بس لا تقولون لي اتصلي بالدكتورة اسئليها لأني دقيت لها وقالولي ما بتكوون موجوودة إلا يوم الأربعاء الياي لأنه عندها عمليات وحالات ولادة … وما اقدر اسير عند دكتورة ثانية … لأنه تعرفوون هي متابعة حالتي وتعرفوون اذا غيرتها ببدأ فالتحاليل والفحوصات من اول ويديد عسب الدكتورة الثانية تعرف شو فيني 
فقلت مالي غيركم انتو وان شاءالله ما بتقصروون معاي
انا آخر دورة عندي كانت تاريخ 7 الشهر اللي طاف ( يعني شهر 10 ) وفي فترة الإباضة قالت لي الدكتورة إنه حجم البويضة زيين … بس هي عطتني إبرة التفجيير وقالتلي بتحسين بآلام مثل آلام الدورة يومين
لكن الحين كملت 12 يوم من خذت هالإبرة وأحس من كم يوم بآلام في البطن مثل آلام الدورة لكن خفيفة واحس بوخزات في قلبي لكن هالوخزات متقطعة تييني بين فترة وثانية يعني مب متواصلة …. مب عارفة إذا عوار القلب له دخل فالموضوع ولا لأ
الحين انا محتارة هي قالت لي الآلام بتحسين فيها لمدة يومين او ثلاثة بالكثير بعد ما تاخذين الإبرة … والحيين مروو 12 يووم واحس الآلام رجعت …. مع إنه باجي اسبوع تقريبا على دورتي يعني توه الناس
والله انا خايفة
اتمنى إنكم تطمنوني
انتظر منكم الرد واللي عندها أي تفسير ياليت ما تبخل علي بالرد
لان مثل ما تعرفين ان جسم عن جسم يختلف,,,
وشي طبيعي اذا اختلفت فترة الالام ومفعول الدوا,,,,وانا من جهتي اطمنج وان شاء الله كل شي طبيعي ….
بصراحه ما عندي فكره بس ما حبيت اطلع بدون تعليق
بليييز اللي تدخل تطمني
وان شاء اله تبشريناانج حامل
ردوو علي لو بدعوة طيبة
وان شاء الله نسمع اخبار حلوه منج قريب