حليب يشبع الياهل

السلام عليكم امهات شخباركم
بما انه عندكن خبرة كبيرة في سوالف الحليب وانا ام يديده عندي ولد عمره عشر شهور الحمد الله لا هو ضعيف ولاب تختوخ معني اتمناه مربرب بس ما فادة شىء هو يرضع صناعي ما يرضع طبيعي اول ما انولد عطيته ابتاميل وما ناسبه عقب نوفلاك وتم معصقل وغيره ابوه لنان وناسبه الحمد الله بس ما احس عطاه هاذيج النفخة والتربريب المهم الحين هو ماشاء الله شهرين وبيكمل سنة ويقوم 3 مرات يدور حليب بغيت حليب يشبعه شفت سيميلاك غين وقريت عنه طبعا وايد يشتكن منه امساك و غازات وما فيه شو رايكن اعطني تجاربك وياه وصح يوم سحبوه من السعودية بعد خفت صراحة وهو ويا الاكل اوكيه بس انا اعشيه من وقت لانه اذا يا رقاد ما بيطيع ياكل بس يصيح شو رايكن في سيميلاك غين او اي حليب ثاني يشبع الياهل ويعطيه صحة اتريا اراعكن وتجاربكن يا امهات

مع اني مع الرضاعة الطبيعية….
لكن كل وحدة ولها ظروفها والله يحفظ وليدج جربي حليب 26 جولد وايد زين ويتختخ اليهال

انا كنت ع اس 26 جولد .. حلو وايد
وعقب السنه في منه نوع مكمل غذائي يحافظ ع الوزن .. انا كنت استخدمه وغيرته حق بيداشو لان بنتي ملته ..
بس هي من عمر شهرين و انا اعطيها اس 26 جولد

شوفي نيدو ظ،

استخدم اس 26 و احط فيه سيريلاك رقم 2 بيشبع و ما بيقوم فليل جربي و انتي الربحانة

خواتي شو رايكن ب حليب بيدياشور؟؟؟