج بشي وما وفينااه؟؟
مهاري:- لااااااااا ما جد … بس
ام سعيد:- لا بس ولا شي…يلا لج فرصتج الاخيره…
مهاري(وهي حاسه أن قلبها بيطلع ..وغايصة ف بحر احلامها):- اخيرا بيتحقق حلمي و بحقق الهدف الي طول عمري حلمت فيه….!
ام سعيد(وهي مستغربه من بنتها):-مهاري وين سرحتي ؟؟ الله يهداج قومي بدلي ثيااابج و تغدي..
مهاري(وهي توها منتبه):- هاااا ……..اووووووه……..ان شاالله امايه..
(و شلت عمرها و راحت)
ام سعيد:- ماادري يا بوسعيد اذا قد السفر برع و الا…
بو سعيد:- ما عليج يا أم سعيد ..البنت ماعليها شر و خليها تعتمد على نفسها اباها تهيس الغربه و الحياه الصعبه…..ان شاالله يكون فمصلحتها و انا ربيتها على الدين و الطاعه و ما اضن تخون ها الشي…
ام سعيد:- آمين يا رب
((مهاري وهي واقفه عند الباب تتسمع))
مهاري ترمس عمرها:-ماعليه يابويه بثبت كلامك لناس و براويهم منو مهاااري….!!!!
ريم(وهي وقفه ورا مهره):- وشو بتثبتيلهم ان شاءالله.. انج جاااسوسه و تحبين تتسمعين؟؟
مهاري(وهي متعلقه فاليدار):- بسم الله الرحمن الرحيم….!!اللهم سكنهم في مساكنهم…!!!
ريم:- جيه جايفه جنيه جداامج…؟؟
مهاري(و هي ماسكه قلبها):-والله فها البيت كل شي يايز….!
ريم:- ههههههههههه والله افعاالج الي مجيزه كل شي…
مهاري(تحاااول تغير الموضوع):- اممم شخبار الدواام اليوم؟؟
ريم:- والله زين الحمدالله…سكتي اليوم ستوتلي سالفه فالدوام عجيبه غريبه…!!!
مهاري( وهي مالها نفس):- أووه زين والله ..خلاص من أنش خبريني
ريم ( وهي تحط يدها على راس أختها):- لا لا أكيد الحراره عندج مرتفعه..ولا أنتي مب طبيعيه اليوم ..!
مهاري:- خخخخخ ليش يعني ..عسب مب فضوليه ..لا بس والله انا تعبانه اليوم و احس فيني رقااد مال شهر كامل…
ريم:- الله يعينج يا مهروه لو داومين دوام شفتات…جان شو سويتي..؟؟تعالي تغديتي؟؟

* ريم هي اخت مهاري العوده…عمرها 23 سنه تشتغل ف احد البنوك اللي ف دبي.. و هي اجمل خواتها كلهم..ودايما مطلوبه للزواج…لكن ع قولتها بعدني ماحصلت فارس احلامي اللي اتمناه و هي اقرب انسانه لمهره*

مهاري:- الله لا يبليني ..وعن الغدى مب مشتهيه شي ..برايه بالعافيه عليج…!
ريم:- عيل وين سايره..
مهاري:- يعني وين سايره مثلا..ستي سنتر يعني..غير حجرتي الدافيه..
ريم:- اوكيك ع رااحتج…تصبحين على خير..
مهاري:- وانتي من اهله..

–
–
–
–

الساعه 5:30
فبيت خالة مهاري ((بو راشد))

——

((بنات خالتها مي و ميثاا و بنات خالها راشد :- منال و عليه متيمعين ف الميلس ))

مي:- بنات هدوء شويه خلنا نفكر عدل..!
منال:- انزين وين بتكون الحفله..؟؟
مي:- ايي اصبري شويه…شحقى انتي جي ملقوفه؟
منال:- اي حرام عليج.. بس ابا الحفله تكون ربشه…!
ميثوه:- ولا يهمج..بيبلج فيفي عبدو تربش الحفله عدل..
منال:- بسم الله علينا..وععع من زينها هاي العيوز عاد مادري شو الريايل عايبنهم فيها
مي:- اوووه سكتو اشويه…مابنيب لا فيفي عبدو ولا نانسي..خلونا فالموضوع احسن..
منال و ميثا:- انزين سكتنا اتفضلي..

