حمل خارج الرحم

الموضوع اني سويت فحص قبل الدورة باسبوع وبين عندي بس خفييييف واايد وكان الموجب شرات خط الشعرة وبعد 3 ايام عدت الفحص وبين واضح بس نزل مني افرازات بنية عقبها نزل مني دم بس الحمدلله الحين ماشي افرازات عادي
سرت الدختر اطمن لاني حملت قبل وطاح قالو مستحيل ايبين الحين بس خذو مني دم وسوولي سونار بس المفاجاة انهم لقو فيني جنين ينبض عمره تقريبا 7اسابيع وقالو احتمال يكون حمل خارجي الله المستعان مع انه يتني الدورة الشهر الي طاف وقالو بياخذون دم مرتين عسب يشوفون الهرمون يرتفع ولا ينزل والموعد بعدهيعني ماعرف شي للحين
قريت عن هالنوع من الحمل فالنت بس ابا حد يفيدني اذا حد منكم سمع عن هالموضوع او عنده خلفيه

وااخر شي قالت النيرس احتمال لاتخافيين كيف ما اخاف وهالشي مب طبيعي واخطاره وايد بعيد الشر ان شالله

انشالله القى الافادة منكم
للعلم اني بعدني صغيرة يعني ماوصلت24

بنات الله يبعد الشر عني وعنكم الي تقرا موضوعي تدعيلي بظهر الغيب اذا مافيها تكتب
والحمدلله على كل حال

المشاركة الأصلية كتبت بواسطة ام شما2017

ماعندي فكره بس حميتي كانت حامل خارج الرحم وفي المستشفى عقولها بس ماعرفو من البدايه كان دوم ينزل منها دم وقالولها خلاص طاح وعقب قتره تعبت ودوها المستشفى وقالو خارخ الرحم وعقولها تفالو خيرا تجدوه ليش اتفكرين اصبري وانشالله خير

حبيبتي انا الجنين ينبض يعني احتمال ينمو اكثر والي قريته فالمواقع عن هالحمل بصراحة خوفني وايد
وشكرا على ردج تسلمين الغالية

المشاركة الأصلية كتبت بواسطة fashions

لاتحاااااااااااااااتين واللي ربي سبحانه وتعالى كاتبه هو اللي بيصير .. تصدقي وأستغفري وان شاء الله ماتشوفين الا كل خير يارب …اختي حملت خارج الرحم والحمدلله عااااااااااااادي نزلوه والحين مافيها شي يارب لك الحمد .. ويمكن يكون حملك مثل حمل امي .. اسمه الحمل الغزالي كانت امي تجيها الدوره عادي كل شهر وماتعرف انها حامل الا بدوخه بسيطه ووحم خفيف لكن ماتوقعت انها حامل الا بعد ماكبر البطن وراحت المستشفى قالو حامل وحملك يسمى الحمل الغزالي يعني تجيها الدوره كل شهر وهي حامل عادي سبحان الله ..
طمنينا عليك

هلا اختي شكرا طمنتيني مع اني بعدني خايفة بس اختج الجنين عندها كان فيه نبض؟