حظي في الشغالات وااايد تعبان..أو أنا التعبانه هههههه ما أدري والله شوفوا الموضوع واحكموا…
تفضلوا
"كانت عندي شغاله أثيوبيه وكانت فنانه ويا عيالي كملت عندي سنة والمشكلة إنها كانت واايد تمرض وعيالي متعلقين فيها وما تعرف ترتب وقتها يوم أطلب منها شغلة تقولي" تعالي ماما شوفي سلة الثياب وايد ملابس فيه مافي خلاص كوي"
وااااايد كانت تردد ها لجملة لين ما طفرت منها ..وبالأساس كنت واايد أجزها وانا من النوع اللي مش جزاز بس هيه خلتني جيه…تشاديت ويااااها مره في الكلام لين ما حلفت إنها ما تشتغل عندي"أونها تحلف بالله ومناك هيه مسيحية"اقول في خاطري عيل انا اللي ميته فيج سيري المكتب ودفعي تذكرتج روحج ووديتها المكتب …
وشوفوا النحاسه "طلعتلي وظيفه عقبها باسبوع.gif "12 (53)")
تأزمت ..دورت لي من المكتب مؤقته وكانت أثيوبية ومووول ما عجبتني كانت ضخمه….ورحت سويت لي طلب أندونسية وقالولي شهر لحد ما تي..قلت بقزر وقتي بالمؤقتات لحد ما توصل ..
رديت الأثيوبة المكتب وقلتلهم ما اعجبتني..ورحت ع مكتب ثاني وحصلت فلبينيه
بصراحه كانت قمه في الروعه من حيث (العيال ،النظافه،الديكور،النشاط)بس انا كنت عميا وطماعه.gif "12 (100)")
وقلت لااااا أكيد الاندونيسية أحسن اللي طلبتها من المكتب فقلت لربيعتي إكفلي الفلبينية ووهالوقت كان بادي شغلي وكنت أأمن عندها عيالي مع عمتي ماأحاتيهم ..
فالمشكلة ولا أقولكم شوفوا هالرابط كنت منزله مشكلتي
https://www.uaewomen.net/showthread.php?t=184288
وعقب ما حظرت الاندونيسية لاحظت الفرق وكانت ربيعتي خلاص كافله الفلبينية وعقب ما وصلت الاندونيسية قالتلي ربيعتي أبغي شغالتي وعلى أساس اعطيتها كلمه سلمتها الفلبينيه(آآآآآآآآه)والله تغمضت عليها وللحين ندمانه وطاحت بجبدي الاندونيسية المشكلة كان واايد تكذب حتى على عيالي وكانت تقول لشغالات البيوت أنا ما أحب اليهال فكين كنت أخلي عيالي عندها بيت عمتي قلت خلني اشوف غيرها (على أساس عليها ضمان)رجعتها المكتب واعطوني مؤقت فلبينيه ،وكانت ok وبعد 3 أيام كانت تمرض وكنت أوديها العيادات من عياده لعيادة وآخر شي الحرمة كانت تمثل وخليتها في المكتب عشان يهزبونها (وصحت عندهم) ورديتها البيت المشكلة إنه فيها برووود غير طبيعي وكل شي يعورها آخر شي اكتشفت انها فيها إعاقه في إيدها ما تقدر تشلها ولما تمشي والله أسمع عظام ريولها تتناقع ماب مرة ولا مرتين وااايد وكل حد ملاحظ هالشي..
الحين محتاره الشغاله بارده وع دوبها في كل شي ونظافتها سطحيه …محتاره أرجعها المكتب وأسوي غيرها والله ماب عارفه والله لدرجه وصلت فيني إني اتصل لربيعتي اللي اعطيتها الفلبينية الأوليه وقلتلها اعطيني اياها بعطيج عليها 6000 درهم وهيه اصلن 4500..
انصحوني لاعت جبدي من الشغالات وصلت حدي..حتى زوجي مل من التنويع في الشغالات ..انصحوني اخاف اسوي وحده تطلع اردى عن اللي قبلها
المشكلة اني اشتغل يعني ما عندي وقت من كل ساعه اعلم الشغالات نظام بيتي ويروحون عني…
إذا حد عنده شغاله وااايد أوكيه وسافرت عنهم بكفلها عن طريقي بدون مكتب ابغي وحده مضمونه
وع فكرة انا عندي 2 من اليهال بس وبيت لروحي ..يعني الشغالات يستانسون لما يجون عندي..بس أنا حظي تعبان
انصحوني
وينكم …………؟؟؟؟
الله يعين
واللي عندي حاليا .. عيووووز وتقول انا عمري 33 مثل اللي مكتوب ف الجواز (وهيه شكلها خمسين) مريضه ودايما تكح … سألتها قلت لها متى سويتي جوازج يا حلوه .. قالت قبل لا إيي هنيه .. وكذابه درجة أولى..
شفتي الهنا اللي انا فيه ..
يعني لو رديتها .. ويبت الثامنه .. بيحطوني في موسوعه غينيس عن جلب العماله الوافده (ضاربة التوب)
الله يعينا ويعينج اختي ….
هههههههههه ذكرتينب بربيعتي من اسبوعين زارتنا ويوم يت بتروح تزقر خدامتها خذتلها نص ساعه وهي الله يعزكم في الحمام قولو شو كانت تسوي ما بتتوقعون…
يالسه تتمكيج وحاطه روج احمر انا انصدمت قلت لها يا سلام شو تبغيبها هذي قالت شو اسوي مالي حظ في الخدامات ..وخبرتني انها ما تتعدل الا اذا يى ريلها وتقول دايما يوم اكون مع ريلي تعق الحجاب وتفتح شعرها وما شاء الله شعرها حرير ويوصل لين ركبتها اول مره اشوف خدامه اندونيسيه بها الجمال …حتى ملامح ويها غير ما تقولين اندونسيه