مي(وهي متحمسه ):- اضن يا بنات انه كلكم تدرن انه يوم السبت الياي يوم ميلاد مهاري!!
منال و ميثا:- أووه الصراحه أكتشفتي الذره ..!! ندري انه يوم السبت !!… لكن متى بتكون الحفله؟
مي:- مب مهم وقت الحفله المهم المقلب العجيب الي قبل الحفله.
ميثا(باستغراب ):-شقى مقلب بعد؟
مي:- نزعلها و انراضيها ف نفس الوقت…!
منال:- لول والله كشخه! ميمو وين خاشه هاالمخ من زمان!
ميثا:- اها الحين فهمت..لكن شو هو المقلب..
مي:- ترى الحين بقوللكم اياه…لكن بشرط كل وحده تأدي دورها باحترااف
منال(تطالع عليه):- عليه بلاج ساكته…شكلج مب مهتمه فالموضوع..
عليه(تطالع منال بنظره):- لا بس مستغربه…
منال:- وشو اللي مستغربه منه..؟
عليه(وملامح الغضب طالع على ويها):-مادري عنكم ..مره حفله و مره مقلب و ربشه وانا يوم ميلادي طاااف ولا وحده منكم سوت ها كله..
مي:- يالله يالحسد يا عليووه…شو هاي الغيره اللي فيج..! حب لأخيك ماتحب لنفسك..واولاً عن يوم ميلادج انتي بغيتي تحتفلين ويا ربعج..ونحن ما بغينا نخرب عليج..
منال(منقهره):- اقول عليه اذا مب حابه تشاركين ف الحفله على رحتج ترى نحن بنسويها بوجودج ولا بلياج..
عليه(وهي تنش معصبه ):- احسن الصراحه..! وفرتوا وقتي…بااي(وتصك باب الميلس بالقو)
ميثا:- هاي بلاها المستخفه.
مي:- خلها تولي لاه…ياااهل المهم وين وصلنا
منال(تبتسم):- عند المقلب..
مي:- اوكيه بسوي المقلب قبل يوم ميلادها بيوم عشان ما تشك و الحفله يوم السبت
منال:- بس تعالي ميمو..امتحاناتها الاخيره بتبدأ يوم الاحد..حرام نضيع عليها يوم كامل من المذاكره..
مي:- هي تعااالي نسيت..خلااص بنسويلها المقلب ف نفس يوم الحفله وما بنطول عشان ترجع اتذكر..
ميثا:- الله يوفقهاا يا ربي..
منال:- امين يا رب…لكن ما جاوبتي سؤالي ميوو شو هو القلب؟؟
مي:- دام المقلب نفس اليوم..خلوه عليه…ومايحتاي تعرفون..
ميثا:- يا سلام من الصبح يالسه مقلب و مقلب اخر شي نا بقول..
منال(وهي ناويه ع مي):- ميوو ارمسي احسلج صدقها ميثوو الحين مابيني رقاد لين ما أعرف المقلب
مي:-لا حبيبتي ارقدي و استريحي..و اقولج من احين حطي يدج فماي بارده تراج ما بتعرفين المقلب لو شو تسوين..
ميثا(ناقزه ع مي):-ميمو..! ارمسي احسلج والله بعضج عضت القرد المسعور
مي:- ههههههههههههه قومي عني…تصدقين حلو يوم الواحد يعترف عن حقيقته
منال:- هههههههههههههه
ميثا:- ماعليه يالدبه..انا برااويكم!(وتركض ميثا برع الميلس )
منال:- شو السالفه اليوم كل حد يركض من الميلس…وويه الله يستر شكلها ميثو ناويه على شي ..؟
مي:- هاي المخبل ما عليج منها…تيها هفات…شو نسوي وراثه..
منال:- يامج ها اللي خايفه منه..
(ومره وحده تفج ميثو باب الميلس…)
مي:- والله لو طارين المليون ابركلنا..
منالك- هي والله صدقج..
ميثا:- هااالووووو مره ثانيه…يايبتلكم هديه
