حبايبي انا وريلي مب متفاهمين وايد مره اوكي ومره لا بالآخر ماشي ثقه وريلي من النوع العنيييد والعصبي خوش
المهم فشلني مع وحده طالبه شغلات ويوم بغيت اطرشلها البيزات رفض واتلومت والله وطرشت لها مسج اعتذر لاني ماااابي ادفع من جيبي لانه يباني ادفع انا افهم عليه
المهم شو المشكله طلعت برع السالفه
السالفه
ريلي يبا بلااااااااااااااااااااااك بيري وانا معارضه الصراحه مابيه لو خذ بلاك بيري احس المشاكل بتزيد اللحين ماعنده وانا وهو توم وجيري
لانه يشوف ربعه قبل يوم قلتله ابي رفض اللحين يوم شاف ربعه وسوالفهم قال يبا وانا رفضت واليوم فتح الموضوع واتغير لانه عنده مشاغل بس اول مايحصل فرصه اكيييد بيشتري يالله شو الحل
موووووووووووووول مافي ثقه
واللي بتدش وبتقول متعقده او من هالكلام بقولها هييييييييييييييييه متعقده من سوالف الشباب هالزمن زمن اغبررررررر والله خذيتله اول مانزل بالسوق وسبحان الله ماكمل عنده اسبوع وانسرق ورد لتيلفونه الجديم ونسينا الموضوع بس اللحين الناس ماتستخدمه جي بس لاااااااا بلاوي زرقه وخضره وحمره يالله بالستر
المهم شو الحل شو اقوله ……………… فزعتكم ……….
على فكره قاللي لوعوزاه حخدلك نفسي وانا رااافضه ليش اللحين عفت البلاك الصراحه
ربي يوفقج و يسعدج مع ريلج
ربي يسخركـم لبعض أختي
وصراحـة انتي تعرفين ريلـج أكثر عنا
وأدرى إذا هذا التلفون بيناسبـه أم لا ^^
بس أختي ما في شي بالغصب 
خاصـة بالنسبـة للزوج غلطـة منج انج تمنعينـه من الشي بطريقـة مباشرة ..
لإنــه بييبه من وراج للأسف أو غصبا عنـج وانتي الي بتتأثرين أما هو بيسوي الي يبغاه !!
لو تقعدين وياه جلسـة إيجابيـة
وتشرحين له اسباب رفضج بالهداوة ^_^
خله هو يقتنــع شخصيـأ
خبريه انج من حبج لـه ومراعاتج لعلاقاتكـم ماتفضلين ان هذا الجهاز يدش بيتكـم ^_^
لإنـه بيشغله عنج وبتزيد الفجوة امبينكـم
بس أختي أنا لاحظت من كلامــج ان في فجوة اصلا سواء بوجود البلاك بيري أو عدمه ..
حاولي تدورين أختي وين اساس المشكلـة بينكم وتصلحينـه
لإن إذا علاقتكـم استوت طيبـة اصلا هو بيستوي يسمع كلامج وماياخذ شي إلا بشورج ^_*
ولا تنسين ان أساس الحياة السعيدة
هو العلاقـة المتينـة مع رب العالمين ودينـا الكريم ^_^
وربي يسخركـم لبعض
تفااهمي معااه 00وشوفواا سلبياات الجهااز وحسنااته وعلى النتااايج اتفقوااا
الله يسخركم لبعض ويسعدكم يااارب 0
بعدين الريال يمكن ماكان شي مب زين فباله وعنادج ورفضج بيخلي فظوله يزيد !! ليش حرمتي رافضه هالشي ؟! يمكن من وراج يدور ويشوف ويدور ع الشي السلبي قبل الايجابي !!
انتي يمكن ماجربتي البلاك بيري ولا هو جربه !!
جربيه وشوفيه !! ليش تاخذين كل شي من الناحيه السلبيه !!
مب سالفة تعقيد ولا سالفه انفتاح ..
السالفه يبالها تفكير من كل صوب !!