حلو لي هاللغز

ما اعرف شو الي قاعد يصير لي

كاني بحلم مب مصدقه ان الي قاعد يصير لي حقيقة

حياتي مافيها ادنى راحه ابدااااااااااااااااا
راحه البال هذي الكلمة مالها مكان في قاموسي

والله العظيم ما اقص عليكم

كل ما مر علي دقيقة اضحك فيها ولا استانس ينقلب علي هم وغم ومصيبه
وعاد على كبر الفرحه تنقلب مصيبه

لا تقولون لي متشائمه وافكارج سلبيه وما ادري ايش

لا والله العظيييييييييييييم ابدااااااااااااااااا بالعكس لمن اكون فرحانه بشي معين ابدا ما افكر باللي بيني بعده ابدااااااااااااااااااا

وما اقص عليكم على كثر ما افرح تيني بعدها مصيبه مشكله على كثر ما افرح ازعل

حتى والله حتى الضحكه العاديه نااااادر ما اضحك بس اذا ضحكت ابجي بعدها بجييييييييييييي من مصيبه من اي شي اييني وقسم بالله

انا عايشه وحييييييييييييييده ما عندي احد
مبتليه بكل شييييييييييييي يعني بوظيفتي في فلوسي في هلي ما احد منهم يدانيني ويكرهوني كره العمى بدون سبب اتقرب منهم اخدمهم موووووول
وامي ما طيجني الا اني اعطيها بيزات يوم ما اعطيها بسبة ان ماعندي مش بخل تنقلب علي قلبه
وفوق اني ماعرست وانا عمري اللحين 34

بتقولون لي ادعي وصلي واستغفري

ما ابي اقولكم انا شو اسوييييييييييييي والله العظيم طوووووووووووول اليوم اصلي واستغفر واقرا قرءان وغييييييييييييييره وغييييييره وقيام الليل والله اذا اقولكم ما يني نوم حتى طول الليل اصلي

مع ذلك لو مثلا ودرت الصلاه مثلا بعذر مثل الدوره الشهريه تيني مصاااااااااااااااااااااااااااااااااااايب

انا طوووول ايامي صايمه طول السنه

ما ابي اتمنن علي ربي بس ليش المصااااااااااايب اتيني من كل صوب

ما ابي ادعي خلاص توووووووووووووبه
كل ما دعيت بشي واستجاب انقلب علي نقممممممممممممه

مثلا انا كنت ادعي من 4 سنين وسرت الحج ودعيت لعمري بالزوج الصالح

بعد سنيتين تقدم لي واحد استخرت ولا ارتحت له وما احد تقدم لي غيره وانا اعرف استخارتي زين ما زين

يوم رفضته اهلي سووو لي مشكله عوووووووووووووده تخيلو اختي تحرض امي علي تقولي ودريها خليها بالبيت بروحها عسب تحس بالوحده وتوافق على هالخطيب

انزين يمكن يكون مب زين يمكن يبهدلني اكثر من اني متبهدله
وااااااااااااااايد مشكلوني مشاكل على مشاكل ما اتهنيييييييييييييت موووووووول كل يوم يطلعون لي بمشكله غير السب والدعاوي منهم وغير اسلوب اخواني وحريمهم ومرة ابوي الي سوت لي قصه طووييييييييله ومرة اخوي الي طلعت علي كلام اني مب بنت حشى واااااااايد مصايب يتني منهم

والله اني مالحقت افرح بالخطيب كلشي انقلب ضدي

والله اني ما انام الليل وكل ما ابي انام انقز ما ادري من شووووووووووه وانا جسمي تعباااااااااااان وهلكاااااااااااانه ومييييييييييييييته ابا انااااااااااااااام بس ما اقدر جسمي يعورني ابي انام بس ماشي فايده
بتقولون لي من الهم والتفكير انا صار عندي هالشي عادي ماعدت افكر اصلا صار عندي تبلد

بس حتى رقاد مب متهنيه فيه

تخيلو مب متهنيه بشي مووووووووول

بس طول عمري ما شفت الخير

شو اسوي خبروني

انا ماتم شي ما سويته شو اسوي كل حياتي جحييييييييييييييم

حتى الزواج مب مهتمه خلاص ماعاد يهمنني اعرس ولا لا لاني اعرف حياتي هي هي لو تزوجت والله يعلم شو بيستوي لي من قصص وحكايات درامية

لا تقولون لي متشاءمه بس حياتي جيه لو مما اكون متشائمه جربت كلشي حتى قانون الجذب وسويت وتفائلت بالاخير شو صار يتني المصايب من حيث لا احتسب

يعني حتى لو استانست وفرحت بيوم اعرف ان مليون بالميه عقبها لازم مصيبه ومشاكل

شو اسوي

خلاص ملييييييييييييييت من هالحال ماعاد فيني احساس خلاص تبلد احساسي
ما ابي اشوف احد ما ابي حد يشوفني اصلا من الله انا كله يالسه بروحي لو طلعت شوي ابا استانس انقرص واقول تووووووووووووووووبه ما ابي اطلع من كثر الي اييني من المصايب سواء من الناس او من اي شي ثاني

