حمني اتغير

بنات موب عارفة شسوي ولدي من دخل الروضة وشخصيته اتغيرت للاسوأعصبي وكل يوم يصيح ما يبغي يروح المدرسو واستوى عدواني ويثير المشاكل ويضرب اخوه البيبيي وما يسمع الكلام ساعدوني كيف اتصرف معاه لاني كل يوم اضربه واحس بتأنيب الضمير

نفس الحالة
بنتي زاد اعنادها وكله تعصب بسرعة
وطبعا ما تحب الروضة لأنها تشوفها مملة وما فيها شي
الله المستعان

ختيه حرام عليج لا تضربينه هذا طفل ، والظاهر ختيه ان في شي في الحضانه مضايقنه ومب عارف يعبر فيطلع غيظه في البيبي !
انتي خذي الامور بروية .. لا تفتكرين ان هذا ياهل ةما يعرف ولازم تنفرض عليه سيرة الحضانة ، احنا بعد عيالنا مرو بهالتجربة وطلع كل واحد منهم ما كان يحب يسير المدرسة لسبب ما ، يعني مثلا يمكن يكون وياه في الفصل طفل عدواني يضربه كل ما شوف ولدج ، يمكن المدرسة قاسية عليه بسبب حركته الزايدة ، يمكن يحس بالملل من شي ، ويمكن مر أكبر من جذيه : احتمال الموضوع مرتبط بسيرة الحمام يمكن يستحي يسير ويود عمره مثلا وهذا شي يضايق ولا تستهونين بهالاشيا ، كلها أمور تأثر وايد وايد في شخصية الطفل ومزاجه .
نصيحتي لج إجلسي ويا وكلميه وهو يلعب مثلا واسئليه المدرسة حلوة والا لأ ؟ في حد يضربك ؟ في حد ياكل أكلك ؟ شو مب حلو في المدرسة ؟
يوم بيحس انج فاهمتنه بيقولج شو السالفة .. والله يهديلج إياه ويهدي عيالنا جميعا

كل اليهال ف البدايه جي بس عقب بيتأقلمون انتوا حاولوا اتحببونهم بالروضه ^^

الله يعينج الغالية
بس على فكره ترا الروضه او الحضانه تلعب دوور
يعني اسلووب المعلمات كيف معاهم و شو الاغراض اللي متوفره فالروضه هل عندهم اشياء اتشوق الايهال انهم يداومون ويححبهم فالمدرسه هاي ولا لا
فيه وايد اشياء

اختي راجعي ادارة الروضة وحاولي تعرفين السبب منهم

أكيد في سبب مضايقنه في الروضه