حطي نفسج في هالموقف، وعطيني عقلج وفكري وياي شو الحل؟

لو إنتي مالجة، وصاير بينج وبين ريلج سوء تفاهم، وتميتوا 4-5 أيام ما تكلمون بعض، وإنتي مرضتي وسرتي المستشفى كذا مرة، وهو عرف عن طريق خواته إنج تعبانة، وكل الدنيا إتصلت تطمن عليج، لكن و ماتصل ولا كلّف عمره حتى يرسلج مسج يتطمن عليج..

وإنتي إتصلتيله بدل المرة ألف، وطرشتيله مسج أنا مريضة ومحتاجة أكلمك ولبسج، وطرشتيله، أنا مرضة ومحتاجتنك جنبي، ولبسج، وطرشتيله أنا آسقة لو كنت غلط في حقك، ولبسج..

كيف تتصرفين؟؟

والله دام من بدايه مسوووووووووويلج طاااااااااااف الله يعينج يالغاليه ………….يالغلا حمدلله عل سلامتج ….شوفي حبيبتي الحياه الزوجيه فيها سؤ تفاهم وساعات حب وساعات وله وشووق..الخ بس صراحه انتي مريضه لازم يكون جنبج يالغاليه اذا في هالموقف وفي هالظرف ماكان جنبج عيل باجر بتكونين في بيته واذا طحتي في مشكله الله لايقول يمكن مابيكون بجنبج او يمكن باجر عيشتي بيت اهل زوجج والله لايقول كيف راح يتصرفون وياج مابيقعد يدافع عنج او مابيكون ظهرج وسندج مافي فايده يالغلا ..الله يعينج وربي معاج فديتج

ليش هذا كله عاد……..

بعد اختي انتي غلطانه انج تطرشين له مسج وتقولين له.. انا تعبانه وانا محتاجتج… عاد مب من اولها تعقين عمرج عليه..
والحمدلله على سلامتج… الحين اذا زارج لاتعاتبينه انه ماجا المستشفى ولا تذكرين هالشي..

بس سؤال واحد.. اسأليه.. هو يباج.. والا مغصوب.. والا شو؟؟؟
وبعديييييييييين عاتبيه لو كان شاريج…

والسموحه منج

صراحه موقفه غريب كله الا المرض حبيبتى وهايبين عليه وايد قاسى ومومتسامح ولازم ماتفوتين ها الشئ اختى لانه لازم يعرف انه غلطان وموقفه وايدسئ

وانا اشوفج غلطانه يوم سويت له اكثر من ماسج طالما انه عرف خلاص لاتعبرينه فديتج انا مااقسيك عليه اختى بس التهاون من الحين بيندمج بعدين الله يسعدك حبيبتى

شوفي حبوبه انتي الحينه مالجه..وفي فتره اختبار لشخصيه ريلج..

انا رايي الاهم من كل شي والاهم من زعلج و زعله …انج تدرسين شخصيته دامج على البر

برايي تتصلين فيه بعد ما تطيبين وان شاء الله مافيج الا العافيه…وتفهمين منه التالي: (طبعا في حاله انج ما غلطتي بشي)
– – دامج ما غلطتي في حقه…من شوه زعلان بالضبط؟
– – هل زعله له مبرر (يمكن تكونين جرحتيه وانتي ما تدرين) او زعله على الفاضي ودلع منه بس؟
– – هل حسيتي انه المانع من اتصاله صعوبه الاعتذار عنده مع احساسه بالذنب..او صعوبه المبادره بحل الامور؟
– – واهم شي تحسين انه يكن لج مشاعر يعني متعلق فيج ومب مهم وايد ولا شويه المهم فيه مشاعر من بينكم ولا عادي عنده زعلتي رضيتي دقيتي راسج باليدار …………….؟

بعد هذا كله حاولي تفهمينه انه تصرفه كان غلط (اذا كان غلطان) وانه جرحج وحسسج باهماله لج وانج مب مهمه بالنسبه له …. فهميه انه تصرفه كان قوي ومب هين عشان لا يستهين فيه مره ثانيه

فهميه انج هب ياهل تزعلين على كل شي وباجر بيضطر انه على كل صغيره وكبيره يراضيج ونتي تمدين البوز…حسسيه انج انسانه عاقله وواعيه وزعلتي لسبب يستاهل ومن حقج تزعلين ومن حقج تترين منه يراضيج ولا هو دلع ولا هم يحزنون

وبعد هذا كله انتي ابخص بريلج..ركزي زين بطريقه تفكيره وتحليله للامور…انا ما اخوفج عزيزتي بس وايد صعب الريال اللي ما يهتم لمشاعر حرمته وقلبه ما يعوره عليها….

بس ملاحظه من وجهه نظري كان مفروض ما تتصلين فيه..جيه اكدتيله انج انتي غلطانه وهو موقفه صحيح اميه لميه

واخيرااااا قوليله محنا يهال تزعلني وطنشني بالايام وما تتصل فيني..نحن داخلين على زواج ومن بدايه هذا تصرفك عيل باجر لو صادقتنا مشاكل شوه بتسويه…جيه بتلبسني؟؟؟؟ حسيسيه انج انصدمتي برده فعله وانه بتصرفه فهمتي انه مب قد المسؤوليه

الله يعينج ..

بس انا اقول .. انتي حاولي تتصلين .. مو مشكلة إذا شد هو ارخي انتي .. لأنكم مو بفترة خطوبة .. اللي بينكم عقد زواج ..

ولازم تحصلون حل .. وعموماً الشباب يحبون يتغلون .. حاولي معاه حتى لو اطرشين وسيط بينكم ..

وإ تم على حاله .. برايي الريال بايع .. مو مشتري..

بس إن شاء الله يكون الموضوع مجرد يتغلى ..

والله يسهل لج .. خويتي ..

يسلمو

بلبسه الباب …. فديت الي يسألون عني وهو خلي يولي الله يسامحة بس يوم البسه الباب بيحس فيني.. الله يعينج حبيبتي بس نصيحة مني لا تخلي انسان فهالدنيا يهز شعرة من راسج خلج مثلي والله بترتاحين وااااااااااااايد .. حبي نفسج اكثر منه .. بالتوفييييييييييييق