قبل ما أبدأ نقاشي أو موضوعي أقول لكم اني أحب أتكلم في أي موضوع يخص الحياة الزوجية وطريقة تعامل الأزواج مع بعضهم بالرغم اني مش معرسة
رب العالمين عطاني القدرة على فهم أشياء ما جربتها ولا عايشتها بنفسي لكن شفتها وعرفتها الحمدلله
ندخل فالموضوع
لاحظت تذمر وايد من الزوجات من حياة زوجها, يعني بمعنى أصح تقول: كيف أتحمل زوج يهينني أو زوج متطلباته وايد أو زوج ما يعيبه شي وزوج عصبي….الخ
وتقول: ليش نحن مفروض نتحملهم وهم لا؟!
إجابة سؤالج هي إن:
الرجل أصلا مثل الطفل من أول ما ينولد لين يعرس واييب عيال يتم طفل.
بتقولون وهل أنا خذته عشان اربيه؟
الإجابة: طبعا لا.
الرجل يا اختي كان عايش في بيت أهله مع أمه وأبوه وكان كل اهتمام أمه تحديدا من يوم انولد لين كبر ويوم تزوج تغير الوضع عليه وانتي تعتبرين شي جديد في حياته نوع آخر من الاهتمام هو يحتاجه تعرفين ليش؟ تخيلي لو كان فاقد أمه مثلا إنتي المفروض تعوضينه عنها مع إنها ما تتعوض لكن انتي بهالحالة مثل أمه محتاج لرعايتج وحنانج وثقتج واهتمامج.
محتاج لج أم وزوجة عشان اشياء وايد بذكرها لج.
لو كان يسوي أشياء لا تحتمل مثلا: يخونج…يبا يتزوج عليج …متطلباته وايد, المفروض انتي شو تسوين؟
الإجابة: تتحملينه وتصبرين شوي وتعاقبينه.
وتفسير الإجابة تعرفينه لو رجعتي فوق للي قريتيه وهو الرجل طفل.
وعشان أوضح لج: لو ولدج سوى شي غلط شو ردت فعلج؟ أكيد بتعاقبينه بأي اسلوب بس طبعا مب ضرب لانه عيب تضربين ريال فالنهاية.
لكن بتعالجين الموضوع وبتحاولين تفهمينه غلطه وتصبرين عليه, الريال عزيزتي بما إنه مثل الطفل فهو محتاج منج تعاملينه بجزء من هالطريقة وأولهم الصبر
حتى لاحظي الريال يوم يتكلم عن زوجته في بعض الأحيان شو يقول: بالرغم من اني عاملتها بسوء وخنتها وتزوجت عليها لكنها صبرت وتحملتني.
فكري بإن ريلج مثل أحد أبناءج تحبينه وتخافين عليه وتهتمين فيه بغض النظر عن ردت فعله تجاهج.
المرأة هي أساس الرجل هي أنجبته وهي ربته وهي علمته وهي كل شي فالوجود, رب العالمين عظم شأنها من قبل ما ننخلق ونعرف هالشي
عشان جذي واجبتها كبيرة وتتحمل وتصبر, عيل ليش الجنة تحت أقدام الأمهات مثلا؟
ورب العالمين هو حدد واجبتها تجاه الرجل اللي مهما سوى أساسا يبقى ضعيف أمام المرأة لهالشي أطلب منكم ما تتذمرون إنتن مخلوقات من أجل الرجل والرجل يحتاج لج مهما كان اللي يسويه
بصبرج واحتواءج له وحسن معاملتج تكسبينه لو أخطاءه كبر الجبل.
أتمنى اني قدرت اوصل المعلومة واني أفدت قدر كبير منكم
وحياة سعيدة للجميع يارب
لآ إلهـ إلآِ آللـه ؤحدَهـْ لآ شِريَگ له
آسِتغفًرَ آللهَـ ؤ أتؤبَ إليِـهـ
.
الريال مثل الياهل مهما كبر بالعمر يحتاج اهتمام ورعايه
كنت معصبه منه بس احينه هديت
يعطيج العافيه عالموضوع
والله يوفق الجميع
بس اكتشتفت انه اب و ام للزوجه و الزوجه هي الطفله
التذمر سلاح بطئ و موت بطئ للملل فالعلاقه الزوجيه
و لقلب الرجل خاصه .. كثرت التذمر تطفش الريال .