بعدين شو اسوي يعني

الله المستعاان00عزيزتي قولي الحمد لله ع كل حاااال

وحيااة اي انساان فيهااا الفرح والهم والحزن 0

والانساان ماا ييأس من رحمة ربه 00تدرين ان رب العالمين يحبج ويختبرج ؟

وياا حظج حبوبة 0

عليج بالصدقه وماا ادرااكي ماا الصدقه 00الاستغفاار والصدقه كنوز الدنياا والاخرة فديتج0

الله ايسر امورج وينولج الخير ويسعدج دنياا وأخرة يااارب

حظي بشوه

ما ارتاح ولا اتهنى

يختي ما خليت صدقه ولا غيره

شو اسوي علموني

شوفي نصيحه مني انتي كبيرة و عاقله تقدرين اتسوين أي شي مب أي واحديقولج كلمه و يمشيت بكلمته والله لو تميتي تسمعين كلامهم مابتعيشين كله هم و غم خذيلج شقة بروحج و عيشي حياتج وانتي تعبدين ربج لاتستعيلين ع العرس يمكن فيه خير إنج ما اتعرسين يمكن ربج ما يباج اتعرسين الدنيا يباج تستانسين في الآخرة مع الريل الي انتي اتحبينه و تختارينه وتيإسين من رحمة ربج كل ما صبرتي كل ما حبج ربج و هالمصايب يعني ربج يحبج و يختبرج استحملي و صبري و ادعي ليل و نهار لاتنسين قيام الليل أهم شي

عزيزتي سوي لج ورد يومي من القرآن عقب صلاة المغرب اقرأي فيه سورة البقرة كاملة وإذا ماقدرت تخلصينها خليها اجزاء كل يوم جزء ومن تخلصين ردي عيدي قرآيتها يوميا ولاتتركينها موووليه وانتبهي لنفسج لو شفتي عمرج مب طايقة قرايتها ومب حابتنها ومب قادرة تخلصينها غصب عنج ترى انت يمكن تكونين محسودة او مسوين لج شي ولو صار لج ضيق او احلام تخوف او احساس يقولج لو كملتي بتموتين اعرفي انه مسوين لج شي فتمي اقراي سورة البقرة حتى لو ماكنت تقدرين وان شاء الله مع مرور الايام بترتاحين ، وحدة اعرفها كان مسوين لها عمل وماعرفت شو بلاها وهي نفس حالتج كله حياتها مشاكل مثلج مابقول تشبه حياتج بل مثلها ماتفرح إلا عقبها تنكدت وصارت عندها مصيبة وقرت سورة البقرة وتقول وايد تعبت بس استمرت وسوت تحدي مع الشيطان او الشي اللي مسوينه لها وتمت كن سنه على سورة البقرة يوميا لين الحمدلله خاز عنها كل شي مسوينه لها وكانت تعرف انه اللي يستويلها خاز بالاحلام اللي تشوفها والحين تشتغل وانخطبت وخطيبها يموت عليها وبتعرس إن شاء الله قريب ومرتاحة في رقادها ، الله يوفقك

لاحول ولاقوة الا بالله

والله ياختي مادري شو اقول

بس الصبر زين

مادام هذا الحال شو تسوين؟

مافي الا بس شي واحد وهو لزومك للعبادة و الاستغفار

وثاني شي ماشاء الله عليك تشتغلين يعني لك كيانك الخاص

فحرصي على الشغل ولاتركينه ابدا ترى مستقبلك

وزوج رزق سبحان الله اعرف وحدة عمرها تقريبا 35 تزوجة شاب عمرة 26 وهي حامل الحين منه
والشاب هذا كان متزوج بنت عمرها 21 سنة وعنده منها ولد وطلقها

شايفه كيف رزق من الله

ام اهلك الله يعين

امك تقربي منها اكثر دلليها بتكسبيها وبتكسبي اجر

وحريم الاخوان الله يستر عليهن وعلى عيالهن

مادام انت واثقة من عمرك خلاص مالك فيهن

والله بيعين

اختي انا مثلك يمكن في فرق في العمر بس نفس المشكلة

مامتوفقة في الشغل ولا في الزواج

عندي وحدة كنت اعتبرها صديقة مقربة لي

من فترة تسالني انت ليش جي احسك من الداخل مكسورة لتكوني مسوة شي

فسكت لاني انصدمت من تفكير الناس

انا وحدة الحمد لله ماسويت شي بطال ابدا بس امور المراهقة مثل سماع الاغاني

والتلفزيون وغيره من هاي الامور يعني هبل

بس شوفي كيف يقولون عني عشان مش متوفقة في شغل

فهذا الناس ماتركين حد من الكلام

الله يسهل امرج ويريح بالج يارب