منال(وهي تبلع ريجها):- اشو هي.؟
مي:- ماعليج منها سويلها طااف..
ميثا:- اوكيه يا ميو بنشوف اذا ترومين تسوين طاف لجلابي.
مي:- جلاب بعد..ناقصين نحن… لاااا حبيبتي يسدونا الي فالبيت
(فهاي اللحظه..وقف جلب الحراسه عدال ميثا..الله يعين..هالجلب مب متعود الا على ميثاني ما يسمع كلام اي حد غيرها.)
منال(وهي طالعه عيونها و صرخ):-يمه لحقي عليه بنتج بيتعشوبها اليوم…ميثو عقلي و طلعيه..
ميثا(وهي فاجه حلجها 10 ساانتي و تضحك):- هههههههه والله انكم دياي ..
مي(مصدومه و فالة رعب و لا بعد متعلقه فالستااره):-واااي ميثو فديتج طلعيه
ميثا:-لوول والله لو تموتون….ابولو go ….! (و تفر العضمه صوبهم)
مي:- واااي لحقو عليه..!!
منال(وهي تصيح):- يا ربي سامحني ما استاهل كل هذا العذاب..
(وينقز الجلب و يحاول يوصل لمي)
مي:- ميثوو يالسباله طلعيه والله بموت واااي قوم عني قوم…
(يدخل عليهم فجاه راشد(اخو مي العود) على اثر الصريخ اللي سمعها برع)
راشد(ونفسه منقطع):- بلاااكم…بسم الله …
((ولا يشوف منال فوق الطاوله و متشلحه لين النص و متعلقه ف الستاره…للاسف مارام يكسر عينه و مايشوف جمال بنت خاله منال ))
مي(وهي تستغيث بخوها):-شله عنا دخيلك دخيلك ..!
راشد(وهو مستحي):- ان شاالله بس انتوا تستروا…
منال(عرفة انها المقصوده و حمر ويها و قالت بصوت واطي ):- آه ه آسفه راشد..(ونزلت راسها )
(راشد وهو يسحب الجلب و طلعه برع)
مي(وهي تنزل من الستاره):- والله نجيت بعجوبه! وين هاي السخيفه وين بتشرد عني انا براويها..
((وتدخل الفله و تنسى انه منال فالميلس))
منال(تزقر مي):-ميوو صبري لا تخليني بروحي ..
راشد(وهو يطالعها بنظره غريبه):-شو خايفه مني…؟
منال(و الخجل بيااكلها):- لا ياا بوسنيده…بس
راشد:- الله يعينج يا منال لو طالعلج دينصور مادري شو بتسوين..
منال(قافطه):- حرام عليك…والله مادري شو صارلي يوم شفت الجلب..!
راشد:-ههههه يحليلج يا منول..
منال:- اووه يدلعني بعد ..
راشد:- شووه ما سمعت..؟
منال(بنظره جريأه):- كلام الملوك لا يعاد..
راشد:- هههههههههه خطيره بعد
منال(وهي واقفه حذاله و تهمس فذنيه):- ممكن اكون منالك….لكن يا راشد حط شي فبالك اني صعبت المنال..
–
–
–
–
–
–

* منال عمرها( 18 سنه) سنه اولى سنه كليه, تدرس حاليا هندسه اكترونيه , شخصيتها عفويه, طيبه, جريأه, و عندها كلمة الحق لازم تنقال, جمالها جذاب و تمتاز بالعيون السود الكحيله, جسمها مليان و معرفه بطولها الغاوي و يسمونها الروسيه من بياضها و أكيد طبجاتها مهاري و مي *

*** انتها الجزء الأول ***

و انتظروو الجزء اليااااااي ^_^
(( و للأمانه في صور من فلكر ((مب كلهم))

لكن هالله هالله فـــــردوود…
تراني ما بتشجع انزل الجزء الثاني
ألا و ردوكم وتعليقــــاتكم الغاويه موجوده

أختكم القطوه :- ميــــــــااوه ^_^